Juan 15:16 - Kashibo-Kakataibo Biblia

¹⁶ ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Nukën 'Ibu Diosan ain unikama 'inan ain bana

¹⁶ 'Ëx mitsun 'ibu 'inúnmi 'ë caíscancëxunmabi cana 'ënan 'inun mitsu 'ënbi caísan. Usotancëxun cana mitsúnmi 'ën sinánsaribi 'ixun upí ñuishi 'anun mitsu can, xënibua 'aínbia Nucën Papa Dios cuëënun. Usaquin 'aia ca 'ëx cuëëncësabi oquinmi ñucácëxun mitsu 'axúnti 'icën.

Juan 15:16 Iomraidhean Croise

Génesis 18:18

ax ka kamabi unin chaitiokë ꞌaish achúshi ëma chaiira ꞌimainun kushiira ꞌiti ꞌikën. ꞌËn kana a kupín kamabi menu ꞌikë ëmakamanu ꞌikë unikama upíokin sinánxunti ꞌai kixun kana kan.

Salmos 145:4

Usa ꞌikë kananuna aín papa ꞌixun nun bakë bëchikëkama min ꞌa ñukama ñuixunkin, min kamina kushiira ꞌixun kamabi ñu ꞌakë kixun atúnribi ꞌunánun ñuixunti ꞌain.

Miqueas 5:7

Usa ꞌain ka Israel unikamax bëtsi bëtsi ëmanu ꞌikë unikamasamaira ꞌaish, nibí ꞌimainun ꞌuí Diosan menu ꞌibúmikëxua, xubi komikë usaribikin ka unixa usai ꞌiti ꞌikë kixun sinánkë ꞌaímabi ꞌiti ꞌikën.

Mateo 21:22

Mitsun —asérabi ca Nucën Papa Diosan ꞌën cacëxun ꞌë ꞌaxunti ꞌicë —quixun sinania ca an mitsúnmi ñucácësabi oquin mitsu ꞌaxúnti ꞌicën.

Mateo 7:7

Camina ꞌunánti ꞌain, ui unin cara Nucën Papa Dios ñucáquin caia a uni ca Nucën Papa Diosan ꞌinania. Ësa ca: Bari bariquin ca unin ñu mëraia. ꞌImainun ca unin bëtsi unían xëcuë taxcaia cuaquin a xubunu ꞌicë unin xëocaxunia. Usaribi oquinmi mitsun ñucáquin cacëxun ca mitsun bana cuaquin Nucën Papa Diosan mitsux cuëëncë ñu mitsu ꞌaxunti ꞌicën.

Lucas 6:13

Usai bananëquin ca pëcaracëbëtan axa ami sináncë unicama timëxun, mëcën rabë́ ꞌimainun rabë́ caísquin —ënëcamax ca ꞌën ꞌunánmitancëxun uni bana ñuixunun ꞌën xuti ꞌicë —quixun cacëxa.

Juan 13:18

Mitsux camina cuëënti ꞌai quibi cana camabi mitsu ñui quiman. Ama. ꞌËn caíscë unicama, mitsux caramina uisa uni ꞌai quixun cana ꞌunanin. ꞌËn ꞌunáncësabi oi ca Nucën Papa Diosan bana cuënëo, ësai quicësabi oi, ꞌiti ꞌicën: “An ꞌëbëtan pán picë uni ax ca ꞌëmi ꞌiaxa”.

Juan 15:19

Mitsun atun sinánsaribi ꞌicë ca an Nucën Papa Diosmi sinánquinma ënë nëtënu ꞌicë ñuishi sináncë unicaman mitsu nuibatsianxa. ꞌAínbi camina mitsux ꞌën caíscë ꞌaish, atun sinánsama ꞌain. Usa ꞌain ca atun nuibatima mitsumi nishia.

Juan 15:5

ꞌËx cana uvas aín i rarasaribi ꞌain. Aín pëñánsaribi camina mitsux ꞌain. Usa ꞌaish camina ꞌëmi catamëanan ꞌëmi upiti sinánan ꞌëx mibë ꞌain, min sinan ꞌën sinánsaribi ꞌaish ꞌëx cuëëncësabi oquin ꞌanan ꞌën bana quicësabi oi ꞌiti ꞌain. ꞌËx mitsubëma ꞌain camina ꞌëx cuëëncësa oi ꞌitima ꞌain.

Juan 6:70

Cacëxun ca Jesusan cacëxa: —¿ꞌËn carana ꞌën ꞌunánmicë uni ꞌinun micama mëcën rabë́ ꞌimainun rabë́ caísama ꞌain? Usai ꞌinun caísa ꞌaíshbi camina micama achúshinëx ñunshin ꞌatimanën ꞌapun sinánmicë ꞌain.

Hechos 1:24

Usotancëxun abë banaquin ca Pedronën Nucën ꞌIbu Dios cacëxa: —An nubëtan mi ñu ꞌaxunun min caíscë ꞌaíshbi ca Judas mi ñu ꞌaxuanxmabi aín ꞌucha cupí anu ax cuanti anu cuanxa. Usa ꞌain camina camabi unían aín nuitunën sináncë ñu ꞌunáncë ꞌixun, min ënë uni rabë́ uiira caramina Judasnën ñu mëëti ꞌanun caísa quixun nu ismiti ꞌain.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 10:41

Jesús baísquicëbi ca camabi uníinra isama ꞌicën. Nun cuni cananuna Nucën Papa Diosan, Jesús ñuiquin unicama bana ñuixunun bëráma caísa ꞌixun, baísquicë isanan abëtan pianan xëacën.

Hechos 22:14

Iscëxun ca ꞌë cacëxa: Nucën Papa Dios, a nucën raracamanribi rabia, an ca mi caísacëxa, añu cara ax cuëënia quixun ꞌunánanmi aín Bëchicë aín sinan upíira aribi ꞌunánan ax banaia cuanun.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Romanos 1:13

ꞌËn xucë́antu, cuainsa taníbi cana cuancëma ꞌain. ꞌItsai cana mitsu isi cuainsa tan quixunmi ꞌunánti cana cuëënin. Mitsúxmi Jesucristomi catamënun, bëtsi menu ꞌicë unicama ꞌaquincësaribi oquin mitsu ꞌaquini cuainsa cana tan.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 15:4

Cananuna ꞌunánti ꞌain, Nucën Papa Diosan ca nunribinu a ꞌunánti oquin aín bana aín unicama cuënëomiacëxa. Usa ꞌain cananuna a banacama cupí ꞌunánti ꞌain, nux Cristomi cushicë ꞌicë ca tëmëraquinbi ëníma ami catamënun ꞌimianan, uisa ñu cara ꞌicëbëtanbi nu bërúanquin ꞌaquianan, aín nëtënu abë ꞌinun Nucën Papa Diosan nu ꞌimia quixun.

Romanos 9:21

An ñutë ocë xanu an ca ax cuëëncësa oquin ñutë ꞌati ꞌicën. ꞌAisa tanquin ca bëtsi ñutë anun ñu xëati ꞌati ꞌicën. ꞌAnan ca a mapúbi bëtsi ñutëribi anun ñu ꞌaruti ꞌati ꞌicën.

1 Corintios 10:11

Nucën raracama usai ꞌiá, anu nun Jesucristomi catamëti ainan ꞌixun ꞌunánun ca Nucën Papa Diosan Moisés cuënëomiacëxa.

Gálatas 1:15

Usai ꞌiabi ca Nucën Papa Diosan, ꞌën titan pucu mëucüabi ꞌë aín bana ñuixunun caísa ꞌixun nuibaquin asérabi ainan ꞌinun ꞌë sinánmiquin,

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Colosenses 1:6

Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

1 Timoteo 2:7

Usa ꞌain cana an ꞌimicë ꞌixun judíos unicamaishima judíosma unicamaribi Jesucristomi catamëtía Nucën Papa Dios cuëëncësabi oi ꞌinun ꞌunánmin. Usaquin uni ꞌunánminun ca Nucën Papa Diosan ꞌë caísacëxa quixun ñuixunquin cana Cristonan ꞌixun cëmëquin paránquinma mi can.

2 Timoteo 1:11

Usaía Jesucristo ñui quicë banacama camabi judíosma unicama ñuixuanan aín bana quicësabi oía ꞌinun ꞌunánminun ca Nucën Papa Diosan ꞌë ꞌimiacëxa.

2 Timoteo 2:2

Axa timë́cë unicama ꞌën caiami cuacë banacama, a camina, an asérabi uni raíri ꞌunánmiisabi sinánñu uni caístancëxun usaribi oquian ꞌanun ꞌunánmiti ꞌain.

Tito 1:5

Anuax uquin cana nun nu sënë́oncëma ñucama ami sënë́onun Creta nasínu mi ëbëtsían, anuxunmi ꞌën mi cacësabi oquin ëmacamanu cuanquin, uicamax cara axa Jesucristomi catamëcë unicaman cushi ꞌiti ꞌicë quixun caístancëxun anënun.

Hebreos 11:4

Bërí nëtë́nma ca Adanën bëchicë, Abel, an ami sinánquin Nucën Papa Dios quicësabi oquin a rabiquin ꞌaracacë ñuina rëxun xaroxuancëxa. Usomainunbi ca aín xucën Cainan aín cuëëncësa oquinshi aín ñu bimishi Nucën Papa Dios xaroxuancëxa. Cainan usoia isi ca Nucën Papa Dios cuëëanma ꞌicën. Abelnëan ꞌaxuncëxun isi cuni ca cuëëancëxa. Abel bama ꞌaínbi cananuna —Abelnën ca asérabi Nucën Papa Diosmi catamëquin ax quicësabi oquin ꞌacëxa —quixun sinanin.

Santiago 3:18

Axa unibë nishananima upitishi banacë unicama an ca chuámarua ꞌixun upí ñuishi ꞌaquin uni raíriribi chuámarua ꞌinun ꞌimia.

1 Pedro 3:15

Usai ꞌíma camina min nuitu mëu —Cristo ca asérabi ꞌën ꞌibu ꞌicë —quixun sinani ami catamëti ꞌain. Unin mitsu —uisa cupí caramina Jesucristomi catamëquin abë tsoti sinani —quixun ñucácëxun anun cati bana ꞌunáncë camina ꞌiti ꞌain. Usa ꞌixun camina cëruti rabíquinma upí oquinshi cati ꞌain.

1 Pedro 3:2

mixmi upí sinánñu ꞌaish abë upí ꞌain.

1 Juan 4:10

Ami sináncëxunmabi unicama nuibaquin ca Nucën Papa Diosan, a cupí unin ꞌuchacama tërë́ncë ꞌinuan ënë menuax bamanun aín Bëchicë xuacëxa. Usoquin xuá ꞌain cananuna ꞌunanin, usaira oquin ca Nucën Papa Diosan unicama nuibatia quixun.

1 Juan 4:19

An paían nu nuiba ꞌain cananuna nuxribi Nucën Papa Diosmi sinani ami catamëtin.