Juan 15:21 - Kashibo-Kakataibo Biblia

²¹ Nucën Papa Dios an ꞌë xuá a ꞌunáncëma ꞌixun ca ꞌënan cupí raíri unin mitsu bëtsi bëtsi onuxun ꞌaia.

Nukën 'Ibu Diosan ain unikama 'inan ain bana

²¹ Nucën Papa Dios an 'ë xuá a 'unáncëma 'ixun ca 'ënan cupí raíri unin mitsu bëtsi bëtsi onuxun 'aia.

Juan 15:21 Iomraidhean Croise

Salmos 69:7

Mi kupín kana unin uisakinshi kara ꞌë ñuikëxunbi tënëa; usai ꞌi kana ꞌën bëmanabi xanai rabian;

Mateo 10:18

ꞌËn bana uni ñuixuncë cupí ca unin mitsumi nishquin judíosma unibunën ꞌapunu mitsu buánti ꞌicën, ami mitsu ñui manánuxun. Usocëxunbi camina a ꞌapucama ꞌimainun judíosma uniburibi ꞌën mitsu ꞌunánmicë banacama ñuixunti ꞌain.

Mateo 10:22

Mitsúxmi ꞌëmi sináncëbë ca axa ꞌëmi sináncëma unicamax mitsumi nishti ꞌicën. Usa ꞌaínbi ca an uisa ñu cara ꞌicëbëtanbi ꞌëmi sinánquin ëncëma unicamax Nucën Papa Diosan nëtënu ꞌëbë ꞌiti ꞌicën.

Mateo 10:39

Uix cara aín cuëëncësa oquin ꞌai ënë nëtënu upitax tsótishi sinania ax ca Nucën Papa Diosnan ꞌitima ꞌicën. Usa ꞌaínbi ca uinu ꞌicë unin cara ënë nëtënushi upitax tsóti sinánquinma ꞌëmi catamëquin ꞌëx quicësabi oquin ꞌaia ax ainan ꞌaish Nucën Papa Diosan nëtënu abë ꞌiti ꞌicën.

Mateo 24:9

Usoquin canan ca ësaquinribi Jesusan aín ꞌunánmicë unicama cacëxa: —ꞌËmi sináncëma uni raírinën ca uni itsían mitsu bëtsi bëtsi onun ꞌinánuxun ꞌaia. ꞌInánan ca micama raíri ꞌanuxun ꞌaia. Mitsúxmi ꞌëmi catamëcë cupí ca camabi menu ꞌicë unicamax ꞌëmi sináncëma ꞌaish mitsumi ꞌi nishnuxun ꞌaia.

Mateo 5:11

Mitsun ꞌën bana cuacë upí unin mitsu ꞌatima banan canan bëtsi bëtsi onan cëmëi mitsumi manáncëxbi camina chuámarua tani cuëënti ꞌain.

Marcos 13:13

Mitsúxmi ꞌëmi catamëcë cupí ca unicamax ꞌëmi sináncëma ꞌaish mitsumi ꞌi nishnuxun ꞌaia. Usa ñu ꞌicëbëtanbia ꞌëmi sinánquin ëncëma unicamax ca ꞌën Papa Diosan nëtënu ꞌëbë ꞌiti ꞌicën.

Lucas 21:12

Usai ꞌicëma pan ꞌain ca mitsúxmi ꞌëmi catamëti ꞌën uni ꞌicë cupí, unin mitsu bixun bëtsi bëtsi onan anu judíos unibunëx timë́ti xubunu ꞌicë unin mitsu ꞌuchonun buánan, mitsu sipuanan, ꞌapu cha ꞌimainun ꞌapu chucúmaribi mitsu ñui ami manánquin mitsu ꞌinánti ꞌicën.

Lucas 21:17

Mitsúxmi ꞌëmi catamëcë cupí ca unicamax ꞌëmi sináncëma ꞌaish mitsumi ꞌi nishnuxun ꞌaia.

Lucas 6:22

Uni ꞌinux Nucën Papa Diosnuax uá ꞌën bana cuacë cupí unin mitsumi nishanan, mitsu cuëënquinma ꞌatimaquin ñuianan, mitsun anëmibi ꞌatimati banacëxbi camina chuámarua tani cuëënti ꞌain.

Juan 15:24

Atúan isnun ꞌën uni itsin ꞌacëma ñu ꞌacëma ꞌain ca atux usabi ꞌitsíanxa. Usa ꞌaínbi ca ꞌën ꞌacë ñucama isaxa. A cupí ca ꞌëmi nishanan ꞌën Papamiribi nishaxa.

Juan 16:3

Uisa nëtë́nbi Nucën Papa Dios ꞌimainun ꞌëribi ꞌunáncëma ꞌixun ca usoquin mitsu ꞌati ꞌicën.

Juan 17:25

Papan, upíira sinánñu camina ꞌain. Usa ꞌicëbi ca an min bana cuacëma unicaman mi ꞌunanima. ꞌAínbi cana ꞌën mi ꞌunan, an ꞌën bana cuacë unicamanribi ca asérabi camina min ꞌë xuacë quixun ꞌunania.

Juan 8:19

Usaquian Jesusan cacëxun ca fariseo unin cacëxa: —¿Uinu cara min Papa ꞌic? Cacëxun ca Jesusan cacëxa: —Mitsun camina ꞌunaniman, ui carana ꞌëx ꞌai quixun. ꞌËn Paparibi camina ꞌunaniman. Asérabi ui carana ꞌai quixun ꞌë ꞌunánquin camina ꞌën Paparibi ꞌunántsian.

Juan 8:54

Quia ca Jesusan cacëxa: —ꞌËx rabiacacëbëtanbi ca, aín banax sapi ca asérabima ꞌicë quixun unin sinánti ꞌicën. Usa ꞌaínbi ca an ꞌë rabicë, ax ꞌën Papa ꞌicën, ami mitsun —ax ca Nucën Papa Dios ꞌicë —quixun ñuicë a.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

Hechos 17:23

ꞌËx ënë ëmanu ꞌicë bain niquin cana anuxunmi mitsun dioscama rabicë ꞌitsa isan. Isanan cana anuxun mitsun dios rabiquinmi anu ñu nanti ñu achúshinumi ësaquin cuënëocë isan: “Ënëx ca anuxun nun ꞌunáncëma dios rabiti a ꞌicën”. ꞌUnánxunmabimi rabicancë dios a cana ꞌën mitsu ñuixunin.

Hechos 26:9

Catancëxun ca ësaquinribi Pablonën cacëxa: —ꞌËn cana sináncën, ꞌën Jesús Nazaretnu ꞌicë ami catamëcë unicama bëtsi bëtsi oti isa Nucën Papa Diosan iscëx upí ꞌicë quixun.

Hechos 3:17

Ësoquin catancëxun ca Pedronën amiribishi cacëxa: —ꞌËn xucë́antu, cana mitsu cain, ꞌën cana ꞌunanin, asérabi ca ax Nucën Papa Diosan Bëchicë ꞌicë quixun ꞌunánxunmaishi camina mitsun ꞌapucamabëtanbi, mitsun Jesús uni ꞌamian,

Hechos 4:17

Caquinmabi cananuna uni raírinëan cuanúnma ësoquin a rabë́ cati ꞌain, Jesús ñuiquian uinu ꞌicë unibi catëcënxunma ꞌanun. Jesús ñuiquinmi uni bana ñuixuntëcënia cananuna mitsu castícanti ꞌai quixun cananuna cati ꞌain.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Hechos 9:14

Usa ꞌixun ca axa minan ꞌaish mibë banacë unicama sipuanuxun buánun isa quirica ꞌaxunun quixun sacerdotenën cushicama caxa.

Hechos 9:16

Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

Romanos 1:28

Usa unicama ca ami sinántisama tania Nucën Papa Diosan aín sinan upíma ꞌixun ꞌatima ñuira ꞌanun quixun ëanxa.

1 Corintios 15:34

Micama raírinën uisai ꞌiti cara Nucën Papa Dios cuëënia quixun sináncëma ꞌixun camina ñu ꞌatima ꞌain. Ñu ꞌatima ꞌacë ꞌaíshmi rabínun quixun cana ësaquin mitsu cain. Usa ꞌain camina ami sinanati ax cuëëncësabi oi ꞌiquin ñu ꞌatima ꞌatima ꞌain.

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.

3 Juan 1:7

A unicamax Jesucristomi sináncë ꞌixun ca aín bana ñuixuanan mi isi cuanxa. Usa ꞌaish ca an Nucën Papa Diosmi sináncëma unicaman atu ñu ꞌinánti cuëëncëma ꞌicën.

Apocalipsis 2:3

Usai tëmëraquinbi camina mitsun ꞌëmi sinánti ëncëma ꞌain. ꞌËnan ꞌicë cupí unin ꞌatimocëxunbi camina ënquinma ꞌëmi sinánquin ꞌëx cuëëncësabi oquin ꞌan.