Juan 15:7 - Kashibo-Kakataibo Biblia

⁷ Mitsux ꞌëmi catamëanan ꞌën bana manuima ꞌëx quicësabi oi ꞌicë ꞌixunmi ñucácëxun ca Nucën Papa Diosan mitsúnmi cacësabi oquin mitsu ꞌaquinti ꞌicën.

Nukën 'Ibu Diosan ain unikama 'inan ain bana

⁷ Mitsux 'ëmi catamëanan 'ën bana manuima 'ëx quicësabi oi 'icë 'ixunmi ñucácëxun ca Nucën Papa Diosan mitsúnmi cacësabi oquin mitsu 'aquinti 'icën.

Juan 15:7 Iomraidhean Croise

1 Reyes 3:5

Achúshi ñantan ka Gabaón ëmanuxun, ꞌuxkë namámikin Diosan Salomón kakëxa: Añu ñu kaina kuëënkin ꞌë ñukáti akana mi ꞌinánti ꞌai kixun ka Diosan kakëxa.

Salmos 37:4

Nukën ꞌIbu nuibakin kamina an kakësabiokin ꞌati ꞌain, usokinmi ꞌakëbëtan ka min ñukákësabi okin mi ꞌaxunti ꞌikën.

Isaías 58:8

Usa ꞌain ka bëtsi ꞌakinkëbë mitsun tsóti ax barin urukin nëtë pë́kabëtsinkë usaribi ꞌiti ꞌikën, usai ꞌikëbë ka mitsun ñu ꞌatima ꞌakëkama nami tëakë ax bënëtishi mókësaribi ꞌinun mëníokati ꞌikën. Usai ꞌikëbë upiti tsókëbë kana ꞌëx Dios kamabi kushiñu ꞌaish mitsubë ꞌiti ꞌain.

Jeremías 15:16

Uínsaran kaina min ꞌë kai anun kana ꞌëx upíokin min bana kuati piti nëishokin ꞌakë pi kuëënkë, usaribiti kuëënun ꞌë ꞌimiakëxa, minmi kakë bana an ka ꞌë kuëënun ꞌimiakëxa ꞌëx minan ꞌikë. Nukën ꞌIbu Dios mix kamina kamabi kushiñuira ꞌain.

Mateo 7:7

Camina ꞌunánti ꞌain, ui unin cara Nucën Papa Dios ñucáquin caia a uni ca Nucën Papa Diosan ꞌinania. Ësa ca: Bari bariquin ca unin ñu mëraia. ꞌImainun ca unin bëtsi unían xëcuë taxcaia cuaquin a xubunu ꞌicë unin xëocaxunia. Usaribi oquinmi mitsun ñucáquin cacëxun ca mitsun bana cuaquin Nucën Papa Diosan mitsux cuëëncë ñu mitsu ꞌaxunti ꞌicën.

Juan 14:13

Añu caramina ꞌën anën ñucácësa oquin ꞌëx cuëëncësabi oquin ñucati, a cana mitsu ꞌaxúnti ꞌain, Nucën Papa Dios ca cushiira ꞌicë quixuan ꞌën ꞌaia isquin unin ꞌunánun.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 16:23

A nëtën camina uisai quicë cara ꞌën mitsu cacë bana ënëx ꞌicë quixun ꞌë ñucánuxunma ꞌain. Asérabi cana mitsu cain, ꞌëx quicësabi oquinmi a ñucácëxun ca Nucën Papa Diosan mitsu ꞌaxunti ꞌicën.

Juan 8:31

Usa ꞌain ca Jesusan axa aín bana cuati ami sináncë judíos unicama cacëxa: —ꞌËn mitsu cacë bana ënë manuquinma ax quicësabi oquin ꞌai camina asérabi ꞌën uni ꞌiti ꞌain.

Juan 8:37

Abrahamnën rëbúnqui camina ꞌai quixun cana ꞌën mitsu ꞌunan. Usaquin ꞌën mitsu ꞌunáncë ꞌaíshbi camina ꞌën bana cuaisama tani ꞌë ꞌacatsi quiax ꞌëmi ꞌësë́nanin.

Gálatas 4:2

Aín papan anúan aín ñu biti mënío nëtë sënë́ntamainun ca aín papan caíscë unin aín bëchicë bërúanan aín chupa acama aín papan curíquinën bixunti ꞌicën.

Gálatas 5:16

ꞌËn cana mitsu cain, mitsux cuëëncësabi oquin ñu ꞌatima ꞌaquinma camina Nucën Papa Diosan Bëru Ñunshin Upitan sinánmicësa oquinshi sinánquin ñu ꞌati ꞌain.

Deuteronomio 6:6

ꞌËn mitsu bërí kakë banakama ënë kamina manukinma upíokin sinánkanti ꞌain,

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

1 Juan 2:14

Uni apáncama, mitsúnmi axa ënë mecama unioisama pain ꞌaíshbi ꞌiá, Nucën Papa Dios, ainan ꞌixun ꞌunáncë cupí cana mitsu quirica cuënëoxuan. Bëná unicama, mitsux Jesucristomi cushicë ꞌianan Nucën Papa Diosan bana mitsun nuitunënbi sináncë ꞌixun ñunshin ꞌatimanën ꞌapúan ñu ꞌatima ꞌamitisa tancëxunbi ꞌacëma cupí cana mitsu quirica cuënëoxuan.

1 Juan 2:27

Atúxa usa ꞌaínbi ca Jesucristonën aín Bëru Ñunshin Upí mitsubëa ꞌinun ꞌináncë, ax mitsubë ꞌixun uni itsían ꞌunánmiamabi an mitsu ꞌunánmia. An mitsu ꞌunánmicë ñux ca asérabi ꞌaish cëmëma ꞌicën. Usa ꞌain camina aín Bëru Ñunshin Upitan ꞌunánmiquin sinánmicësabi oi camabi nëtën Cristobë ꞌiti ꞌain.

1 Juan 3:22

Nun ax quiásabi oquin ꞌanan, ax cuëëncësabi oquin ꞌaia isquin ca an nun ñucácësabi oquin nu ꞌaxunia.

1 Juan 5:14

Cananuna ꞌunanin, nun nu asérabi ax cuëëncësabi oquin ñu ñucácëxun ca Nucën Papa Diosan nun bana cuatia quixun.