Juan 16:3 - Kashibo-Kakataibo Biblia

³ Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Nukën 'Ibu Diosan ain unikama 'inan ain bana

³ Uisa nëtë́nbi Nucën Papa Dios 'imainun 'ëribi 'unáncëma 'ixun ca usoquin mitsu 'ati 'icën.

Juan 16:3 Iomraidhean Croise

Lucas 10:22

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Juan 15:21

Nucën Papa Dios an ꞌë xuá a ꞌunáncëma ꞌixun ca ꞌënan cupí raíri unin mitsu bëtsi bëtsi onuxun ꞌaia.

Juan 15:23

Axa ꞌëmi nishcë uni, ax ca ꞌën Papamiribi nishia.

Juan 17:25

Papan, upíira sinánñu camina ꞌain. Usa ꞌicëbi ca an min bana cuacëma unicaman mi ꞌunanima. ꞌAínbi cana ꞌën mi ꞌunan, an ꞌën bana cuacë unicamanribi ca asérabi camina min ꞌë xuacë quixun ꞌunania.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 8:19

Usaquian Jesusan cacëxun ca fariseo unin cacëxa: —¿Uinu cara min Papa ꞌic? Cacëxun ca Jesusan cacëxa: —Mitsun camina ꞌunaniman, ui carana ꞌëx ꞌai quixun. ꞌËn Paparibi camina ꞌunaniman. Asérabi ui carana ꞌai quixun ꞌë ꞌunánquin camina ꞌën Paparibi ꞌunántsian.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

Hechos 3:17

Ësoquin catancëxun ca Pedronën amiribishi cacëxa: —ꞌËn xucë́antu, cana mitsu cain, ꞌën cana ꞌunanin, asérabi ca ax Nucën Papa Diosan Bëchicë ꞌicë quixun ꞌunánxunmaishi camina mitsun ꞌapucamabëtanbi, mitsun Jesús uni ꞌamian,

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.

1 Juan 2:23

Camabi uni axa —Jesús ax Cristoma ꞌicë, cana ami catamëtima ꞌai —quicë uni, ax ca Nucën Papa Diosmiribi catamëcëma ꞌicën. Usa ꞌaínbi ca axa —Jesús asérabi Nucën Papa Diosan Bëchicë ꞌaish asaribi ꞌicë cana ami catamëti —quicë unicama, abë Jesucristo ꞌimainun Nucën Papa Diosribi ꞌicën.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.

1 Juan 4:8

Nucën Papa Dios ax ca an unicama nuibairacë a ꞌicën. Usa ꞌain ca an bëtsi uni nuibacëma uni ax Nucën Papa Dios ꞌunáncëma ꞌicën.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.