Juan 12:49 - Kashibo-Kakataibo Biblia

⁴⁹ ꞌËx cana ꞌënbi sinánx banaiman. ꞌËn Papa, an ꞌë xuá, an ca uisai carana banati ꞌain, uisoquin carana uni ꞌunánmiti ꞌai quixun ꞌë caxa.

Nukën 'Ibu Diosan ain unikama 'inan ain bana

⁴⁹ 'Ëx cana 'ënbi sinánx banaiman. 'Ën Papa, an 'ë xuá, an ca uisai carana banati 'ain, uisoquin carana uni 'unánmiti 'ai quixun 'ë caxa.

Juan 12:49 Iomraidhean Croise

Juan 14:10

¿ꞌËx cana Nucën Papa Diosbë ꞌain, Nucën Papa Dios ax ca ꞌëbë ꞌicë quixun caramina sinaniman? ꞌËn mi cacë bana ënëx ca ꞌënbi sinani quicë banama ꞌicën. Ax ꞌëbë ꞌixun ca Nucën Papa Diosan ax cuëëncë ñu ꞌanun ꞌë ꞌamia.

Juan 14:24

Axa ꞌëmi sináncëma uni ax ca ꞌëx quicësabi oi ꞌima. ꞌËn mitsu cacë bana, ënëx ca ꞌënbi sinanx quicëma ꞌicën. Ax ca Nucën Papa Dios, an ꞌë ënu ꞌinun xuá, an ꞌë sinánmicë ꞌicën.

Juan 14:31

Usa ꞌaínbi cana camabi unían ꞌëx cana ꞌën Papami sinani quixun ꞌunánun, an ꞌë cacësabi oquin ꞌain. Ënëishi cana mitsu cain. Cuanti ca nirut —quixun ca Jesusan aín ꞌunánmicë unicama cacëxa.

Juan 15:15

Usa ꞌain cana ꞌën ñu mëëmicë uni camina ꞌai quixun mitsu caiman. An ñu mëëxuncë unin ca uisoquin ñu ꞌati cara an ñu mëëmicë unin sinania quixun ꞌunanima. ꞌËbë nuibanancë unicama camina ꞌai quixun cana mitsu cain. Usa ꞌicë cana ꞌën Papan ꞌë cacë ñucama mitsu ꞌunánmian.

Juan 3:11

Asérabi cana mi cain, nun ꞌunáncë ñu ñuianan nun iscë ñuribi ñui cananuna nux quin. Quiabi camina nun bana ca asérabi ꞌicë quixun sinaniman.

Juan 3:32

An ca an iscë ñucama ñuianan, an cuacë banacamaribi ñuia, ñuiabi ca uinu ꞌicë unínbi aín bana ca asérabi ꞌicë quixun sinanima.

Juan 5:19

Usa ꞌain ca Jesusan atu cacëxa: —Asérabi cana mitsu cain, ꞌëx Nucën Papa Diosan Bëchicë ꞌixunbi cana ꞌënbi ñu ꞌaiman. ꞌËn Papan ñu ꞌaia isquin cuni cana ꞌënribi ꞌain. ꞌËn Papan bëtsi bëtsi ñu ꞌacëbëtan cana ꞌëx aín Bëchicë ꞌixun ꞌënribi an ꞌacësaribi oquin ꞌain.

Juan 5:30

Ësaquinribi ca Jesusan cacëxa: —ꞌËn cana ꞌënbi sinánquin ñu ꞌaiman. ꞌËn Papan ꞌë cacësabi oquin cana ꞌën, cara castícancë ꞌiti ꞌicën, cara castícancë ꞌitima ꞌicë quixun uni cain. ꞌËx cuëëncësoquin ꞌaquinma cana an ꞌë xuá, axa cuëëncësabi oquin ñu ꞌain. Usa ꞌain ca ꞌën uni cacë banax asábi ꞌicën.

Juan 6:68

Quixuan cacëxun ca Pedronën cacëxa: —¿Ui uninu caranuna aín bana cuanux cuanti ꞌain? Minshi camina anun nu Nucën Papa Diosbë nëtë́timoi ꞌiti bana nu ñuixunin.

Juan 7:16

Quia ca Jesusan cacëxa: —ꞌËn uni ñuixuncë bana ënëx ca ꞌënbi sináncëma ꞌicën. An ꞌë xuá, an ꞌë sinánmicë ca ënëx ꞌicën.

Juan 8:26

ꞌItsa ñu ñuiquin cana mitsu cacëma pain ꞌain, uisa ñu ꞌai caramina ꞌuchai quixunmi ꞌunánun. Caquinma cana an ꞌë xuá axa quicë banax asérabi ꞌain, an ꞌë cacëxun ꞌën cuacë, ashi ënë nëtënu ꞌicë unicama ñuixunin.

Juan 8:28

Cuatiama ca Jesusan cacëxa: —Uni ꞌinux Nucën Papa Diosnuax uá ꞌicë ꞌë inu matástancëxun camina ui carana ꞌëx ꞌai quixun ꞌunánti ꞌain. ꞌUnánan camina, ꞌënbi sinánquin ꞌaquinma cana ꞌën Papan cacësabi oquin ñu ꞌai quixun ꞌunánti ꞌain. ꞌËn Papan ꞌë cacësabi oquin cana unicama cain.

Juan 8:42

Usaquian cacëxun ca Jesusan cacëxa: —Nucën Papa Diosnuax cana ꞌëx ënë menu uacën. ꞌËx cana ꞌëxbi uáma ꞌain, an ca ënu unun ꞌë xuacëxa. Usa ꞌain camina mitsux asérabi Nucën Papa Diosnan ꞌaish ꞌëmi sinántsian.

Deuteronomio 18:18

ꞌËn kana atunuaxa achúshi uni an ꞌën bana ñuiti uni ꞌimiti ꞌain, min ꞌakësarabi okin an bana ñuixunun ꞌimiti ꞌain, an ka mitsun aintsibi ꞌixun ꞌën kakë banakama mitsu ñuixunti ꞌikën, ꞌimainun ka ꞌën kakë banakama abi mitsu ñuixuntëkënti ꞌikën.

Apocalipsis 1:1

Nucën Papa Diosan ca ënë quiricanu cuënëocë ñucama Jesucristo ismiaxa, xënibuiracëma ꞌaínshi ca ësai ꞌiti ꞌicë quixuan aín unicama isminun. Nucën Papa Diosan a ismicë ñucama aín unicaman ꞌunánun ca Jesucristonën aín ángel achúshi Juan isminun xuaxa.