Juan 12:6 - Kashibo-Kakataibo Biblia

⁶ Asérabi ñuñuma unicama nuibati sinani ca usai Judas quiáma ꞌicën. Ax an curíqui mëcamacë uni ꞌixun, anua Jesusan aín ꞌunánmicë unicamabëtan curíqui ꞌarucë burasa bërúanquin, anua curíqui mëcamacë ꞌaish ca usai quiacëxa.

Nukën 'Ibu Diosan ain unikama 'inan ain bana

⁶ Asérabi ñuñuma unicama nuibati sinani ca usai Judas quiáma 'icën. Ax an curíqui mëcamacë uni 'ixun, anua Jesusan aín 'unánmicë unicamabëtan curíqui 'arucë burasa bërúanquin, anua curíqui mëcamacë 'aish ca usai quiacëxa.

Juan 12:6 Iomraidhean Croise

Salmos 14:1

An ꞌunántisa ꞌikëbi ñu ꞌunánkëma unikaman ka Dios isa ꞌaíma ꞌikë kixun sinania: kamaxunbi ka ñu ꞌatimashi ꞌaia; usakin ꞌakin ka ñu ꞌatimaira ꞌakania; ¡an upí ñu ꞌakë uinu ꞌikë uni achúshirabi ka ꞌaíma ꞌikën!

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Mateo 21:13

Usaquin ꞌaquin ca cacëxa: —Nucën Papa Diosan bana cuënëo ca ësai quia: “Anuxun ꞌë rabiti xubu ax ca anuaxa camabi unix ꞌëbë banati xubu ꞌiti ꞌicën”. Usaía cuënëo bana quicë ꞌaínbi camina mitsun anuxun ñu maruquin uni paránquin mëcamati xubusa ꞌinun ënuxun ñu maruin.

Lucas 8:3

a ꞌimainun Juana, Chuza, an Herodes ꞌaquincë uni aín xanu, a ꞌimainun Susana, acama ꞌimainun an Jesús ñu ꞌinánquin ꞌaquincë xanu raíriribi ꞌiacëxa.

Juan 10:13

An carnero upí oquin bërúanti sinánquinma curíqui binuxuinshi ñu mëëcë uni, ax ca carnerocaman rabanan nëëtima abatia.

Juan 12:5

—¿Uisoti caranuna ënë ro maruxun aín cupí trescientos curíqui bixun ñuñuma unicama ꞌináncëma ꞌain?

Juan 13:29

Judas ax ca anu curíqui puruti ñusuti a niquincë uni ꞌiacëxa. Usa ꞌain ca raírinën, Jesusan sapi isa Pascua nëtën piti ñu marutanun canan, ñuñuma uni ñu ꞌinántanun caxa quixun sináncëxa.

1 Corintios 6:10

ꞌimainun an ñu mëcamacë uni ꞌimainun an bëtsi unin ñu cuëëncë uni, ꞌimainun axa ñuianancë uni ꞌimainun paë́ncë uni ꞌimainun an uni paránxun aín ñu bicë uni, acamax ca Nucën Papa Diosan nëtënu ꞌitima ꞌicën.

Gálatas 2:10

Canan ca ësoquinshi nu cacëxa, —camina ñuñuma uni ꞌaquinti ꞌai —quixun. Usoquin ꞌati cana sináncën.

1 Tesalonicenses 5:22

Uisa ñucamax cara ꞌatima ꞌicë, acama ënquin camina uisa ñu ꞌatimaratsubi ꞌatima ꞌicanin.

Santiago 2:2

Ënëx ca ësa ꞌicën. Ñuñu uni axa upiti mëníocanan, upí chupa pañuanan, curi manë mëñuax, anu mitsux timë́cënu atsínmainun ca ñuñuma uníxribi chupa ꞌatimará pañuax atsínti ꞌicën.

Santiago 2:6

Usa ꞌaínbi camina mitsun ñuñuma uni a —ꞌaisama ca —quixun timaquin rabínmin. Ñuñuira uni an ca mitsu paránquin ñu mëëmianan tëmëramiquin mitsumi manánquin, an uníxa ami bëtsi uni ñui manáncëxun cuacë uninu buania. ¿Atux cara usama ꞌic?