Juan 17:10 - Kashibo-Kakataibo Biblia

¹⁰ Uicamax cara ꞌëmi sinania acamax ca mimiribi sinania. Usaribiti ca uicamax cara mimi sinania acamax ca ꞌëmiribi sinania. ꞌËn sinánsaribi ca atun sinan ꞌicën.

Nukën 'Ibu Diosan ain unikama 'inan ain bana

¹⁰ Uicamax cara 'ëmi sinania acamax ca mimiribi sinania. Usaribiti ca uicamax cara mimi sinania acamax ca 'ëmiribi sinania. 'Ën sinánsaribi ca atun sinan 'icën.

Juan 17:10 Iomraidhean Croise

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 11:4

Xucëx cuanxuan unin cacëx ca Jesús quiacëxa: —Ca ꞌinsíanxa ꞌaíshbi ca bamatima ꞌicën. Unían uisaira cara Nucën Papa Diosan cushi ꞌicë quixun ꞌunánan, uisaira cara aín Bëchicënën cushiribi ꞌicë quixun ꞌunánun ca a uni ꞌinsíanxa.

Juan 12:23

Cacëxun ca Jesusan Felipecëñun Andrés cacëxa: —Uni ꞌinux Nucën Papa Diosnuax uá ꞌaish cana ꞌëx bamatancëx baísquiti ꞌain. A nëtë ca bërí ꞌurama ꞌicën.

Juan 5:23

a rabicësaribi oquían camabi unin ꞌëribi rabinun. An aín Bëchicë ꞌicë ꞌë rabicëma, an ca ꞌën Papa an ꞌë xuá, aribi rabima.

Hechos 19:17

Usoquian ꞌacëa ñuia ca Efesonu ꞌicë judíos unicama ꞌimainun judíosma unicamanribi cuacëxa. Cuati racuë́quin ca: —Nucën ꞌIbu Jesús, ax ca cushiira ꞌicë —quiquin a rabiacëxa.

Gálatas 1:24

Usaquian ꞌë ñuia cuaquin ca Nucën Papa Dios rabiacëxa.

Filipenses 1:20

Usa ꞌain cana ꞌëx Jesucristomishi catamëtia uni ië́ti bana, a ñui rabínquinma, ꞌën ꞌacësabi oquin ñuitisa tanin. Usoquin ꞌai cana nëtë camabi ami catamëti asaribi ꞌiisa tanin, ax ca asérabi upíira ꞌicë quixun ꞌunania camabi uni ami catamënun. Bamacëma ꞌixun ꞌën bana ñuixuncë cupí ꞌiananbia, ꞌëx bamacëbëbi uni ꞌën aín bana ñuixuncë cupí Jesucristomi sinánti cana cuëënin.

Colosenses 2:9

Cristonëx ca uni ꞌicën, ꞌaíshbi ca uisaira cara Nucën Papa Dios ꞌicë usaribi ꞌicën.

2 Tesalonicenses 1:10

Usai ca ꞌiti ꞌicën, a nëtë anúan Nucën ꞌIbu Jesucristo uti, aín unicaman —upíira ca Nucën ꞌIbu Jesucristo ꞌicë —quixun ami sinani cuëënquin a rabinun. Mitsúnribi nun aín bana ñuixuncëxun cuati ami catamëcë ꞌixun camina aín unicamabëtanbi cuëënquin a rabiti ꞌain.

2 Tesalonicenses 1:12

Usaquinmi mitsun ꞌacëbëtan ca Nucën ꞌIbu Jesucristo, ax asérabi upí ꞌianan cushiira ꞌicë ꞌunánquin unin rabiti ꞌicën. Rabicëbëtan ca mitsúxribi Jesucristosa ꞌicë unin isti ꞌicën. Nucën Papa Dios ꞌimainun Nucën ꞌIbu Jesucristo an mitsu nuibaquin ꞌimicëx camina mitsux usa ꞌiti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.