Juan 17:15 - Kashibo-Kakataibo Biblia

¹⁵ Ënë nëtënuami atu binun quixun cana mi ñucatiman. An min bana cuacëma unicamaxa atumi nishcëbëtanbimi ñunshin ꞌatimanën ꞌapun ꞌibuati rabanan bërúanun quixun cana mi atu ñucáxunin.

Nukën 'Ibu Diosan ain unikama 'inan ain bana

¹⁵ Ënë nëtënuami atu binun quixun cana mi ñucatiman. An min bana cuacëma unicamaxa atumi nishcëbëtanbimi ñunshin 'atimanën 'apun 'ibuati rabanan bërúanun quixun cana mi atu ñucáxunin.

Juan 17:15 Iomraidhean Croise

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

Salmos 121:7

Nukën ꞌIbu Diosan ka kamabi ñu ꞌaisama inuti ꞌikëbi mi bërúaia usa ꞌixun ka an upitimi tsónun mi ꞌimiti ꞌikën.

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Mateo 5:37

Usai quima camina cëmëma banan cuni banati ꞌain. Cëmëcëma ꞌaish camina —Nucën Papa Diosan ismainun cana asérabi mi cain —qui banatima ꞌain. A ñunshin ꞌatimanën sinánmicë uni ax ca usai banaia.

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Lucas 11:4

Unían nu ꞌatimocëxunbinu aribi ꞌatimoquinma a ñucama sinánquinma manucë ꞌain camina nuxnu ꞌuchacëcama nu tërë́nxunquin manuti ꞌain. Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain.

Lucas 22:32

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Gálatas 1:4

Ënë menu ꞌicë ñuishi ꞌatia an sináncë unicaman ꞌacësaribi oquin ñu ꞌatima ꞌati rabanan nu ië́mi ca ax bamatsianxmabi nun ꞌucha cupí bamacëxa, Nucën Papa Dios cuëëncësabi oi.

2 Tesalonicenses 3:3

usa ꞌaínbi ca Nucën ꞌIbu Jesusan aín quicësabi oquin mitsu ami catamënun cushioquin, ñu ꞌatima ꞌaxunma ꞌanun bërúanti ꞌicën.

2 Timoteo 4:8

Usa ꞌixun cana Nucën ꞌIbu Jesucristonën utancëxun, upí oquin ax cuëëncësabi oquin ꞌën ꞌacë cupí cara uisaira ꞌë ꞌimiti ꞌicë quixun isti ꞌain. An ca asérabi aín quicësabi oquin ꞌati ꞌicën. Usa ꞌixun ca ꞌëishima, an axa uti cuëënquin caíncë unicamaribi, utancëxun uisaira oquin cara aturibi ꞌimiti ꞌicë usoquin ꞌimiti ꞌicën.

1 Juan 5:18

Cananuna ꞌunanin, asérabi Nucën Papa Diosan bëchicë ꞌaish ca uni amiribi amiribi ꞌuchaima. Usa ꞌicëa Nucën Papa Diosan Bëchicë Jesucristonën bërúanquin ꞌaquinia ca ñunshin ꞌatimanën uisabi oima.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.