Juan 13:10 - Kashibo-Kakataibo Biblia

¹⁰ Cacëxunbi ca Jesusan amiribishi cacëxa: —Nashicë́xa aín namicama upí ꞌain ca unin nashitëcënquinma aín taëishi anun nicë́xa chuaia chucati ꞌicën. Usaribiti camina micamax nashicësa ꞌaish, nuitu upíñu ꞌain, ꞌaíshbi camina micama achúshinëxëshi min nuitu upíma ꞌain.

Nukën 'Ibu Diosan ain unikama 'inan ain bana

¹⁰ Cacëxunbi ca Jesusan amiribishi cacëxa: —Nashicë́xa aín namicama upí 'ain ca unin nashitëcënquinma aín taëishi anun nicë́xa chuaia chucati 'icën. Usaribiti camina micamax nashicësa 'aish, nuitu upíñu 'ain, 'aíshbi camina micama achúshinëxëshi min nuitu upíma 'ain.

Juan 13:10 Iomraidhean Croise

Levítico 16:26

usokin ꞌamainun ka uin kara anu uni ꞌikëma me anua Azazel ꞌikë anu chibu ëbëtsinkë uni axribi aín chupa chukanan upiti nashitankëx anua ꞌikankë anu atsínti ꞌikën.

Levítico 16:28

Xarotankëx ka uni an ñuina nami xarokë ax ꞌumpaxan nashianan aín chupa chukatankëx, anua ꞌikankë anu kuantëkënti ꞌikën.

Mateo 6:12

Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Juan 13:18

Mitsux camina cuëënti ꞌai quibi cana camabi mitsu ñui quiman. Ama. ꞌËn caíscë unicama, mitsux caramina uisa uni ꞌai quixun cana ꞌunanin. ꞌËn ꞌunáncësabi oi ca Nucën Papa Diosan bana cuënëo, ësai quicësabi oi, ꞌiti ꞌicën: “An ꞌëbëtan pán picë uni ax ca ꞌëmi ꞌiaxa”.

Juan 13:9

Cacëxun ca Simón Pedronën: —Usa ꞌain ca ꞌën taëishi ꞌaxunma ꞌën mëcën rabë́ ꞌimainun ꞌën maxcáribi chucat —quixun cacëxa.

Juan 15:3

Micaman ꞌën mitsu ñuixuncë bana cuacë cupí camina mitsun nuitu mëníocë ꞌaish upí ꞌain.

2 Corintios 5:17

Usa ꞌain ca uinu ꞌicë unix cara Cristomi catamëtia ax Cristobë ꞌaish bëtsi uni ꞌicën. Usa ꞌixun ca bëráma ꞌacësa oquin sinántëcënima. Bëtsi oquin ca sinania.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

1 Tesalonicenses 5:23

Nucën Papa Dios, an nu bënëtima chuámarua ꞌimiti, an mitsu upíshi ꞌinun ꞌimianan mitsun sinan, mitsun nuitu ꞌimainun mitsun namíxbia uisa ꞌuchañumabi ꞌinun mitsu ꞌimiti cana cuëënin, utëcënquian Nucën ꞌIbu Jesucristonën usa ꞌicë mitsu isti cupí.

Hebreos 9:10

Nucën Papa Diosan ca usoquin judíos unibunën ꞌati ñuiquin bëtsi bëtsi ñuina nami pitima ꞌimainun amiribi amiribi mëchucati, usa ñucama ꞌanun quixun mëníocëxa. Usai a banacama quicësabi oi ꞌibi ca atun nuitu upí ꞌima. An Jesucristo xuisama pain ꞌaían judios unibunën usa ñucama ꞌanun ca Nucën Papa Diosan mëníocëxa.

Santiago 3:2

Camaxunbi cananuna ñu ꞌaisama ꞌain. Axa uisaíbi ꞌatimati banacëma uni ax ca asérabi upí uni ꞌicën. A unin ca ꞌatimati banatisa tanquinbi tënëti ꞌunáncë ꞌixun uisa ñu ꞌatima ꞌati cara sinania, abi tënëti ꞌicën.