Juan 13:13 - Kashibo-Kakataibo Biblia

¹³ Mitsun camina ꞌëx isana mitsun ꞌIbu ꞌianan an mitsu ꞌunánmicë a ꞌai quixun ꞌë cain. Asérabi cana ꞌëx usa ꞌain.

Nukën 'Ibu Diosan ain unikama 'inan ain bana

¹³ Mitsun camina 'ëx isana mitsun 'Ibu 'ianan an mitsu 'unánmicë a 'ai quixun 'ë cain. Asérabi cana 'ëx usa 'ain.

Juan 13:13 Iomraidhean Croise

Jeremías 1:12

Kakëxun ka Diosan asábi ka kamina isan —kixun ꞌë kaxa—. Usa ꞌain kana ꞌën bana, kikësabi oi kara bënëtishi, ꞌia kixun kainin.

Mateo 20:28

ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

Lucas 10:28

Cacëxun ca Jesusan cacëxa: —Upí oquin camina ꞌë can. Usoquin ꞌai camina ainan ꞌaish xënibua ꞌaínbi Nucën Papa Diosbë ꞌiti ꞌain.

Lucas 6:46

¿Uisacasquin caramina —mix camina ꞌën ꞌIbu ꞌai —quixun ꞌë caquinbi ꞌën mitsu cacësabi oquin ñu ꞌaiman?

Lucas 7:43

Cacëxun ca Simonan cacëxa: —ꞌËn sináncëx ca an ꞌitsaira curíqui ribíncë, ax bëtsíxa ꞌicësamaira oi a unimi sinánti ꞌicën. Quia ca Jesusan cacëxa: —Usa ca.

Juan 11:2

María ax ca an Nucën ꞌIbu Jesús aín taë ꞌiníntisa ron chabóxun aín bun tatërë́ncë, a ꞌiacëxa.

Juan 11:28

Usaquin cabiani aín xubunu cuanquin ca Martanën aín xucën María amo nitsinaxun munu cacëxa: —Unu ca Jesús ꞌicën, ca uaxa. Mi cuanun ꞌën mi canun ca quiaxa.

Juan 11:3

Usa ꞌixun ca aín chirabacë rabëtan —axa mibë nuibanancë uni ca ꞌinsíanxa —quixuan Jesús catánun uni xuacëxa.

1 Corintios 12:3

Usa ꞌaínbi camina bërí Jesúsmi catamëcë ꞌixun ꞌunánti ꞌain: Nucën Papa Diosan Bëru Ñunshin Upitan sinánmicëx cuni ca uni “Jesús ca Nucën ꞌIbu ꞌicë” quia. ꞌImainun ca axa “Jesús ca ꞌaisama ꞌicë” quicë unicama ax Nucën Papa Diosan Bëru Ñunshin Upitan sinánmicëma ꞌicën.

1 Corintios 8:6

Usaquian sináncëbëtanbi cananuna nun ꞌunanin, achúshi ca Nucën Papa Dios ꞌicën. An ca camabi ñu uniocëxa. Ainan ꞌinun ca nuribi uniocëxa. ꞌImainun ca Nucën ꞌIbu achúshi, Jesucristo, ashi ꞌicën. An ca aín Papabëtan camabi ñu unionan nuribi uniocëxa.

Efesios 6:9

An uni itsi ñu mëëmicë unicama, mitsun camina an mi upí oquin ñu ꞌaxuncësaribi oquin uni upí sinánñu ꞌixun ami nishquin ñu caquínma ñu mëëmiti ꞌain. Camina ꞌunanin, Nucën ꞌIbu Jesucristo aín nëtënu ꞌicë, ax ca mitsun ꞌIbu ꞌianan ami ñu mëëmicë unicaman ꞌIburibi ꞌicën. An ca aín unicama bëtsibë sënën isia.

Filipenses 2:11

Usa ꞌain ca camaxunbi —Jesucristo ax ca asérabi camabi menu ꞌicë uni ꞌimainun ñucaman ꞌIbu ꞌicë —quixun cati ꞌicën, Nucën Papa Dios ax ca asérabi Dios ꞌicë quixun ꞌunánquin.

Filipenses 3:8

Judíos unicama Nucën Papa Diosan uni ꞌicë ꞌunántiocë ꞌaish ꞌiásamaira ca Nucën ꞌIbu Jesucristo amishi catamëti upíira ꞌicën. Usa ꞌain cana ꞌën ꞌá ñucama ñu ꞌatima pucësa oquin ëni Jesucristonan ꞌinux amishi catamëtin.

Santiago 2:19

Min camina Nucën Papa Dios ax ca achúshishi ꞌicë quixun sinanin. Usaquin sinánti ca asábi ꞌicën. Usaquinmi sináncë ꞌaínbi ca ñunshin ꞌatimacamanribi —usa ca —quixun ꞌunani ami racuëtan bamai bërëruia.