Juan 14:23 - Kashibo-Kakataibo Biblia

²³ Cacëxun ca Jesusan cacëxa: —Uix cara ꞌëmi sinania, ax ca ꞌëx quicësabi oi ꞌiti ꞌicën. Usai ꞌia ca ꞌën Papan nuibati ꞌicën. An nuibacëbë cana ꞌën Papabë ꞌëxribi a unibë ꞌiti ꞌain.

Nukën 'Ibu Diosan ain unikama 'inan ain bana

²³ Cacëxun ca Jesusan cacëxa: —Uix cara 'ëmi sinania, ax ca 'ëx quicësabi oi 'iti 'icën. Usai 'ia ca 'ën Papan nuibati 'icën. An nuibacëbë cana 'ën Papabë 'ëxribi a unibë 'iti 'ain.

Juan 14:23 Iomraidhean Croise

Génesis 1:26

Usa ꞌain ka kamabi ñu ꞌatankëx Nukën ꞌIbu Dios ësai kiakëxa: Bërí kananuna nu iskësabi ꞌitánun uni unioti ꞌain. Ax ka bakanu ꞌikë ñuinakama ꞌimainun pëchiñu ñuina ꞌimainun a piti pitima ñuinakama ꞌianan, ñuina raëkëma ꞌimainun men niríkë ñuinakamax ka an bërúankë ꞌiti ꞌikën.

Génesis 11:7

Usa ꞌain ka Nukën ꞌIbu Diosan atun ñu ꞌaia istisatankëx kiakëxa, bëtsi bëtsi banan bananun kananuna uni ꞌimiti ꞌain, usai ꞌi ka bëtsin kakëxunbi bëtsin bana kuakámati bënëti ꞌikën.

Salmos 90:1

Nukën ꞌIbu Dios mix kamina, bërámaira nun chaitiokëkama ꞌakian ꞌixunbi an bëríbi nu ꞌakinkë a ꞌain.

Salmos 91:1

Uix kara Dios kamabi kushiñuira ꞌianan, manámi ꞌikë an bërúankë an ka

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 14:17

Ax ca Nucën Papa Diosan Bëru Ñunshin Upí ꞌicën, an Nucën Papa Diosan sináncë ñucama ꞌunáncë, a. A ca an Nucën Papa Diosan bana sináncëma unin ui cara ax ꞌicë quixun ꞌunántima ꞌicën, ca a istima ꞌicën. Usa ꞌaish ca atux Nucën Papa Diosan Bëru Ñunshin Upíñu ꞌitima ꞌicën. Usa ꞌaínbi camina mitsun a ꞌunánti ꞌain, axa mitsunu ꞌianan xënibua ꞌaínbi mitsubë ꞌicë cupí.

Juan 14:21

An ꞌën bana ꞌunánquin ax quicësabi oquin ꞌacë uni ax ca axa ꞌëmi asérabi sináncë uni a ꞌicën. Axa ꞌëmi sináncë uni a ca ꞌën Papánribi nuibatia. Usaribi oquin cana ꞌënribi a uni nuibaquin uisaira carana ꞌëx ꞌai quixun ꞌunánminuxun ꞌain.

Juan 14:24

Axa ꞌëmi sináncëma uni ax ca ꞌëx quicësabi oi ꞌima. ꞌËn mitsu cacë bana, ënëx ca ꞌënbi sinanx quicëma ꞌicën. Ax ca Nucën Papa Dios, an ꞌë ënu ꞌinun xuá, an ꞌë sinánmicë ꞌicën.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Juan 16:27

An ca asérabi mitsu nuibatia. Mitsúxmi ꞌëmi sinánan ꞌëx cana Nucën Papa Diosnuax uá ꞌai quixun sináncë cupí ca an mitsu nuibatia.

Juan 6:56

Ui unix cara ꞌëmi catamëti ꞌën nami pianan ꞌën imi xëacësa ꞌicë, ax ca ꞌëbë ꞌicën, ꞌëxribi cana abë ꞌain.

Juan 8:51

Asérabi cana ꞌën mitsu cain, an ꞌën bana cuacë uni ax ca xënibua ꞌaínbi Nucën Papa Diosbë ꞌia.

Juan 8:52

Quixuan cacëxun ca judíos unicaman Jesús cacëxa: —Bërí cananuna upí oquin ꞌunanin, mix camina ñunshin ꞌatimañu ꞌai quixun. Abraham ꞌimainun an Nucën Papa Dios quicë bana uni ñuixuncë unicamaxribi ca bamacëxa. Usa ꞌaínbi camina mix quin, an min bana cuacë unix isa xënibua ꞌaínbi ꞌiti ꞌicë quiax.

2 Corintios 6:16

¿Anuxun Nucën Papa Dios rabiti xubunuxun cara atúnbi ꞌacë ñu unin rabiti ꞌic? Ca ꞌatima ꞌicën. Nucën Papa Dios, ax bamatimoi tsócë, a aín unicaman rabicë, ax ca mitsunu ꞌicën, axa ësai quiásabi oi: ꞌËx cana atubëbi ꞌianan uinu cara atux cuania anuribi atubë ꞌiti ꞌain. ꞌËx cana aín Dios a atun rabiti a ꞌain, atux ca ꞌën unibu ꞌiti ꞌicën.

Efesios 3:17

ꞌImainun cana Cristomi catamëtia an mitsubë ꞌixun an cushiocë ꞌaish, uisai cara ꞌíbi bëtsibë bëtsibë nuibananquinmi,

1 Juan 2:24

Usa ꞌain camina Jesucristomi catamëtabaquinmi cua a bana manuquinma upí oquin sinánti ꞌain. A bana asérabi sináncë ꞌaish camina abë upí ꞌaish ënima camabi nëtën aín Bëchicë ꞌianan Nucën Papa Diosbëribi ꞌiti ꞌain.

1 Juan 2:5

Usa ꞌaínbi ca an aín bana quicësabi oquin ꞌacë uni ax ëníma upiti Nucën Papa Diosmi sinania. Usa ꞌixun cananuna ꞌunanin, nux cananuna asérabi ainan ꞌai quixun.

1 Juan 4:4

ꞌËn bëchicësa unicama, mitsux camina Nucën Papa Diosnan ꞌain. Nucën Papa Dios axa mitsubë ꞌicë aín cushibëtan sënë́nma ca an ënë nëtënu ꞌicë ñuishi sináncë unicaman cushi ꞌicën. Usa ꞌain ca an Cristo ꞌatimaquin ñuicë unicaman sinanëx mitsun sinánbëtan sënë́nmara ꞌicën.

1 Juan 5:3

Axa Nucën Papa Diosmi asérabi sináncë uni, an ca aín bana quicësabi oquin ꞌaia. Ax quicësabi oquin ꞌaisa ca a bana ꞌicën.

2 Juan 1:6

Asérabi Nucën Papa Diosmi sináncë unin ca axa quicësabi oquin ꞌaia. Aín banax ca quia, camina bëtsibë bëtsibë nuibananti ꞌai quiax. Jesucristomi catamëtabaquinmi cua, abi ca a bana ꞌicën.

Apocalipsis 21:22

Nucën ꞌIbu Dios, axa aín cushi bëtsi cushisama, a ꞌimainun Carnero ꞌicësaribitia unin ꞌucha cupí bama, axbia uinu cara a ëma sënënia anubi ꞌain, ca ꞌën iscëx a ëmanu anuxun Nucën ꞌIbu Dios rabiti xubu ꞌaíma ꞌiaxa.

Apocalipsis 21:3

Isanan cana naínuaxa munuma ësai qui banaia cuan: —Camina isti ꞌain, anua uni bucucë, anu ca Nucën Papa Dios bërí ꞌia. Anu aín unicama ꞌicë anu ca Nucën Papa Dios ꞌiti ꞌicën. A unicamax ca asérabi aín uni ꞌiti ꞌicën. Ax aín Dios ꞌaish ca aín unicamabë ꞌiti ꞌicën.

Apocalipsis 22:3

Usa ꞌain ca Nucën Papa Diosan uisoquin cara ꞌati ꞌicë usoquin ꞌati ñu anu ꞌaíma ꞌiti ꞌicën. Anu ca Nucën Papa Dios ꞌimainun Carnero ꞌicësaribitia unin ꞌucha cupí bama, ax ꞌApu ꞌiti ꞌicën. Usa ꞌicë ca anuxun aín unicaman a rabiti ꞌicën.