Juan 14:3 - Kashibo-Kakataibo Biblia

³ Mëníoxunbëtsini cana anumi ꞌëbë ꞌinun mitsu bitsi utëcënuxun ꞌain, ꞌëx anu ꞌicë anumi mitsux ꞌëbë ꞌinun.

Nukën 'Ibu Diosan ain unikama 'inan ain bana

³ Mëníoxunbëtsini cana anumi 'ëbë 'inun mitsu bitsi utëcënuxun 'ain, 'ëx anu 'icë anumi mitsux 'ëbë 'inun.

Juan 14:3 Iomraidhean Croise

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.

Juan 14:28

ꞌËn mitsu, cana cuanin, cuantancëxbi cana mitsubë ꞌinux utëcëni cuani quixun cacëxun camina camaxunbi cuacan. Asérabi ꞌëmi sináncë ꞌaish camina mitsux, ꞌësamaira ꞌën Papa anu cana cuani quixun ꞌën cacëx cuëëntsian.

Juan 14:4

ꞌËx anu cuanti a ꞌunánan camina ëx anun cuanti bai aribi mitsun ꞌunanin.

Juan 17:24

Papan, ënë nëtë unitisama pan ꞌain camina ꞌë nuibaquin misaribi ꞌinun min cushi ꞌë ꞌináncën. Usa cana ꞌëx ꞌai quixun isnúxa minmi ꞌë ꞌináncë unicamax anu ꞌëx ꞌicë anuribi ꞌëbë ꞌiti cana cuëënin.

Hechos 1:11

Usa ꞌixun ca atu cacëxa: —Galileanu ꞌicë unicama, ¿añuaquin caramina manámia isabatin? Jesús, axa bërí naínu cuancë, ënëx ca mitsúnmi cuania iscësa ësaribicuatsini utëcënuxun ꞌaia.

Romanos 8:17

Aín bëchicë ꞌicë ca Nucën Papa Diosan ax quicësabi oquin nu ꞌaquianan aín nëtënu abë ꞌinun nu ꞌimiti ꞌicën. Ainan ꞌicë ca Nucën Papa Diosan Cristosaribi nu ꞌimiti ꞌicën. Cristonan ꞌixúnu tëmëraquinbi ax cuëëncësabi oquin ꞌati ëncëma ꞌicë ca Nucën Papa Diosan nuribi aín quicësabi oquin aín nëtënu Cristobë ꞌinun nu ꞌimiti ꞌicën.

Filipenses 1:23

Uisaira carana ꞌiti ꞌai quixun sinani cana sináncasmain. Bamatancëx ënë nëtënuax ꞌicësamairai Cristobë aín nëtënu chuámarua ꞌiti sinani cana anu ꞌiisa tanin.

2 Tesalonicenses 1:12

Usaquinmi mitsun ꞌacëbëtan ca Nucën ꞌIbu Jesucristo, ax asérabi upí ꞌianan cushiira ꞌicë ꞌunánquin unin rabiti ꞌicën. Rabicëbëtan ca mitsúxribi Jesucristosa ꞌicë unin isti ꞌicën. Nucën Papa Dios ꞌimainun Nucën ꞌIbu Jesucristo an mitsu nuibaquin ꞌimicëx camina mitsux usa ꞌiti ꞌain.

2 Timoteo 2:12

Nucën Papa Dios ainan cupí tëmëraquinbi ëncëma ꞌaish cananuna abë ꞌapusa ꞌiti ꞌain. Usa ꞌaínbi ca nuxnu —ꞌëx cana Jesucristonën unima ꞌai —quicëbë axribi nu ñui —ax ca ꞌën unima ꞌicë —quiti ꞌicën.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.