Juan 14:11 - Kashibo-Kakataibo Biblia

¹¹ ꞌËx cana Nucën Papa Diosbë ꞌai quianan Nucën Papa Dios ax ca ꞌëbë ꞌicë quia camina a banax ca asérabi ꞌicë quixun sinánti ꞌain. ꞌËx quicë bana ax ca asérabi ꞌicë quixun sinánquinmabi camina ꞌën ñu ꞌaiami iscë, acama cupí, ꞌëx cana asérabi Nucën Papa Diosnuax uá ꞌai quixun ꞌunánti ꞌain.

Nukën 'Ibu Diosan ain unikama 'inan ain bana

¹¹ 'Ëx cana Nucën Papa Diosbë 'ai quianan Nucën Papa Dios ax ca 'ëbë 'icë quia camina a banax ca asérabi 'icë quixun sinánti 'ain. 'Ëx quicë bana ax ca asérabi 'icë quixun sinánquinmabi camina 'ën ñu 'aiami iscë, acama cupí, 'ëx cana asérabi Nucën Papa Diosnuax uá 'ai quixun 'unánti 'ain.

Juan 14:11 Iomraidhean Croise

Juan 10:25

Cacëxun ca Jesusan cacëxa: —Cana mitsu can, cacëxunbi camina ꞌëx cana a ꞌai quixun sináncëma ꞌain. ꞌËn Papan cacë ꞌixun ꞌën ñu ꞌaia isquin ca unin, ꞌëx cana Cristo ꞌai quixun ꞌunánti ꞌicën.

Juan 10:32

Bitsia ca Jesusan cacëxa: —ꞌËn Papan ꞌë ꞌamicëxun cana mitsúnmi isnun ꞌitsa ñu ꞌan. ¿ꞌËn usoquin ꞌacë uinu ꞌicë ñu cupí caramina ꞌë maxaxan ꞌacatsi quin?

Juan 10:38

ꞌËmi sinánquinmabi camina ꞌën, uni itsían ꞌacëma ñu ꞌaia isquin ꞌën Papa Dios ax ca asérabi ꞌëbë ꞌicë quixun ꞌunánan ꞌëxribi cana abë ꞌai quixun ꞌunánti ꞌain.

Juan 14:10

¿ꞌËx cana Nucën Papa Diosbë ꞌain, Nucën Papa Dios ax ca ꞌëbë ꞌicë quixun caramina sinaniman? ꞌËn mi cacë bana ënëx ca ꞌënbi sinani quicë banama ꞌicën. Ax ꞌëbë ꞌixun ca Nucën Papa Diosan ax cuëëncë ñu ꞌanun ꞌë ꞌamia.

Juan 14:20

A nëtën camina ꞌunánuxun ꞌacanin, ꞌëx cana ꞌën Papabë ꞌain, usaribiti camina mitsux ꞌëbë ꞌain, ꞌëxribi mitsubë ꞌimainun.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Hechos 2:22

Usaquin canan ca Pedronën ësaquinribi cacëxa: —Israel unicama, ꞌën mitsu camainun ca cuat: Jesús Nazaretnu ꞌicë, an ca Nucën Papa Diosan ꞌamicëxun mitsúnmi ismainunbi, ax ca Nucën Papa Diosnuax uá ꞌicë quixuan unicaman ꞌunánun, uni itsían ꞌacëma ñuira ꞌaxa. An ꞌacë ñucama camina mitsun ꞌunan.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.