Juan 16:22 - Kashibo-Kakataibo Biblia

²² Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi.

Nukën 'Ibu Diosan ain unikama 'inan ain bana

²² Usaribiti camina mitsux bërí masá nuitutin, 'aíshbi camina 'ë istëcëni cuëënquin chuámashirua tanti 'ain, uinu 'icë unínbi sinanamitisama oi.

Juan 16:22 Iomraidhean Croise

Salmos 33:21

Nukamax kananuna nun nuitu chuámarua tani kuëënin; nun kananuna aín anëmi sinanin.

Jeremías 31:12

Usakian chikinkëx utankëx ka kuëëni kantai Jerusalénnu ꞌikë matákamanuax kuëënti ꞌikën, usai ꞌia Nukën ꞌIbun ꞌakinkin ñu ꞌinánkëx ka: ꞌitsaira kuëënkanti ꞌikën kuëënika, trigo ꞌimainun uvas baka ꞌakë vino ꞌimainun xëni ꞌianan, ovejakama ꞌimainun vacakamañu ꞌiti ꞌikën. Usa ꞌain ka a unikamax an ië́mikëx amiribishi ꞌain ꞌIbu Diosmi katamëti aín menu tsókë ꞌaish unin aín xubu rapasu ꞌapáxun ꞌupiokin ñu bërúankësa usaribi ꞌaish, amiribishi ñusmatëkënima kushi ꞌikanti ꞌikën.

Mateo 28:8

Usaquian ángelnën cacëxun, asérabi ca Jesús anuma ꞌicë quixun istancëx ca quininuax chiquíquiani racuëtibi cuëënquiani aín ꞌunánmicë unicama ñuixuni abáquiani cuancëxa.

Lucas 10:42

Usa ñucama ꞌati asábi ꞌaínbi ca ꞌën bana cuati, ax bëtsi ñu ꞌati sináncësamaira oquin sinánti asábiira ꞌicën. Maríanën ca usaquin ꞌati sinánxa. Usa ꞌain cana ꞌën a ꞌaxunma ꞌanun catima ꞌain.

Lucas 16:25

Cacëxun ca Abrahamnën ñuñu ꞌiá uni cacëxa: Mix bamacëma pain ꞌaish camina Lázaronëxa ñuñuma ꞌianan ꞌinsíncë ꞌaish nuibacamainun mix ꞌitsa ñuñu ꞌianan ꞌinsíncëma ꞌaish upitax tsoócën. Usai ꞌiá ꞌaíshbi ca bërí mixmi ꞌaisamaira paë tani tëmëramainun Lázaro ax asábiira ꞌicën.

Lucas 19:26

Usaquin cacëxun ca aín ꞌapun caxa: Uisa ñu cara a ꞌináncë ꞌicë anúan an cacësabi oquin ñu ꞌacë uni a ca aín ꞌibun ꞌinántabaquin ꞌináncësamaira oquin ꞌinántëcënti ꞌicën. Usonan ca anúan ñu ꞌaxuncëxunma a ꞌináncë ñu a aín ꞌibun bicuanti ꞌicën.

Lucas 24:41

Usoquian ismicëxbi ca —ënëx ca Jesús ꞌicë —quiax cuëënibi sináncasmai ratúacëxa. Ratutia isquin ca Jesusan —¿mitsun a piti ñu cara ꞌaíma ꞌic? —quixun cacëxa.

Juan 14:1

Usaquin catancëxun ca ësaquinribi Jesusan aín ꞌunánmicë unicama cacëxa: —Masá nuituaxma ca ꞌican. Nucën Papa Diosmi camina catamëti ꞌain. Nucën Papa Diosmi catamëti ca ꞌëmiribi catamët.

Juan 14:19

ꞌItsama nëtë ꞌicëbëtan ca an Nucën Papa Diosan bana cuacëma unin ꞌë istëcëntima ꞌicën. Usa ꞌaínbi camina mitsun ꞌë istëcënuxun ꞌain. ꞌËx pain Nucën Papa Diosbë ꞌicë cupí camina usaribiti mitsúxribi abë ꞌinuxun ꞌain.

Juan 14:27

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Juan 16:16

Ënu mitsubë ꞌitancëxbi nëtëtia camina ꞌë istima ꞌain. ꞌIxunbi camina ꞌitsama nëtë́inshi ꞌë istëcëncanti ꞌain. Anu Nucën Papa Dios ꞌicë anu cana cuanin.

Juan 16:20

Asérabi cana ꞌën mitsu cain, ꞌë cupí camina masá nuituti bëunan mëscúcanti ꞌain. Mitsúxmi usai ꞌimainun ca an Nucën Papa Diosan bana cuacëma unicama cuëënti ꞌicën. Masá nuitutáncëxbi camina mitsux ꞌë cupí chuámarua tani cuëënti ꞌain.

Juan 16:6

ꞌË ñucatímabi camina ꞌën cacëx masá nuitucanin.

Juan 21:7

Usocëbëtan ca aín ꞌunánmicë uni achúshi, aira nuibacë, an —ax ca Nucën ꞌIbu ꞌicë —quixun Pedro cacëxa. Cacëxuinshi pëxúan nancë aín chupa bixun pañutancëx ca Pedro nuntinuax bacanu ꞌibúquiani Jesúsnu cuancëxa.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Hechos 13:52

Cuanbi ca Antioquía ëmanu ꞌicë axa Jesucristomi catamëcë unicama aín Bëru Ñunshin Upíñu ꞌaish chuámashirua tani cuëëancëxa.

Hechos 16:25

Usoquian ꞌacëx ca Pablobë Silas imë́ naëx Nucën Papa Diosbë bananan a rabi cantacëxa. Usaría ꞌia ca anua ꞌicë sipuacë uni raírinën cuacëxa.

Hechos 2:46

Camabi nëtën anuxun Nucën Papa Dios rabiti xubunu a rabinux timë́anan ca atun xubunuribi timë́xun Jesúsmi sinánquin tëcë́npaxun pán pianan bëtsi ñuribi piquianani cuëëni bëtsibë bëtsibë nuibanancëxa.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

Hebreos 10:34

Usa ꞌixun camina Jesucristomi catamëcë cupía sipuacë unicama nuibaquin ꞌaquiancën. Mitsumi nishquian mitsun ñu bicancëbëbi camina masá nuitutíma usabi cuëëancën. —Ënë nëtënuax ñuñu ꞌaish cuëëncësamaira oi cana Nucën Papa Diosnan ꞌaish aín nëtënu nëtë́timoi abë ꞌiti ꞌai —quixun sinani camina cuëëancën.

Hebreos 6:18

Usa ꞌain cananuna an ca ax quicësabi oquin ꞌaia quixun ꞌunánan, axa —sinanatëcëntimoquin cana mitsu cai —quicë cupí ca an asérabi usoquin ꞌati ꞌicë quixun ꞌunanin. Usaquin ꞌunánquin cananuna ꞌunanin, nun nu an nu ꞌaquinun ñucácë ꞌixun ca nu asérabi ꞌaquinti ꞌicë quixun. ꞌUnánan cananuna ami catamëquin —aín bana quicësabi oi cana asérabi ainan ꞌaish aín nëtënu abë ꞌiti ꞌai —quixun ꞌunanin.

1 Pedro 1:8

A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.