Juan 16:20 - Kashibo-Kakataibo Biblia

²⁰ Asérabi cana ꞌën mitsu cain, ꞌë cupí camina masá nuituti bëunan mëscúcanti ꞌain. Mitsúxmi usai ꞌimainun ca an Nucën Papa Diosan bana cuacëma unicama cuëënti ꞌicën. Masá nuitutáncëxbi camina mitsux ꞌë cupí chuámarua tani cuëënti ꞌain.

Nukën 'Ibu Diosan ain unikama 'inan ain bana

²⁰ Asérabi cana 'ën mitsu cain, 'ë cupí camina masá nuituti bëunan mëscúcanti 'ain. Mitsúxmi usai 'imainun ca an Nucën Papa Diosan bana cuacëma unicama cuëënti 'icën. Masá nuitutáncëxbi camina mitsux 'ë cupí chuámarua tani cuëënti 'ain.

Juan 16:20 Iomraidhean Croise

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Jeremías 31:25

Anuxun kana axa numikëkama a ain piti ꞌinánan, axa xëaima kushiñuma ꞌi atsánkë akaman xëati ñu ꞌitsaira ꞌinun ꞌimiti ꞌain” Kiax kiakëxa.

Mateo 21:38

Xucëx cuanxa bëbaia isi ca an naë bërúancë unicamax canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Mateo 5:4

Axa masá nuitucë uni a ca Nucën Papa Diosanbi aín masáquin sináncë nëtë́miti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Marcos 14:72

Usaía quicëbëshi ca ꞌatapa amiribishi banatëcëancëxa. Banacëbëtan ca Pedronën Jesusan ësaquin cacë a sináncëxa: Rabë́ ꞌatapa banatisama pan ꞌain camina min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain. Usoquian Jesusan coóncë bana sinani ca Pedro masá nuituirai bëunan mëscúacëxa.

Marcos 16:10

Usai ꞌia isbiani ca masá nuitutia bëunan mëscúcë axa Jesúsbë nicë unicama a cai cuancëxa.

Lucas 22:45

Nucën Papa Dios ñucátancëx nirucuatsini uquinbi ca aín ꞌunánmicë unicama masá nuituiraia ꞌuxcë mëracëxa.

Lucas 22:62

Usoquian Jesusan coóncë bana sinani ca Pedro ëman chiquiti masá nuituirai bëunan mëscüacëxa.

Lucas 23:27

Usaía ꞌia ca ꞌaisamaira unin nuibiancëxa, xanucamanribi nuibiani ca ꞌaisamaira masá nuituti bëunan mëscuti rarumacëxa.

Lucas 24:17

ꞌUnáncëxunmabi ca Jesusan atu cacëxa: —¿Añu ñui caramina cananquianin? ¿Uisacatsi caramina masá nuitutin?

Lucas 24:21

Nun cananuna Romanu ꞌicë unían, nux Israel unibu ꞌicë, nu ꞌimainun nun nëtëcamaribi ꞌibuacë ꞌaínbia nunainshi nun nëtë ꞌinun, an nu mëníoxunti sinan, ꞌaínbi ca bamaëxanxa.

Lucas 6:21

Mitsux ꞌacëñuma pananquinbi camina ꞌunánti ꞌain, mitsúxmi panani bënë́axma ꞌinun ca Nucën Papa Diosan mitsu ꞌinánti ꞌicën. Usai ca ꞌiti ꞌicë quixun ꞌunani camina chuámarua tani cuëënti ꞌain. Masá nuituti iníbi camina Nucën Papa Diosanbi ca ꞌë cuëënun ꞌimiti ꞌicë quixun ꞌunani chuámarua tani cuëënti ꞌain.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Juan 16:6

ꞌË ñucatímabi camina ꞌën cacëx masá nuitucanin.

Juan 20:20

Ësoquin caquin ca aín mëcën rabë́ ismianan aín pichánpururibi ismiacëxa. Ismicëx ca aín ꞌunánmicë unicama Nucën ꞌIbu isi shimëniocati cuëëancëxa.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Romanos 5:11

Usaquin ꞌimicëx cananuna —Nucën ꞌIbu Jesucristo a cupí cana Nucën Papa Diosnan ꞌaish abë upí ꞌai —quixun ꞌunani cuëëinra cuëënin.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

1 Tesalonicenses 1:6

Nux ꞌicësaribiti ꞌianan Nucën ꞌIbu Jesús ꞌiásaribiti tëmëraibi camina mitsux Jesucristo ñuicë bana cuati ainan ꞌaish Nucën Papa Diosan Bëru Ñunshin Upitan ꞌimicëx cuëëinra cuëëan.

Santiago 1:2

ꞌËn xucë́antu, cana mitsu cain, uisai caramina ꞌiti ꞌain, uisa ñu cara mitsumi ꞌicëbëbi camina upí oquinshi sinani cuëënti ꞌain.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.

Apocalipsis 11:10

A rabëtan Nucën Papa Diosan bana ñuixunquin atun ꞌuchacama sinánmicë cupí ca axa Nucën Papa Diosmi sináncëma unicama a rabë́ bamacë isi cuëënti ꞌicën. Cuëëni ca abëa nuibanancë unicamabë ñu ꞌinánanti ꞌicën.

Apocalipsis 18:7

Anu ꞌicë unicaman rabíquin, —nux cananuna bëtsi unicamabëtan sënë́nmaira ꞌai —quixun sinánan atux cuëëncësabi oquinshi ꞌaiabi camina acama ꞌaisamairai tëmëranun ꞌimiti ꞌain. Atun ca “ꞌën cana casunamëcë xanun ꞌacësoquin tëmëratima ꞌai” quixun sinania.