Juan 15:19 - Kashibo-Kakataibo Biblia

¹⁹ Mitsun atun sinánsaribi ꞌicë ca an Nucën Papa Diosmi sinánquinma ënë nëtënu ꞌicë ñuishi sináncë unicaman mitsu nuibatsianxa. ꞌAínbi camina mitsux ꞌën caíscë ꞌaish, atun sinánsama ꞌain. Usa ꞌain ca atun nuibatima mitsumi nishia.

Nukën 'Ibu Diosan ain unikama 'inan ain bana

¹⁹ Mitsun atun sinánsaribi 'icë ca an Nucën Papa Diosmi sinánquinma ënë nëtënu 'icë ñuishi sináncë unicaman mitsu nuibatsianxa. 'Aínbi camina mitsux 'ën caíscë 'aish, atun sinánsama 'ain. Usa 'ain ca atun nuibatima mitsumi nishia.

Juan 15:19 Iomraidhean Croise

Mateo 10:22

Mitsúxmi ꞌëmi sináncëbë ca axa ꞌëmi sináncëma unicamax mitsumi nishti ꞌicën. Usa ꞌaínbi ca an uisa ñu cara ꞌicëbëtanbi ꞌëmi sinánquin ëncëma unicamax Nucën Papa Diosan nëtënu ꞌëbë ꞌiti ꞌicën.

Mateo 24:9

Usoquin canan ca ësaquinribi Jesusan aín ꞌunánmicë unicama cacëxa: —ꞌËmi sináncëma uni raírinën ca uni itsían mitsu bëtsi bëtsi onun ꞌinánuxun ꞌaia. ꞌInánan ca micama raíri ꞌanuxun ꞌaia. Mitsúxmi ꞌëmi catamëcë cupí ca camabi menu ꞌicë unicamax ꞌëmi sináncëma ꞌaish mitsumi ꞌi nishnuxun ꞌaia.

Lucas 6:32

An mitsu nuibacëma uni nuibatima ꞌianan an mitsu nuibacë unicamaishi nuibacë ꞌixun camina Nucën Papa Dios upí oquin cuëënmíman. ꞌUchañu unínribi ca ꞌaisama ꞌixunbi usaribi oquin an a nuibacë uni nuibananquinia.

Juan 13:18

Mitsux camina cuëënti ꞌai quibi cana camabi mitsu ñui quiman. Ama. ꞌËn caíscë unicama, mitsux caramina uisa uni ꞌai quixun cana ꞌunanin. ꞌËn ꞌunáncësabi oi ca Nucën Papa Diosan bana cuënëo, ësai quicësabi oi, ꞌiti ꞌicën: “An ꞌëbëtan pán picë uni ax ca ꞌëmi ꞌiaxa”.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 6:70

Cacëxun ca Jesusan cacëxa: —¿ꞌËn carana ꞌën ꞌunánmicë uni ꞌinun micama mëcën rabë́ ꞌimainun rabë́ caísama ꞌain? Usai ꞌinun caísa ꞌaíshbi camina micama achúshinëx ñunshin ꞌatimanën ꞌapun sinánmicë ꞌain.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

1 Pedro 4:3

Bëráma camina axa Nucën Papa Diosmi sináncëma unicaman ꞌacësaribi oquin ñunshínquin ñu ꞌatima ꞌanan paë́anan, paë́nxun pi sharánan Nucën Papa Dios rabiquinma unían anbi sinánxun ꞌacë ñuishi rabiacën. Usaquin ꞌaquinbi camina a ñucama ëancën.

1 Juan 3:12

Ñunshin ꞌatimanën ꞌapunan ꞌixun ca Cainan aín xucë́nbi ꞌacëxa. Usaribi cananuna ꞌitima ꞌain. ¿Uisa cupí cara Cainan aín xucën ꞌacëx? Aín xucënan ꞌacë ñu upí ꞌimainuan an ꞌacë ñu upíma ꞌain ca Cainan aín xucën ꞌacëxa.

Apocalipsis 12:17

Usai ꞌia isi ca ñuina chaira capë́sa ax ꞌaisamairai xuamati xanumi nishaxa. Nishi ca a xanun rëbúnqui raíri, an Nucën Papa Diosan bana quicësabi oquin ꞌacë ꞌianan an Jesucristomi sinánti ëncëma, a unicamabë ꞌacanani cuanxa.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.