Juan 13:27 - Kashibo-Kakataibo Biblia

²⁷ ꞌInáncëxuan bitsiashi ca ñunshin ꞌatimanën ꞌapu, Satanásnën Judas bënë́nquinshi sinánmiacëxa. Usaquian sinánmia ca Jesusan Judas cacëxa: —Añu caramina ꞌacasi ca bënë́nquinshi ꞌat.

Nukën 'Ibu Diosan ain unikama 'inan ain bana

²⁷ 'Ináncëxuan bitsiashi ca ñunshin 'atimanën 'apu, Satanásnën Judas bënë́nquinshi sinánmiacëxa. Usaquian sinánmia ca Jesusan Judas cacëxa: —Añu caramina 'acasi ca bënë́nquinshi 'at.

Juan 13:27 Iomraidhean Croise

1 Reyes 18:27

Usaia ꞌikëbëa bari xamarukëbëtan ka Elíasnën atu ꞌusani atumi kuaikin ësokin kakëxa: —Munuma kamina kushi sharákanti ꞌain, ax ka dios ꞌikën. Usa ꞌaish sapi ka aín ñu mëëti ꞌaishi ꞌia; ꞌianan sapi ka insúanan puianan nitsi chikíkiani kuanxa. ¡ꞌIanan sapi ka ꞌuxaxa usa ꞌain kamina bësunkanti ꞌain!

Proverbios 1:16

usai ꞌikin ka atun bënë́kinshi ñu ꞌatima ꞌati sinánxun ꞌaia; ¡ꞌianan ka bënë́kinshi uni aín imi ꞌapamikin ꞌati sinánxun ꞌaia!

Daniel 2:15

Kakin ka ñukákëxa: —¿Uisa kupí kara ꞌapun bënë́kinshi an ñu ꞌunánkë unikama ꞌamiti bana nanx? Kakëxun ka Ariocnën Daniel uisa kupín kara usakin ꞌaxa kixun ñuixuankëxa.

Mateo 12:45

Isbiani cuanxun mëcën achúshi ꞌimainun rabë́ ñunshin ꞌatimaira mërabianquin buanx ca anuaxa chiquía uni anubi abë atsíntëcënia. Usa ꞌain ca anua ñunshin ꞌatimacama atsíncë uni ax bëráma ꞌiásamaira ꞌia. A uníxa ꞌicësaribiti ca ënë nëtënu bucucë unicamaxribi ꞌiti ꞌicën, atuán ꞌën bana cuaisama tancë cupí. Usaquin ca Jesusan cacëxa.

Mateo 4:10

Usaquian cacëxun ca Jesusan cacëxa: —Ñunshin ꞌatimanën ꞌapu, ënuax ca cuantan. Nucën Papa Diosan bana cuënëo ca ësai quia: “Min ꞌIbu Diosëshi camina rabiti ꞌain. Rabiquin camina ashi ax cuëëncësabi oquin ñu ꞌaxunti ꞌain”.

Marcos 6:25

Cacëx bënëtishi uquin ca cacëxa: —Bëríbi camina Juan, an uni nashimicë, a tëbíscamixun aín maxcá manë xampami ꞌë ꞌinánti ꞌain.

Lucas 22:3

Usacëbë ca Jesusan ꞌunánmicë unicama mëcën rabë́ ꞌimainun rabë́, acama achúshi, Judas Iscariote, anu ñunshin ꞌatimanën ꞌapu Satanás atsíancëxa.

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

Juan 13:28

Usaquin caia ca mesa rapasu ꞌicë unicaman uisoti cara Jesusan usaquin Judas caia quixun sináncasmaquin cuama ꞌicën.

Juan 6:70

Cacëxun ca Jesusan cacëxa: —¿ꞌËn carana ꞌën ꞌunánmicë uni ꞌinun micama mëcën rabë́ ꞌimainun rabë́ caísama ꞌain? Usai ꞌinun caísa ꞌaíshbi camina micama achúshinëx ñunshin ꞌatimanën ꞌapun sinánmicë ꞌain.

Hechos 5:3

ꞌInania ca Pedronën cacëxa: —Ananías, ¿uisacasquin cara ñumshin ꞌatimanën ꞌapu, Satanás, an ꞌibuaquin, Nucën Papa Diosan Bëru Ñunshin Upí paráncësa ꞌixunmi me cupími bicë curíqui mësú binun mi sinánmiax?