Juan 17:11 - Kashibo-Kakataibo Biblia

¹¹ Ënë nëtënu cana ꞌëx tiquiman, cana mibë ꞌi cuanin. ꞌËx cuancëbë ca atux ënë nëtënu bërúti ꞌicën. Mix ꞌuchañuma ꞌaish upíira ꞌianan cushiira ꞌixun camina minmi minan ꞌinun ꞌëmi sinánmicë unicama ënë bërúanti ꞌain. ꞌËx mibë ꞌicësaribitia atux bëtsibë nuibanani achúshi sinánñuishi ꞌaish achúshisa ꞌinun camina atu bërúanti ꞌain.

Nukën 'Ibu Diosan ain unikama 'inan ain bana

¹¹ Ënë nëtënu cana 'ëx tiquiman, cana mibë 'i cuanin. 'Ëx cuancëbë ca atux ënë nëtënu bërúti 'icën. Mix 'uchañuma 'aish upíira 'ianan cushiira 'ixun camina minmi minan 'inun 'ëmi sinánmicë unicama ënë bërúanti 'ain. 'Ëx mibë 'icësaribitia atux bëtsibë nuibanani achúshi sinánñuishi 'aish achúshisa 'inun camina atu bërúanti 'ain.

Juan 17:11 Iomraidhean Croise

Isaías 64:2

ꞌianan ka tsi rëkirukin i muxañukama xarokin këñukësaribi ꞌianan, anun ñu ꞌarukëxun ꞌumpaxan kubinmikë usaribi ꞌiti ꞌikën. Usa ꞌain ka axa mimi nishkë unikaman mix kamina kushi ꞌai kixun unántsianxa, ꞌimainun ka kamabi menu ꞌikë unikamaribi mimi rakuë́ti bërëtsianxa.

Jeremías 14:21

¡Min anë axa rabikë ꞌinun kamina nu timakësa otima ꞌain, ꞌianan kamina anua min kushi ꞌikë xubu ꞌupiokin ꞌakë anuxun ꞌapun bana ñuia kuakë a timakësa otima ꞌain! ¡ꞌIanan kamina nubëtan mi nëtë́timokin ñu ꞌa a sinánkin, ñankáishisa ꞌinun ꞌimitima ꞌain!

Jeremías 14:7

¡Nukën ꞌIbu Dios nun ꞌuchakë anbi ka nukama ꞌaisama ꞌimia, usa ꞌain ka mix nuibanankë ꞌain min anë ax upíokin rabikë ꞌiti ꞌikën! Usa ꞌaínbi kananuna mix kikësoi ꞌima ꞌitsaira nukamax mimi ꞌuchan.

Mateo 10:16

ꞌËn cana carnero ꞌinúan nëëcë nëbë́tsinu ꞌicësaribi ꞌinun mitsu xutin. Nëëquin ca ꞌinúanën carnero binuxun bëarati ꞌicën. Usaribi oquin ca axa mitsumi nishcë unin mitsu ꞌatimocatsi quixun sinánti ꞌicën. Usaquian sináncëbë camina bërúancati ꞌain, runu ꞌicësaribiti. Bërúancanan camina axa mitsumi nishcë uni ami nishi abë ꞌatimonantima ꞌain, numacuru ꞌicësaribiti.

Mateo 5:48

Usa ꞌain camina mitsun Papa Dios, axa naínu ꞌicë, an sináncësaribi oquin sinánti ꞌain.

Mateo 6:9

Usa ꞌain camina ësaquin cai Nucën Papa Diosbë banati ꞌain: Nucën Papa Dios, naínu ꞌicë, mix camina asérabi min sinan upíira ꞌain. Usa camina mix ꞌai quixun ca camabi uni mi ñui upí banáinshi banati ꞌicën.

Juan 13:1

Pascua anun carnero ꞌati nëtëa ꞌicëma pan ꞌain ca Jesusan ꞌunáncëxa, anúan ënë menuax aín Papanu cuanti nëtë ca ꞌuramatia quixun. Jesusan ca ënë menuxuan aín bana cuacë unicama camabi nëtën upí oquin nuibacëxa. Usa ꞌain ca Jesús ax an atu nuibacë cupí bamaia aín unicaman —asérabi nu an nuibati ca usai bamaia —quixun ꞌunánti nëtë ꞌuramacëxa.

Juan 13:3

Piquin ca —ꞌën Papan camabi ñu ꞌibuamianan ënë nëtënu xuá ꞌaish cana anuribi cuantëcënti ꞌai —quixun sináncëxa.

Juan 14:20

A nëtën camina ꞌunánuxun ꞌacanin, ꞌëx cana ꞌën Papabë ꞌain, usaribiti camina mitsux ꞌëbë ꞌain, ꞌëxribi mitsubë ꞌimainun.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Juan 17:23

Mix ꞌëbë ꞌicësaribiti cana ꞌëx atubë ꞌain, atúxa asérabi nuibanani bëtsin ꞌacësaribi oquin sinani achúshisa ꞌinun. Atúxa usa ꞌain ca an min bana cuacëma unicaman ꞌunánti ꞌicën, asérabi camina min ꞌë xuacë quixun. ꞌUnánan ca, ꞌëmi ꞌacësaribi oquin camina an ꞌën bana cuacë unicama nuibati quixun ꞌunánti ꞌicën.

Juan 17:25

Papan, upíira sinánñu camina ꞌain. Usa ꞌicëbi ca an min bana cuacëma unicaman mi ꞌunanima. ꞌAínbi cana ꞌën mi ꞌunan, an ꞌën bana cuacë unicamanribi ca asérabi camina min ꞌë xuacë quixun ꞌunania.

Juan 17:6

Minmi usama ꞌicëbi ꞌëmi sinánmicë, acama cana uisa caramina mix ꞌai quixun ꞌunánun bana ñuixuan. Min unio ꞌaísha minan ꞌicëbi camina ꞌëmia sinánun ꞌimia. Usaquinmi ꞌimicëx ca ꞌën min bana ñuixuncëxun cuati ax quicësabi oi ꞌiaxa.

Juan 7:33

Xucëxa cuancëbë ca anu ꞌicë unicama cai Jesús quiacëxa: —ꞌËora pain ënu mitsubë ꞌitancëx cana an ꞌë xuá anu cuanti ꞌain.

Hechos 3:21

Ucëma pan ꞌaísha Jesucristo anu ax ꞌicë anu ꞌimainun ca Nucën Papa Diosan, an ax quicë bana uni ñuixuncë unicaman cuënëosabi oquin, camabi ñu sënë́onti ꞌicën.

Romanos 12:5

Usaribiti cananuna nux ꞌitsa ꞌaíshbi camáxbi Cristonan ꞌaish ax nubë ꞌain achúshi unisa ꞌain. An ꞌamicëxuan bëtsi bëtsi unin bana ñuixunmainun ca raírinën bëtsi bëtsi ñu ꞌaia. Usoquin bëtsi bëtsi ñu ꞌaíbi cananuna camáxbi Cristonan ꞌaish achúshisa ꞌain.

Romanos 9:17

Usaribi oi ca Faraón ñui Nucën Papa Diosan bana cuënëo ësai quia: “Camabi unían ꞌën cushi ꞌunánun cana mi Egipto menu ꞌicë unicaman ꞌapu ꞌimin. Mixmi ꞌapu ꞌicëbëtan ꞌën min menuxun ñu ꞌaia chanioia cuaquin ca camabi menu ꞌicë unin ꞌëx cana asérabi cushi ꞌai quixun ꞌunánti ꞌicën”.

1 Corintios 1:10

Mitsux Jesucristomi sináncë ꞌaish camina ꞌën xucë́antu ꞌain. Usa ꞌicë cana Nucën ꞌIbu Jesucristo cuëëncësabi oquin mitsu ësoquin cain: Bëtsin sináncësaribi oquin sinani camina bucucanti ꞌain. Masáquin sinani camina bëtsibë nishanancantima ꞌain. Nishananíma nuibananshiti camina camaxunbi bëtsin sináncësa oquinshi sinani upitax bucucanti ꞌain.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Efesios 4:4

Jesucristonan ꞌaish ca aín unicama achúshisaishi ꞌicën. An atu ꞌaquincë Nucën Papa Diosan Bëru Ñunshin Upí ax ca achúshishi ꞌicën. Usa áin ca bëtsin ꞌunáncësaribi oquin aín unicaman ꞌunania, Nucën Papa Diosan ca aín nëtënu abë ꞌinun nu caísacëxa quixun.

Filipenses 2:9

Usaía ꞌicë cupí ca Nucën Papa Diosan Jesucristo, unicama ꞌimainun ángelcamabëtan sënë́nmaira ꞌimiacëxa. Bëtsi unicamasamaira ca a uni Jesús caquin anëcë, a ꞌicën.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 9:24

Ax ca tabernáculo, anua Nucën Papa Dios ꞌicë tanquian unin ꞌacë, anuma, anua Nucën Papa Dios ꞌicë anubi atsíancëxa, anuxuan nu Nucën Papa Dios ñucáxuncë anu.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

1 Pedro 1:5

A nëtënu ꞌiisama pain ꞌaíshmi ënë nëtënuaxbi ami catamëtia isquin ca Nucën Papa Diosan aín cushínmi ñu ꞌatima ꞌaíma upíshi ꞌinun mitsu bërúanquin ꞌaquinia, an mëníosabi oími Jesucristoa utëcëncëbë aín nëtënu abë tsónun.

1 Juan 3:12

Ñunshin ꞌatimanën ꞌapunan ꞌixun ca Cainan aín xucë́nbi ꞌacëxa. Usaribi cananuna ꞌitima ꞌain. ¿Uisa cupí cara Cainan aín xucën ꞌacëx? Aín xucënan ꞌacë ñu upí ꞌimainuan an ꞌacë ñu upíma ꞌain ca Cainan aín xucën ꞌacëxa.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 19:12

Aín bëru rabë́ ca tsi rëquirucë ënxáira iscësa ꞌiaxa. Axa asérabi ꞌapuira ꞌain ca ꞌapun mañuti ꞌitsaira aín maxcánu ꞌiaxa. Aín anë cuënëocë ꞌicë ca uinu ꞌicë unínbi uisai quicë cara a ꞌicë quixun ꞌunántima ꞌicën, ainshi ca ꞌunania.

Apocalipsis 4:8

A ñucama achúshi achúshinëx ca anúan nuánti mëcën achúshi ꞌimainun achúshi pëchiñu ꞌiaxa. Aín bërucamax ca ëman ꞌianan ꞌucë mëúribi ꞌiaxa. A ñux ca nëtë́nbi imë́bi nëtëtima Nucën Papa Dios rabi ësai quiaxa: Nucën Papa Dios, ax ca upíira upí, upíira upí upíira upí ꞌicën. Aín cushix ca chaira ꞌaish bëtsi cushisama ꞌicën. Ax ca usabi ꞌiá ꞌaish, usabi ꞌaish, usabi ꞌiti ꞌicën.