Juan 14:25 - Kashibo-Kakataibo Biblia

²⁵ Mitsubë ënë nëtënu ꞌixúinshi cana ënë banacama mitsu ñuixunin.

Nukën 'Ibu Diosan ain unikama 'inan ain bana

²⁵ Mitsubë ënë nëtënu 'ixúinshi cana ënë banacama mitsu ñuixunin.

Juan 14:25 Iomraidhean Croise

Juan 13:19

A unían aín sináncë ñu ꞌacëma pan ꞌain cana mitsu can. Usaquin mitsu catancëx, ꞌëx usai ꞌicëbëtan, camina asérabi carana ꞌëx ui ꞌai quixun ꞌunánuxun ꞌacanin.

Juan 14:24

Axa ꞌëmi sináncëma uni ax ca ꞌëx quicësabi oi ꞌima. ꞌËn mitsu cacë bana, ënëx ca ꞌënbi sinanx quicëma ꞌicën. Ax ca Nucën Papa Dios, an ꞌë ënu ꞌinun xuá, an ꞌë sinánmicë ꞌicën.

Juan 14:26

Usa ꞌaínbi ca Nucën Papa Diosan ꞌë cupíshi aín Bëru Ñunshin Upí, an uni ꞌaquinti, xuti ꞌicën. Xucëxun ca an camabi ñu ꞌunánmianan ꞌën ñuixuncë banacama manutimoquin mitsu sinánmiti ꞌicën.

Juan 14:29

Ënë ñucama ꞌiisama pain ꞌain cana mitsu ñuixuan, mitsúnmi ënë ñucama ꞌia isquin, asérabi cana ꞌëx Nucën Papa Diosan xuá ꞌai quixun ꞌunánun.

Juan 15:11

ꞌËx ꞌicësaribitimi mitsúxribi chuámarua tani cuëëni bucucanun cana ënë banacama ñuixunquin mitsu cain.

Juan 16:12

ꞌËn a mitsu ñuixunti bëtsi banacamaribi ënu ꞌaínbi camina ꞌën bërí ñuixuncëxunbi uisai quicë cara quixun cuacantima ꞌain.