Juan 13:8 - Kashibo-Kakataibo Biblia

⁸ Cacëxun ca Pedronën cacëxa: —ꞌËx mi meuira ꞌicë camina uisa nëtë́nbi min ꞌë tachucatima ꞌain. Ësoquian cacëxun ca Jesusan catëcëancëxa: —ꞌËn mi chucacëma ꞌaish camina ꞌënan ꞌitima ꞌai —quixun.

Nukën 'Ibu Diosan ain unikama 'inan ain bana

⁸ Cacëxun ca Pedronën cacëxa: —'Ëx mi meuira 'icë camina uisa nëtë́nbi min 'ë tachucatima 'ain. Ësoquian cacëxun ca Jesusan catëcëancëxa: —'Ën mi chucacëma 'aish camina 'ënan 'itima 'ai —quixun.

Juan 13:8 Iomraidhean Croise

Génesis 42:38

Usai kiabi ka Jacobnën aín bëchikë kakëxa: —ꞌËn bëchikë aín ꞌanáka ënë ꞌikëbi kana mitsukëñun xutima. Aín xukë́n José ka ñuakëxa usa ꞌain ka aratsushi tikiaxa. Mitsubë kuania ñu ꞌaisama inuti ñuanan ꞌikëbë kaina uisai ꞌiti ꞌain, mitsux kamina ꞌuchakë ꞌiti ꞌain ꞌëx kaniakëkë ꞌaish ꞌitsaira masá nuituti ñukëbë.

1 Reyes 12:16

Usa ꞌain ka axa a isi kuankë Israelnën ꞌapukama atun kakëxun kuaisama tankë a sinánkin ësokin atun kakankëxa: “¡Nukaman kananuna Davidtan aintsi nun ꞌapu ꞌiti kuëënima! ¡ꞌImainun ka Jesénën bëchikë Davidtan añu ñubi nu ꞌaxunkëma ꞌikën!” ¡Nun xubunubi kananuna kuantëkënti ꞌain kiax ka israel unikama kanankëxa! ¡Usa ain ka David ain aintsikaman ꞌapubi ꞌiti ꞌikë kiax ka kikankëxa! Ësokin kabiani ka Israel unikama aín xubunubi rikiankankëxa.

Salmos 51:2

¡ꞌËn ñu ꞌatima ꞌakë a kamina ꞌë mëníoxunti ꞌain! ¡ꞌAnan kamina ꞌëx ꞌuchakëkama a ꞌë tërënxunti ꞌain!

Salmos 51:7

ꞌËn ꞌuchakë ꞌë mënioxunkin hisopo kakë i pëñan anun ꞌakësa ꞌitánun ꞌë mëniokëx kana upíira bërúti ꞌain; usokin min ꞌë mëniokëx kana matsi uxua iskësamaira ꞌimainun xapu tunkikë usaribi ꞌinun ꞌën nuitu mëniokati upíira ꞌiti ꞌain.

Ezequiel 36:25

Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

Mateo 16:22

Usaria quia oquin ca Pedronën Jesús amo nitsinaxun ñu caquin cacëxa: —Usai camina ꞌitima ꞌain, Nucën Papa Diosax ca mixmi usai ꞌiti cuëëntima ꞌicën.

Mateo 21:29

Cacëxun ca aín bëchicënën caxa: Cana cuaniman. Usaquin caxbi ca sinanabiani ñu mëëi cuanxa.

Mateo 26:33

Usaía quia ca Pedronën cacëxa: —Raírinëxa mi ëbiani axa mimi nishcë unicamami racuëti abácëbëbi cana ꞌëxëshi mi ëbiani abátima ꞌain.

Mateo 26:35

Cacëxun ca Pedronën Jesús cacëxa: —ꞌËx mibë bamanuxunbi cana, ꞌën cana mi ꞌunáncëma ꞌai quixun uni parántima ꞌain. Ësaquian caia ca raírinënribi cacëxa.

Juan 13:6

Tatërëntancëxa aribishi tachucati aia ca Simón Pedronën Jesús cacëxa: —¿Min caramina ꞌë tachucati ꞌain?

Juan 13:9

Cacëxun ca Simón Pedronën: —Usa ꞌain ca ꞌën taëishi ꞌaxunma ꞌën mëcën rabë́ ꞌimainun ꞌën maxcáribi chucat —quixun cacëxa.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Hechos 22:16

Usaími ꞌinúan caíscë ꞌaish camina bënëtishi nirui min ꞌuchacama tërë́nun Nucën ꞌIbu Jesúsmi catamëti nashimicë ꞌiti ꞌain.

1 Corintios 6:11

Usa uni camina mitsu raírinëx ꞌiacën. ꞌIá ꞌaínbi ca mitsun ñu ꞌatima ꞌacëcama tërë́ncë ꞌain mitsun nuitu upí ꞌicën. Usa ꞌaish camina Nucën ꞌIbu Jesucristo cupí, Nucën Papa Diosan Bëru Ñunshin Upitan ꞌimicëx, an iscëx ainan ꞌain.

Efesios 5:26

Aín unicama aín nuitu upí ꞌimiquin ca Cristonën ax aín sinan ꞌaisama ꞌicëbi bëtsi oquin aín sinan upí ꞌimia. Usoquin ca ax quicësabi oquían ꞌanun aín bana ꞌunánmiquin aín unicama aín nuitu upí ꞌaísha chucacësa ꞌinun ꞌimia.

Deuteronomio 12:12

ꞌImainun kamina anuxun Nukën ꞌIbu Diosan isnun fiesta ꞌakin, mitsun bakë bëchikëkama ꞌimainun an mi ñu mëëxunkë unikama ꞌimainun axa mitsubë ꞌikë, levita unikama mitsún biti me a bitima ꞌikën.

Colosenses 2:18

Atúnbi ca —ꞌëx asama ꞌixun cana Nucën Papa Diosma ángelcamaishi rabiti ꞌai —quixun sinánquin atúnbi sináncë ñu ñui rabíquin unicana bana ñuixunia. Usa ꞌain camina Cristonan ꞌiti ëntin rabanan atúan mitsu ñuixuncë bana a tantima ꞌain.

Colosenses 2:23

—Usaquin ꞌën ñu ꞌacë ax ca asérabi ꞌicë —quixun sinánquin an usashi oquin ñu ꞌacë uni a isquin ca uni itsin sinánti ꞌicën, ax isa asérabi sinánñuira ꞌicë quixun. Usa ꞌaínbi ca usaquin ñu ꞌaíbi aín nuitu usabi upíma ꞌia.

Tito 3:5

Usoquin ca nun ñu upí ꞌacë cupíma, nuibaquinshi nu ainan ꞌinun ië́miacëxa. Ië́miquin ca bacë́ntëcëncësa ꞌinun nun ꞌuchacama tërë́nquin aín Bëru Ñunshin Upitan nu bëtsi ocëxa.

Hebreos 10:22

A cupí nun ꞌuchacama tërë́ncë ꞌaish cananuna uisa ñu cara ꞌaisama ꞌicë quixunu ꞌunánquin mëníocë ꞌaish asérabi ax cuëëncësabi oi ꞌiisa tani Nucën Papa Diosbë banati ꞌain, an ca cuati ꞌicë quixun ꞌunani. Ax Nucën Papa Diosbë banai tabernáculo xubunu atsínux ca sacerdote aín ꞌucha tërë́ncë ꞌianan upiti nashi mëníocacëxa. Usaribiti cananuna Jesucristo cupí chucacësa ꞌaísha nun nuitu, nun sinan upí ꞌain Nucën Papa Diosbë banain.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 7:14

Cacëxun cana can: —ꞌËn cana ꞌunaniman. Min camina ꞌunanin. Cacëxun ca ꞌë caxa: —ꞌËnë unicaman ca ami sináncë cupí ꞌaisamaira tëmëraquinbi Nucën Papa Diosmi catamëti ëncëma ꞌicën. Atux ca Carnero ꞌicësaribitia unin ꞌucha cupí aín imi ꞌapati bama, ami catamëti aín ꞌuchacama tërë́ncë ꞌaish aín nuitu upí ꞌaish chucacësa ꞌicën, aín chupa uxuira axa chuañumasa ꞌinun.