Juan 15:2 - Kashibo-Kakataibo Biblia

² Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Nukën 'Ibu Diosan ain unikama 'inan ain bana

² Usa 'ixun ca an uinu 'icë 'ën pëñanëx cara bimiñuma 'icë a tëaxun nia. Nianan ca uinu 'icë 'ën pëñanëx cara bimiñu 'icë a upíira oquian tuanun ramëníoia.

Juan 15:2 Iomraidhean Croise

Oseas 6:3

¡A mi kushikin kananuna Dios ꞌunántëkënti ꞌain! Usakin ꞌakëbë ka Dios nukamanu ꞌi ꞌutëkëni barin urukin pë́kabëtsinkë usa ꞌianan, ka me chabóia mitakuatsinkëbë ꞌuí ꞌibúkësa usaribiti ꞌuti ꞌikën.

Malaquías 3:3

Dios an ka kamabi sacerdote Levítan rëbúnkikamaribi upí ꞌinun mëníoti ꞌikën, manë uxua ꞌimainun kuri tsi ërë́kënu ꞌarukëx xuiti upíira ꞌikë usaribi ꞌitanun ꞌati ꞌikën. Usakin ꞌakëxun ka atun Dios uisakin ñu ꞌinánkin ꞌati kara usakinbi ꞌaxunti ꞌikën.

Mateo 13:12

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni a, an isa ꞌunánxa quixuan sináncë bana a camabi Nucën Papa Diosan manumiti ꞌicën.

Mateo 13:33

Bana itsi ñuicësoquin ñuixunquin ca Jesusan anu ꞌicë unicama ësaquinribi cacëxa: —Nucën Papa Dios naínu ꞌicë an cara ainan ꞌiti unicama uisoquin aín uni ꞌimiti ꞌicë quiax cana anun pán chamiti ñu ñui quin. Xanúan xuicëma pain ꞌixun anun pán chamiti ñucëñun mëscucëx ca aín xëquíon mësioti rëncë ax chaia. Usaribiti ca Nucën Papa Diosan unicamax ꞌitsamashi pain ꞌiaxbi ꞌitsaira ꞌitánun uatia.

Mateo 15:13

Cacëxun ca Jeususan cacëxa: —Uicamax cara Nucën Papa Dios naínu ꞌicë an ainan ꞌimicëma ꞌicë, acamax ca asérabi ainanma ꞌaish abëma ꞌiti ꞌicën, aín tapúncëñunbi ëchícëxa i ꞌicësaribiti ñancáishi ꞌiti ꞌicën.

Mateo 21:19

Pananquiani cuanquin ca higuera cacë i, bai cuëbí nicë, isbiani anu cuanquinbi tuáñuma ꞌaísha aín pëchishi ocëxa. Usa ꞌicë isquin ca Jesusan cacëxa: —Min camina tuatëcëntima ꞌain. Usaquian cacëxëshi ca higuera i chushi xanáncëxa.

Mateo 25:29

Uisa ñu cara a ꞌináncë ꞌicë anúan an cacësabi oquin ñu ꞌacë uni a ca aín ꞌibun ꞌinántabaquin ꞌináncësamaira oquin ꞌinántëcënti ꞌicën. Usonan ca anúan aín ꞌibu ñu ꞌaxuncëxunma a ꞌináncë ñu a aín ꞌibun bicuanti ꞌicën.

Mateo 3:10

Ca ësa ꞌicën. A rëti aín manë ruë tuíanx a rapasu niracëquin ca an upí oquin tuacëma icama rëtancëxun xanania unin tsin nëënia. Usaribi oquin ca bënë́nquinshi mitsúxmi sinanati ami sináncëma ꞌicë Nucën Papa Diosan mitsu ꞌati ꞌicën.

Mateo 3:12

An ñu ꞌapácë unin ꞌacësaribi oquin ca ꞌati ꞌicën. Ësa ca ꞌiti ꞌicën. Unin ca ñu bëru trigo ꞌapatia. ꞌApátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai ꞌia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín ꞌacë ñucama ꞌunánquin, upí unicama abëa ꞌiti bianan ꞌatimacama a atun ñu ꞌatima ꞌacë cupí bimi xacá nëënti pucësa ꞌimiti ꞌicën.

Mateo 7:19

ꞌApácëxbia upiti bimiama ca unin i rëtancëxun nëënia.

Marcos 4:20

ꞌImainun ca bëtsi bëtsi unix me upínua ñu bëru nipacëcësa usaribi ꞌicën. A unicamax ca Nucën Papa Diosan bana cuaquin —a bana quicësabi oi cana ꞌiti ꞌai —quixun aín nuitunën upí oquin sinánquin a bana quicësabi oi ꞌicë ꞌaish, ñu bërúxa me upínuax upiti coi canitancëx upiti bimicësaribi ꞌicën. Raírinëx ca ꞌitsamashi, treinta, bimiñu ꞌia, ꞌimainun ca raírinëxribi ꞌitsa, sesenta, bimiñu ꞌia, ꞌimainun ca raírinëxribishi ꞌitsaira, cien, bimiñu ꞌia.

Lucas 8:13

Maparañu me bëxbánua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun aín nuitunën sinania. Sinánquinbi ca maparañu menu nipacëcë ñu bëru tapun ꞌitsañuma usaribi ꞌixun, Nucën Papa Diosan bana ꞌacë cupí ami cuaianan ami nishquin unin ꞌatimocëxun, tënëquinma a bana manuquin ënia.

Juan 15:1

Usaquin catancëxun ca ësaquinribi Jesusan aín ꞌunánmicë unicama cacëxa: —Ësa ca. ꞌËx cana uvas ꞌapácë aín i rarasaribi ꞌain. ꞌImainun ca ꞌën Papax an ñu ꞌapácë bërúancë unisa ꞌicën.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 15:3

Micaman ꞌën mitsu ñuixuncë bana cuacë cupí camina mitsun nuitu mëníocë ꞌaish upí ꞌain.

Juan 15:6

Uva pëñan bimiñuma ax ca unin tëaxun nicëx xanania. Xanania bucúnrutancëxun tsi rëquirucëmi nicëx ca xaratia. Usaribiti ca axa ꞌëmi catamëti ꞌëmi sináncëma unicamax ꞌiti ꞌicën.

Juan 15:8

Mitsun ꞌën sinánsaribi ꞌixun upí ñu ꞌaia isquin ca unin ꞌunánti ꞌicën, mitsux camina asérabi ꞌën uni ꞌai quixun. Usa ꞌixun ca mitsu cupí unin Nucën Papa Dios rabiti ꞌicën.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

Romanos 11:17

Ësa ca. I aín pëñan achúshi tëatancëxun bëtsi i aín pëñan anu tëacë anubi tacáshcacëx ca a i aín tapúnuaxa aín baca cuancë cupí aín pëñánsabi ꞌinun coti ꞌicën. Usaribi camina mitsux ꞌain. Judíos unicama Nucën Papa Diosan bana ꞌunáncë ꞌaíshbi Cristomi catamëisama tancë ꞌaish ca i pëñan tëacësa ꞌicën. Usa ꞌimainun camina mitsux judíosma uni ꞌaíshbi Cristomi catamëcë ꞌaish bëtsi i aín pëñan anua tëacë anu tacáshcacësa ꞌain.

Romanos 11:22

Usa ꞌain camina ꞌunánti ꞌain, ax upí ꞌixun ca Nucën Papa Diosan unicama nuibaquin upí ꞌimianan axa aín ꞌucha ëni ami catamëcëma uni uisa cara oti ꞌicë usoquin ꞌati ꞌicën. Usa ꞌixun ca mitsúxmi a ëníma ax quicësabi oquin ꞌai, ami catamëtia oquin nuibaquin ꞌaquinia. Usai mitsux ꞌicësabi camina ꞌiti ꞌain. Usai ꞌima camina mitsúxribi judíos unibu ꞌicësaribiti ainanma ꞌiti ꞌain.

Romanos 8:28

Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.

1 Corintios 13:1

ꞌËx bëtsi bëtsi banan bananan anun ángel banacë banánribi banacëxbi ca uni nuibacëma ꞌaish ꞌën bana rata tancácësa ñancáishi ꞌicën.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Hebreos 12:15

Nucën Papa Diosan ax cuëëncësabi oquin mitsu ꞌaquincëma ꞌitin rabanan camina an mitsu ꞌunánmicësabi oi ꞌinux bërúancati ꞌain. Usai ꞌiquin camina uni raíri ꞌaisama nuituñu ꞌinun ꞌatimaquin sinánmitima ꞌain.

1 Juan 2:19

An Cristo ꞌatimaquin ñuicë unicama nubë ꞌixunbi ca nu ëanxa, asérabi nun ꞌacësaribi oquin Jesucristo sináncëma ꞌixun. Nux ꞌicësaribiti asérabi Jesucristomi sináncë ꞌaish ca nubë bërúcë ꞌitsíanxa. Usa ꞌain ca atúan nu ëncë cupí camaxunbi ꞌunánti ꞌicën, nubëa ax timë́cë unicamax ca camáxira asérabi nux ꞌicësaribiti Jesucristomi sináncëma ꞌiaxa quixun.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.