Juan 15:10 - Kashibo-Kakataibo Biblia

¹⁰ Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Nukën 'Ibu Diosan ain unikama 'inan ain bana

¹⁰ Ax quicësabi oi 'ia ca 'ën Papa Diosan ënquinma 'ë nuibatia. Usaribitimi 'ëx quicësabi oi 'ia cana 'ënribi ënquinma mitsu nuibatin.

Juan 15:10 Iomraidhean Croise

2 Samuel 22:22

ꞌën kana añu ꞌanun kara ꞌë kaia ashi ꞌaxunkin aín bana kuakëmasa ꞌixun ñu ꞌatima ꞌakin aín bana kikësama okin ꞌaxunkinma kana ¡uínsaranbi ꞌën Diosan bana ënkëma ꞌain!

Éxodo 7:6

Usakin ka Moisés ꞌimainun Aarónën Nukën ꞌIbun kakësabiokin ꞌakëxa.

Isaías 50:5

Nukën ꞌIbun ka aín bana upíokin kuanun ꞌë ꞌimiaxa, kana, ꞌaima kianan an kakëxun ain bana kuaisama tani ꞌiama ꞌain.

Juan 10:18

ꞌËx cuëëniama ca unin ꞌë bamamitima ꞌicën. Bamatsianxmabi cana ꞌëxbi cuëëncë cupí bamati ꞌain. ꞌËx cuëëncë cupí cana bamati ꞌain, bamatancëx cana baísquitëcënti ꞌain. Usai ꞌinun ca ꞌën Papan ꞌë caxa.

Juan 12:49

ꞌËx cana ꞌënbi sinánx banaiman. ꞌËn Papa, an ꞌë xuá, an ca uisai carana banati ꞌain, uisoquin carana uni ꞌunánmiti ꞌai quixun ꞌë caxa.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 14:21

An ꞌën bana ꞌunánquin ax quicësabi oquin ꞌacë uni ax ca axa ꞌëmi asérabi sináncë uni a ꞌicën. Axa ꞌëmi sináncë uni a ca ꞌën Papánribi nuibatia. Usaribi oquin cana ꞌënribi a uni nuibaquin uisaira carana ꞌëx ꞌai quixun ꞌunánminuxun ꞌain.

Juan 14:23

Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Juan 14:31

Usa ꞌaínbi cana camabi unían ꞌëx cana ꞌën Papami sinani quixun ꞌunánun, an ꞌë cacësabi oquin ꞌain. Ënëishi cana mitsu cain. Cuanti ca nirut —quixun ca Jesusan aín ꞌunánmicë unicama cacëxa.

Juan 17:4

Mi ñuiquin unicama ñuixuanan cana minmi a ꞌanun quixun ënë menu ꞌë xuá ñucamaribi ꞌaquin sënë́on, minmi ꞌë cacësabi oquin.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Juan 8:29

An ꞌë xuá ax ca ꞌëbë ꞌicën. ꞌËn axa cuëëncësabi oquin ꞌacë ꞌicë ca an ꞌëxbi ꞌinun ꞌë ëncëma ꞌicën.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

1 Corintios 7:19

ꞌUnánti oracacë ꞌianan ꞌunánti oracacëma ꞌixunbia aín bana quicësabi oquin ꞌaia cuni ca Nucën Papa Diosan uni upí isia.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

2 Pedro 2:21

Jesucristomi catamëcë ꞌixunbi ëncë ꞌaish an ꞌunáncëma unicamax ꞌicësamairai ꞌuchatima cupí Jesucristomi sinanima ꞌitibi ca a unicama ꞌia.

1 Juan 2:3

Aín bana quicësabi oquin ꞌacë ꞌixun cananuna ꞌunanin, nux cananuna asérabi ainan ꞌaish a ꞌunáncë ꞌai quixun.

1 Juan 2:5

Usa ꞌaínbi ca an aín bana quicësabi oquin ꞌacë uni ax ëníma upiti Nucën Papa Diosmi sinania. Usa ꞌixun cananuna ꞌunanin, nux cananuna asérabi ainan ꞌai quixun.

1 Juan 2:6

Usa ꞌain ca axa —ainan ꞌaish abë ꞌicë ca Nucën Papa Diosan ꞌë sinánmia —quicë uni, ax Jesucristo ꞌiásaribiti ꞌiti ꞌicën.

1 Juan 5:3

Axa Nucën Papa Diosmi asérabi sináncë uni, an ca aín bana quicësabi oquin ꞌaia. Ax quicësabi oquin ꞌaisa ca a bana ꞌicën.

Apocalipsis 22:14

Ui unicamax cara a ëmanu atsínxun, anu ꞌicë anun uni bamatimoi tsóti i bimi biti sinani, chupa uxuira chuañumasa ꞌinun aín nuitua upí ꞌiminun Jesucristomi catamëtia, acamax ca anu ꞌaish cuëëinra cuëënti ꞌicën.