Juan 16:30 - Kashibo-Kakataibo Biblia

³⁰ Bërí cananuna ꞌunanin, upí oquin camabi ñu ꞌunánquin camina bana ñuixuanan bëtsi ñuribi ꞌan. A cupí cananuna mi ñucátëcënquinma, asérabi ca usa ꞌicë quixun ꞌunánan mix camina asérabi Nucën Papa Diosnuax uá ꞌai quixun ꞌunanin.

Nukën 'Ibu Diosan ain unikama 'inan ain bana

³⁰ Bërí cananuna 'unanin, upí oquin camabi ñu 'unánquin camina bana ñuixuanan bëtsi ñuribi 'an. A cupí cananuna mi ñucátëcënquinma, asérabi ca usa 'icë quixun 'unánan mix camina asérabi Nucën Papa Diosnuax uá 'ai quixun 'unanin.

Juan 16:30 Iomraidhean Croise

1 Reyes 17:24

Ësakin kakëxun ka xanuxunribi Elías kakëxa: —Bërí kana ꞌën mix kamina asérabi këmëima Diosan uni ꞌai kixun ꞌunanin, ꞌimainun ka mixmi asérabi këmëima banaia Diosan kuatia.

Juan 16:17

Ësoquian cacëx ca aín ꞌunánmicë unicama raírinëx canancëxa: —¿Uisai quicë bana cara, “ënu mitsubë ꞌitancëx nëtëtia camina ꞌë istima ꞌain. ꞌIxunbi camina ꞌitsama nëtë́inshi ꞌë ꞌistëcënti ꞌai”, quianan, “anu Nucën Papa Dios ꞌicë anu cana cuanin” quicë ënëx ꞌic?

Juan 16:23

A nëtën camina uisai quicë cara ꞌën mitsu cacë bana ënëx ꞌicë quixun ꞌë ñucánuxunma ꞌain. Asérabi cana mitsu cain, ꞌëx quicësabi oquinmi a ñucácëxun ca Nucën Papa Diosan mitsu ꞌaxunti ꞌicën.

Juan 16:26

Usacëbëtan camina ꞌënan cupí Nucën Papa Diosan mitsu ꞌaquinun ñucáti ꞌain. ꞌËinshi mitsu a ñucáxunti caínquinma camina mitsúnbi abë banaquin a ñucáti ꞌain.

Juan 16:31

Ësoquian cacëxun ca Jesusan aín ꞌunánmicë unicama cacëxa: —¿Usa ꞌain caramina bërí pain ꞌëx cana asérabi Nucën Papa Diosnuax uá ꞌai quixun ꞌunanin?

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Juan 5:20

ꞌËn Papan ca ꞌëxira aín Bëchicë ꞌicë nuibaquin an ꞌacë ñucama ꞌë ismia. An ca mitsúnmi iscësamaira ñu, a isími mitsux ratúti, a ꞌë isminuxun ꞌaia.

Juan 8:42

Usaquian cacëxun ca Jesusan cacëxa: —Nucën Papa Diosnuax cana ꞌëx ënë menu uacën. ꞌËx cana ꞌëxbi uáma ꞌain, an ca ënu unun ꞌë xuacëxa. Usa ꞌain camina mitsux asérabi Nucën Papa Diosnan ꞌaish ꞌëmi sinántsian.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.