Juan 14:22 - Kashibo-Kakataibo Biblia

²² Cacëxun ca Judas Iscariote ama, bëtsi Judasnën Jesús cacëxa: —¿Uisa cupí caramina nu uisaira caramina mix ꞌai quixun ismiquinbi an Nucën Papa Diosan bana cuacëma unicamaribi ismitima ꞌain?

Nukën 'Ibu Diosan ain unikama 'inan ain bana

²² Cacëxun ca Judas Iscariote ama, bëtsi Judasnën Jesús cacëxa: —¿Uisa cupí caramina nu uisaira caramina mix 'ai quixun ismiquinbi an Nucën Papa Diosan bana cuacëma unicamaribi ismitima 'ain?

Juan 14:22 Iomraidhean Croise

Mateo 10:3

Raírinëx ca Felipe cacë ꞌimainun Bartolomé cacë ꞌimainun Tomás ꞌimainun Mateo, an ꞌapu buánmiti curíqui bicë, acama ꞌiacëxa. ꞌImainun ca Jacobo, Alfeonën bëchicë, a ꞌimainun Lebeo ꞌicëbi Tadeoribi cacë a ꞌiacëxa.

Marcos 3:18

Raírinëx ca Andrés, Felipe, Bartolomé, Mateo, Tomás acama ꞌiacëxa. Bëtsix ca Alfeonën bëchicë, Jacobo, ꞌiacëxa. Raírinëx ca Tadeo ꞌimainun Simón, axa judíos unibun rabanan nëëti banacë, aribi ꞌiacëxa.

Lucas 6:16

a ꞌimainun Judas, Jacobonën bëchicë, a ꞌimainun Judas Iscariote, an Jesús uni binun ꞌinan, acama ꞌiacëxa.

Juan 3:4

Usaquian cacëxun ca Nicodemonën cacëxa: —¿Uisax cara bëráma cania ꞌaish uni bacë́ntëcënti ꞌic? ¿Amiribishi cara aín titan pucunu atsíanx bacë́ntëcënti ꞌic?

Juan 3:9

Cacëxun ca Nicodemonën Jesús catëcëancëxa: —¿Uisa ꞌaish cara usai ꞌiti ꞌic?

Juan 4:11

Cacëxun ca cacëxa: —Anua ꞌunpax biti ënëx ca nëmin ꞌicën. Anun ꞌunpax biti ñuñuma camina ꞌain. ¿Uinua caramina anun ꞌëx nëtë́timoi Nucën Papa Diosnan ꞌiti ꞌunpax a biti ꞌain?

Juan 6:52

Quixuan cacëx ca judíos unicama ñucacanani quiacëxa: —¿Uisa ꞌixun cara ënë unin anu nun pinun nu pimiti ꞌic?

Juan 6:60

Usa ꞌain ca an Jesusan bana ñuia cuacë unicama ꞌaisamaira ꞌain raírinëx quiacëxa: —Axa usai quicë bana ax ca cuaisama ꞌicën. ¿Uin cara a cuati ꞌic?

Hechos 1:13

Riquianx Jerusalénu bëbatancëx ca anua atux ꞌicë xubunu atsíanx manámia ꞌicë cata itsi anu cëñúruacëxa. Atux ca Pedro, Jacobo, Juan, Andrés, Felipe, Tomás, Bartolomé, Mateo, Alfeonën bëchicë Jacobo, Simón axa aín aintsin rabanan nëëcë, a ꞌimainun Jacobonën xucën Judas, acama ꞌiacëxa.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.