Juan 15:15 - Kashibo-Kakataibo Biblia

¹⁵ Usa ꞌain cana ꞌën ñu mëëmicë uni camina ꞌai quixun mitsu caiman. An ñu mëëxuncë unin ca uisoquin ñu ꞌati cara an ñu mëëmicë unin sinania quixun ꞌunanima. ꞌËbë nuibanancë unicama camina ꞌai quixun cana mitsu cain. Usa ꞌicë cana ꞌën Papan ꞌë cacë ñucama mitsu ꞌunánmian.

Nukën 'Ibu Diosan ain unikama 'inan ain bana

¹⁵ Usa 'ain cana 'ën ñu mëëmicë uni camina 'ai quixun mitsu caiman. An ñu mëëxuncë unin ca uisoquin ñu 'ati cara an ñu mëëmicë unin sinania quixun 'unanima. 'Ëbë nuibanancë unicama camina 'ai quixun cana mitsu cain. Usa 'icë cana 'ën Papan 'ë cacë ñucama mitsu 'unánmian.

Juan 15:15 Iomraidhean Croise

Amós 3:7

Usa ꞌain ka uinsaranbi Nukën ꞌIbun aín bana ñuikë unikama a usakin kana ñu ꞌai kixun ꞌunánmixuma ñu ꞌaima.

Mateo 13:11

Ñucácëxun ca cacëxa: —Uni itsían ꞌunaniamabi camina mitsun Nucën Papa Diosan sinánmicëxun an ꞌunánmicë ñu ꞌunanin. Usa ꞌaínbi ca raíri unin ꞌunanima.

Lucas 10:23

Catancëxun ca Jesusan uni raírinëan cuatima ꞌimainun atúinshi cuanun quixun aín ꞌunánmicë unicama ësaquin cacëxa: —ꞌËn cana mitsu cain, ꞌëx ucëma pan ꞌain ca bëráma an Nucën Papa Dios quicë bana uni ñuixuncë unicama ꞌimainun ꞌapu unicamanribi, Cristo ca uti ꞌicë quixun ꞌë ñuiquin cuënëo bana ꞌunánquin, uisai cara ꞌiti ꞌicë quixun istisa tanquinbi isáma ꞌicën. Uisa bana carana ñuixunti ꞌai quixun cuaisa tanquinbi ca cuama ꞌicën. Usa ꞌaínbi ca an, mitsun ꞌacësaribi oquin, ꞌën ñu ꞌaia isanan ꞌën uni bana ñuixunia cuacë unicamax cuëëinra cuëënia.

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.

Juan 13:16

Asérabi cana ꞌën mitsu cain, “an uni ñu mëëxuncë uni an ca an a ñu mëëmicë uni inuíma”. Usaribiti ca a xucë uni, ax an xucë abë sënë́nma ꞌicën.

Juan 15:20

ꞌËn ësaquin mitsu cacë a camina sináncanti ꞌain, “an uni ñu mëëxuncë uni an ca an a ñu mëëmicë uni inuíma”. ꞌËmi pain nishquin ca unin ꞌë bëtsi bëtsi oia. Usaribi oquin ca ꞌënan cupí mitsu unin bëtsi bëtsi oti ꞌicën. Usa ꞌaínbi ca uni raírinën ꞌën bana cuati ꞌicën. Usaribi oquin ca ꞌënan cupí uni raírinën mitsun bana cuati ꞌicën.

Juan 16:12

ꞌËn a mitsu ñuixunti bëtsi banacamaribi ënu ꞌaínbi camina ꞌën bërí ñuixuncëxunbi uisai quicë cara quixun cuacantima ꞌain.

Juan 17:26

ꞌËx atubë ꞌimainun min ꞌë nuibacësaribitia atúxribi bëtsibë bëtsibë nuibananun cana uisaira caramina mix ꞌain quixun atu ꞌunánmian. Usa ꞌixun cana usabi oquin ꞌunánmiti ꞌain.

Juan 20:17

Usaquian cacëxun ca Jesusan María cacëxa: —ꞌË ramëxunma pan ca ꞌat, ën Papanu cana cuancëma pain ꞌain. Cuantancëxun ca ësaquin ꞌën xucë́ncama catan: An ca ꞌë caxa, ꞌëx cana ꞌën Papa axa mitsun Paparibi anu cuanin. Ax ꞌën Papa Dios ꞌaish ca mitsun Papa Diosribi ꞌicën.

Juan 4:19

Cacëxun ca xanun cacëxa: —Bërí cana mix caina ui ꞌai quixun ꞌunanin. Mix camina an Nucën Papa Dios quicë bana uni ñuixuncë uni a ꞌain.

Juan 8:26

ꞌItsa ñu ñuiquin cana mitsu cacëma pain ꞌain, uisa ñu ꞌai caramina ꞌuchai quixunmi ꞌunánun. Caquinma cana an ꞌë xuá axa quicë banax asérabi ꞌain, an ꞌë cacëxun ꞌën cuacë, ashi ënë nëtënu ꞌicë unicama ñuixunin.

Romanos 7:15

Upí ñu ꞌaisa tanquinbi cananuna nun sinan upíma ꞌixun ꞌaiman. A ꞌaquinma cananuna a nun ꞌaisama tancë ñu a ꞌain. Uisa ꞌixun carana ꞌën a ꞌaisa tancë ñu upí ꞌaquinma a ꞌën ꞌaisama tancë ñu ꞌatima a ꞌai quixun cana ꞌunaniman.

1 Corintios 2:16

Aín bana cuënëo ca quia: “¿Uin cara Nucën Papa Diosan sinan ꞌunanx? ¿Uin cara a ꞌunánmiti ꞌic? An usaquin ꞌunánti uni ca ꞌaíma ꞌicën”. Usa ꞌaínbi cananuna nun Nucën Papa Diosan Bëru Ñunshin Upitan sinánmicëxun Cristonën sináncësaribi oquin sinanin.

Gálatas 4:6

Mitsux camina asérabi aín bëchicë ꞌai quixunmi ꞌunánun ca Nucën Papa Diosan aín Bëchicënën Bëru Ñunshin Upí mitsubëa ꞌinun xuacëxa. Usa ꞌain camina aín bëchicë ꞌixun —ꞌën Papa Dios camina mix ꞌai —quixun Nucën Papa Dios cain.

Efesios 1:9

Unin ꞌunánma ꞌicëbi ca nu ꞌunánmiaxa, uisa cupí cara ax cuëëansabi oquin Cristo ënë nëtënuaxa bamanun xuacëxa quixun.

Efesios 3:5

A bana ca bëráma Jesucristo ucëma pain ꞌain, uisai cara quia quixun uni Nucën Papa Diosan ꞌunánmiama ꞌicën. Usa ꞌaínbi ca bërí aín Bëru Ñunshin Upitan an aín bana ñuixunun caíscë unicama uisai cara a bana quia quixun ꞌunánmiaxa.

Colosenses 1:26

Uínsaran nëtë́nbi uinu ꞌicë unínbi a bana ꞌunánma ꞌicëbi ca bërí aín unicama, an iscë́xa upí ꞌicë, Nucën Papa Diosan ꞌunánmia.

Filemón 1:16

Min ñu mëëmicë unishi ꞌiá ꞌaíshbi ca bërí Onésimo Jesucristomi catamëcë ꞌaish min xucë́nsa ꞌiti ꞌicën. ꞌËn cana a nuibatin. Usa ꞌicëbi camina miinra ꞌën ꞌacësamaira oquin a nuibati ꞌain, min ëmanu ꞌicë cupishima, Jesucristomi catamëcë ꞌaísha min xucë́nsa ꞌicë.

Santiago 1:1

ꞌËx cana Santiago, an Nucën Papa Dios ꞌimainun Nucën ꞌIbu Jesucristonën cacësabi oquin ñu ꞌacë ꞌain. Israelnën bëchicë mëcën rabë́ ꞌimainun rabë́ aín rëbúnqui ꞌaíshmi bëtsi bëtsi menu tsóti cuan ꞌicë cana mitsu ënë quirica buánmin.

Santiago 2:23

Nucën Papa Diosan bana cuënëo axa a ñui quicësabi oi ca Abraham ꞌiacëxa, ësai quicë: “Nucën Papa Diosan ca aín quicësabi oquin ꞌati ꞌicë quixun ꞌunani ca Abraham ami catamëacëxa. Usaía ꞌicë cupí ca Nucën Papa Diosan iscëx Abraham upíira uni ꞌiacëxa”. Usa ꞌicë ca Abraham unin, Nucën Papa Diosbë nuibanancë uni caquin anëacëxa.

1 Pedro 1:11

Cristo ënë menu ucëma ꞌaínbi ca aín Bëru Ñunshin Upitan sinánmicë ꞌixun, an Nucën Papa Dios quicë bana uni ñuixuncë unicaman ꞌunáncëxa, tëmërax bamatancëx baísquitancëx ca Cristo aín Papasaribi ꞌApu ꞌaish abë tsóti ꞌicë quixun. Usaquin ꞌunánquin ca uisa uni cara Cristo ꞌiti ꞌicë quixun ꞌunántisa tanan uínsaran cara uti ꞌicë quixun ꞌunántisa tancëxa.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.

Apocalipsis 1:1

Nucën Papa Diosan ca ënë quiricanu cuënëocë ñucama Jesucristo ismiaxa, xënibuiracëma ꞌaínshi ca ësai ꞌiti ꞌicë quixuan aín unicama isminun. Nucën Papa Diosan a ismicë ñucama aín unicaman ꞌunánun ca Jesucristonën aín ángel achúshi Juan isminun xuaxa.