Juan 12:5 - Kashibo-Kakataibo Biblia

⁵ —¿Uisoti caranuna ënë ro maruxun aín cupí trescientos curíqui bixun ñuñuma unicama ꞌináncëma ꞌain?

Nukën 'Ibu Diosan ain unikama 'inan ain bana

⁵ —¿Uisoti caranuna ënë ro maruxun aín cupí trescientos curíqui bixun ñuñuma unicama 'ináncëma 'ain?

Juan 12:5 Iomraidhean Croise

Éxodo 5:17

ꞌAínbi ka faraónën kakëxa: —Mitsux kamina asérabi chikishan tapunbuira ꞌain. Usa ꞌaish kamina mitsun nikënuaxbi kin: Nukën ꞌIbu kananuna ñuina rëtankëxun xarokin rabi kuanti ꞌain kiax kikanin.

Éxodo 5:8

ꞌAínbi kamina atun ꞌakësabi okían uiti ꞌitsa kara ꞌaia, ati ꞌitsabi bërí ꞌanun atu ꞌamiti ꞌain. Achúshi ladrillorabi ka sënëmamitima ꞌikën, a unikamax ka chikish ꞌikën, usa ꞌaish ka atux munuma banai kuënishi kia: Nukën ꞌIbu Dios rabikin ñuina rëxun xaroxuni kuantanun kamina nu xuti ꞌain kiax ka kikania.

Amós 8:5

Mitsux kamina ësai kikanin: “¿Uínsaran kara nun trigo marunun ꞌuxë ió ꞌikëbëtan fiesta ꞌati nëtë ax inuti ꞌik? ¿Uínsaran kara anun ñu mëëtima nëtë sábado ax anun nun trigo bimi kupíira marukinbi anun tupúnti anun tupunkinbi mëkamanun a nëtë inuti ꞌik?

Mateo 18:28

Cacëx cuanquinbi ca an abëtan a uni ñu mëëxuncë uni mëraxa. Mëraquin ca —ënën ca ꞌë ribinia —quixun sinánquin ꞌitsamashi curíquia ribíncëxunbi aín tëxatan biquin tëtsë́caquin caxa: Minmi ꞌë ribíncë ca ꞌë cupíot.

Mateo 20:2

Bariquin mëraxun ca uiti cara nëtë camabi cupíoti ꞌicë quixun atubëtan mëníotancëxun aín naënuxuan ñu mëënun xuaxa.

Lucas 12:33

Mitsun ñu maruquin curíqui bixun camina ñuñuma uni ꞌinánti ꞌain. Ënë nëtënuaxa ꞌicësai ca Nucën Papa Diosan nëtë naínu ꞌicë ñucamax ꞌatimati cëñutíma, an ñu mëcamacë uni ca ꞌaíma ꞌicën, ꞌimainun ca an cëñuti nacuáxbi anu ꞌaíma ꞌicën. Usa ꞌain camina mitsux ñuñushi ꞌiti sinánquinma ax cuëëncësabi oquin ꞌati ꞌain. Usaquin ꞌatancëxmi aín nëtënu abë ꞌicë ca an mitsúnmi a cuëënminuxun ꞌacëcama cupíoquin chuámarua aíshmi xënibua ꞌaínbi cuëënun mitsu ꞌimiti ꞌicën.

Lucas 18:22

Cacëxun cuaquin ca Jesusan cacëxa: —Usari camina ꞌin. ꞌIxunbi camina achúshi ñuishi ꞌacëma ꞌain. Cuanxun camina min ñucama maruquin curíqui bixun ñuñuma unicama ꞌinánti ꞌain. Usotancëx camina ñuñushi ꞌiti sinanima ꞌëmi sinani ꞌëbë cuani uti ꞌain. Usaquin ꞌatancëx camina Nucën Papa Diosan nëtënu ꞌianan usaquin ꞌacë cupí anuax cuëëinra cuëënti ꞌain.

Lucas 6:41

Bëtsi unin ꞌucha ꞌitsamashi ꞌicë a sinánquinbi camina mitsun ꞌucha ꞌaisamaira ꞌicëbi sinaniman. Ësa ca. Bëtsi uníxa aín bëru xamë́nu i sani chamaratsuñu ꞌicësa ꞌaínbi camina mitsux i mo mitsun bëru xamë́nu ꞌicësa ꞌain. ¿Uisa ꞌixun caramina bëtsi unin bëru xamë́nu ꞌicë i sani chamaratsu a sinánquinbi axa mitsun bëru xamë́nu ꞌicë i mo sinaniman?

Juan 12:4

Usoquian Maríanën Jesús ꞌaia isi ca aín ꞌunánmicë uni achúshi, Judas Iscariote, an uni Jesús ꞌinánti, ax quiacëxa:

Juan 12:6

Asérabi ñuñuma unicama nuibati sinani ca usai Judas quiáma ꞌicën. Ax an curíqui mëcamacë uni ꞌixun, anua Jesusan aín ꞌunánmicë unicamabëtan curíqui ꞌarucë burasa bërúanquin, anua curíqui mëcamacë ꞌaish ca usai quiacëxa.

Juan 13:29

Judas ax ca anu curíqui puruti ñusuti a niquincë uni ꞌiacëxa. Usa ꞌain ca raírinën, Jesusan sapi isa Pascua nëtën piti ñu marutanun canan, ñuñuma uni ñu ꞌinántanun caxa quixun sináncëxa.

Juan 6:7

Cacëxun ca Felipenën cacëxa: —Doscientos curíqui cupí bicëxbi ca pán achúshi achúshi camabi uni ꞌináncëx sënë́ntima ꞌicën.