Juan 16:2 - Kashibo-Kakataibo Biblia

² Mitsúxmi ꞌënan cupí ca anua judíos unicama timë́ti xubunu atsíntëcëanxmami ꞌinun mitsu chiquíncanuxun ꞌaia. Nucën Papa Dios cuëëncësabi oquin isa ꞌaia quixun sinánquin ca unin mitsu bëtsi bëtsi oquin ꞌati ꞌicën. Usai ꞌia camina isti ꞌain.

Nukën 'Ibu Diosan ain unikama 'inan ain bana

² Mitsúxmi 'ënan cupí ca anua judíos unicama timë́ti xubunu atsíntëcëanxmami 'inun mitsu chiquíncanuxun 'aia. Nucën Papa Dios cuëëncësabi oquin isa 'aia quixun sinánquin ca unin mitsu bëtsi bëtsi oquin 'ati 'icën. Usai 'ia camina isti 'ain.

Juan 16:2 Iomraidhean Croise

Isaías 65:5

A unikamax ka ësai kiakëxa, nu ꞌurama oíma kamina ꞌuri bërúti ꞌain; numi ꞌurama onuma kananuna upíira upí ꞌain; usa ꞌain kamina nu ramëtima ꞌain. Usa ꞌain ka a unikamax tikakëxa tsi nëtë́timaira bari buini ërë́kë usaribi ꞌikën; usa ꞌixun ka tsin kuinan rëtunkakëx ubikë usai ꞌinun ꞌë ꞌimia.

Mateo 10:28

An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.

Mateo 24:9

Usoquin canan ca ësaquinribi Jesusan aín ꞌunánmicë unicama cacëxa: —ꞌËmi sináncëma uni raírinën ca uni itsían mitsu bëtsi bëtsi onun ꞌinánuxun ꞌaia. ꞌInánan ca micama raíri ꞌanuxun ꞌaia. Mitsúxmi ꞌëmi catamëcë cupí ca camabi menu ꞌicë unicamax ꞌëmi sináncëma ꞌaish mitsumi ꞌi nishnuxun ꞌaia.

Lucas 6:22

Uni ꞌinux Nucën Papa Diosnuax uá ꞌën bana cuacë cupí unin mitsumi nishanan, mitsu cuëënquinma ꞌatimaquin ñuianan, mitsun anëmibi ꞌatimati banacëxbi camina chuámarua tani cuëënti ꞌain.

Juan 12:42

Usa ꞌaínbi ca ꞌitsaira judíos uni ꞌimainun aín ꞌapu raírinënribi Jesús, ax ca Cristo, axa utia atun caíncë, a ꞌicë quixun sináncëxa. Atun nuitu mëu usaquin sinaníbi ca chiquiracëti banama ꞌicën, fariseo unicamami racuëti —atun sapi ca anua judíos unicama timë́ti xubunu nu atsínmitëcëntima ꞌicë —quixun sinani.

Juan 16:25

Canan ca ësaquinribi Jesusan cacëxa: —Bëtsi ñu ñuicësoquin cana ꞌën ꞌunánmisa tancë banacama mitsu ñuixuan. Usa ꞌaínbi cana ꞌitsama nëtë ꞌicëbëtan bëtsi ñu ꞌacësoquin ñuiquinma upí oquin cuaquinmi ꞌunánun Nucën Papa Dios ñuiquin mitsu ñuixunti ꞌain.

Juan 16:32

ꞌUnanibi camina bëríbi camáxbi ꞌë ëbiani tsuáquiquiani amami amamitan cuanti ꞌain. Usai camina bëríbi ꞌë ëbiani cuancanin. Mistúxmi ꞌë ëbiani cuancëbëbi cana ꞌëshi ꞌima, Nucën Papa Dios ax ca ꞌëbë ꞌicën.

Juan 4:21

Cacëxun ca Jesusan cacëxa: —Asérabi cana mi cain, anúnmi ënë tucunuxunmabi, Jerusalénuxunmabi anumi mitsux ꞌicënuxunbi, Nucën Papa Dios rabiti nëtë ca aia.

Juan 4:23

Anúan an Nucën Papa Dios rabicë unix asérabi ami sinani ax cuëëncësabi oi ꞌiti cuëënquin a rabiti nëtë ca aia, bërí ca a nëtë ꞌicën. Usaquian unin a rabiti ca Nucën Papa Dios cuëënia.

Juan 9:22

Judíos unicamaxa bëráma ꞌësënani —uinu ꞌicë unin cara, Jesús ax ca Cristo, ax utia judíos unicaman caíncë, a ꞌicë quixun ñuia, ax ca anua judíos unicama timë́ti xubunua atsíntëcëntima oquin chiquíncë ꞌiti ꞌicë —quia ꞌunánxun ca usoquin cacëxa.

Juan 9:34

Cacëxun ca fariseo unicaman cacëxa: —Mix camina ꞌuchañubia min tita bacë́an ꞌaish usabi ꞌain. ¿Usa ꞌixunbi caramina min nu bana ñuixuinsa tanin? Usaquin caquin ca bëpë́xcucë uni anuaxa cuantánun quixun chiquíancëxa.

Hechos 5:33

Quia cuati nishquin ca judíos unibunën ꞌapucaman atu ꞌati sináncë́xa.

Hechos 7:56

Isquin ca cacëxa: —Ca is. Naí panárabëcëbëtan cana axa uni ꞌinux anuax uá Jesús, a Nucën Papa Dios mëquea nicë isin.

1 Corintios 4:13

Nu ñui ꞌatimati banaiabi cananuna nun abë nuibanainsa tanquin upí oquinshi ꞌësëin. Unin sináncëx cananuna nux ꞌaisama ꞌicëa unin pucë chinan usaribi ꞌain, bëríribi cananuna unin nu sináncëx usa ꞌain.

Filipenses 3:6

Judíos unicaman cuati Moisésnën cuënëo bana axëshi ca asábi ꞌicë quixun ñunshínquin sinánquin cana —axa Jesucristomi catamëcë unicamax ca ꞌaisama ꞌicë —quixun sinánquin atu bëtsi bëtsi ocën. Axa quicësabi oquin ꞌati Moisésnën cuënëo banacama quicësabi oquin cana ꞌën ꞌacën. Usa ꞌain ca a ñuiquian ꞌë ꞌuchoti ñubi ꞌaíma ꞌiacëxa.

Apocalipsis 6:9

Usai ꞌicëbëtan ca Carnero ꞌicësaribitia unin ꞌucha cupí bama, an anúan quirica tacáshcacë ñu itsiribi pëóshaxa. Pëóshcëbëtan cana Nucën Papa Diosan bana cuanan, a banax ca asérabi ꞌicë quiax quicë cupí unin ꞌacë́xa bama unicaman ñunshin, anuxun ñuina xaroti bucúncë maxax, a tëmúcüa isan.

Jueces 6:30

—Min bakë bëchikë kamina rëtënun nukama ꞌinánti ꞌain. ¡An kaisa Baal rabikin anuxun ñuina xaroxunti a rurupanan a rapasu nitsínkë i upíira aribi tëkëbutanun nipanëtia!