Juan 15:3 - Kashibo-Kakataibo Biblia

³ Micaman ꞌën mitsu ñuixuncë bana cuacë cupí camina mitsun nuitu mëníocë ꞌaish upí ꞌain.

Nukën 'Ibu Diosan ain unikama 'inan ain bana

³ Micaman 'ën mitsu ñuixuncë bana cuacë cupí camina mitsun nuitu mëníocë 'aish upí 'ain.

Juan 15:3 Iomraidhean Croise

Juan 13:10

Cacëxunbi ca Jesusan amiribishi cacëxa: —Nashicë́xa aín namicama upí ꞌain ca unin nashitëcënquinma aín taëishi anun nicë́xa chuaia chucati ꞌicën. Usaribiti camina micamax nashicësa ꞌaish, nuitu upíñu ꞌain, ꞌaíshbi camina micama achúshinëxëshi min nuitu upíma ꞌain.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Juan 17:17

Usa ꞌain camina min sináncësaribi oquin sinánan min bana quicësabiira oíshi ꞌinun atu ꞌimiti ꞌain.

Juan 17:19

Atun min bana upí oquin ꞌunánquin mix cuëëncësabi oquinshi ꞌanun cana ꞌën mix cuëëncësabi oquinshi ꞌain.

Efesios 5:26

Aín unicama aín nuitu upí ꞌimiquin ca Cristonën ax aín sinan ꞌaisama ꞌicëbi bëtsi oquin aín sinan upí ꞌimia. Usoquin ca ax quicësabi oquían ꞌanun aín bana ꞌunánmiquin aín unicama aín nuitu upí ꞌaísha chucacësa ꞌinun ꞌimia.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.