Juan 16:21 - Kashibo-Kakataibo Biblia

²¹ Anúan bacë́nti nëtën ca xanu paë tani bënëtia. Usa ꞌaínbi ca nanipacëtancëxun aín tuáratsu isi —cana bacë́an —quixun sinani cuëëni, chuámashi tanquin, bëráma paë tancë a manuia.

Nukën 'Ibu Diosan ain unikama 'inan ain bana

²¹ Anúan bacë́nti nëtën ca xanu paë tani bënëtia. Usa 'aínbi ca nanipacëtancëxun aín tuáratsu isi —cana bacë́an —quixun sinani cuëëni, chuámashi tanquin, bëráma paë tancë a manuia.

Juan 16:21 Iomraidhean Croise

Génesis 3:16

Usakin runu katankëxun ka Nukën ꞌIbu Diosan xanuribi kakëxa: —ꞌËn kana min tuia chaiira paë tanimi bakënun ꞌimiti ꞌain, paën kamina bakënuxun ꞌain. ꞌAínbi kamina usai ꞌibi min bënëbë ꞌinuxun ꞌain, ꞌianan kamina, an kakësabiokin ꞌati ꞌain.

Miqueas 4:10

Kuënkëni katsati ka Sión ëmanu tsókë unikama ꞌiti ꞌikën, usai ꞌika achúshi xanu bakënun ꞌain tuákën paëokëx ꞌikësai ꞌiti ꞌikën, usa ꞌain ka minuax chikíkiani kuani unikama ëman ꞌiti ꞌikën, usai ꞌikiani kuani ka unikama Babilonia menu bëbakanti ꞌikën. ꞌAínbi ka anuabi Nukën ꞌIbun aín unikama; ië́mikin axa atumi nishkë unikamanuabi bëtëkënti ꞌikën.

Miqueas 4:9

Bërí kaina, ¿Uisa kupín ꞌain tuákën paëokëx xanu bënë́kë usaribiti ꞌi kuënkëni bënë́kanin? ¿Mitsunu kara ꞌapu ꞌaíma ꞌik? ¿ꞌIanan kara an mitsu ꞌësëkin bana ñuixunkë unikama ñuax?

Gálatas 4:27

Abrahamnën xanu ñui ca cuënëo bana ësai quia: An tuacë xanun rëbúnquinëxa ꞌicësamaira oi ca —ꞌën cana tuaima —quixuan an sináncë xanu aín rëbúnqui ꞌaisamaira ꞌiti ꞌicën. Usa ꞌain camina mix tuatima ꞌaish tuáñuma xanu ꞌaíshbi —tuáñu cana ꞌiti ꞌai —quixun ꞌunani cuëënti ꞌain; tuacën paë tancëma xanu ꞌaíshbi camina tuá ꞌimainun rëbúnquiñu ꞌicë cupí chuámarua tani cuëënti ꞌain.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.