Juan 12:48 - Kashibo-Kakataibo Biblia

⁴⁸ An ꞌë timaquin ꞌën bana cuaisama tancë uni ax ca ꞌën bana quicësa oquin ꞌacëma cupí, ënë mecama cëñúti nëtën ꞌuchocë ꞌiti ꞌicën.

Nukën 'Ibu Diosan ain unikama 'inan ain bana

⁴⁸ An 'ë timaquin 'ën bana cuaisama tancë uni ax ca 'ën bana quicësa oquin 'acëma cupí, ënë mecama cëñúti nëtën 'uchocë 'iti 'icën.

Juan 12:48 Iomraidhean Croise

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Mateo 10:15

Asérabi cana ꞌën mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca an a ëmanu ꞌicë unicama mitsu bicëma cupí ax ꞌiti ꞌicën.

Mateo 21:42

Cacëxun ca Jesusan cacëxa: —¿Nucën Papa Diosan bana cuënëo ësai quicë a caramina mitsun iscëma ꞌain?: An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti. Usaía ꞌinun ca Nucën Papa Diosan ꞌimiaxa. An usoquin mëníocëx ca nun iscëx asábiira ꞌicën”. ¿Usaquian maxax ñuiquinbi ꞌë ñuiquin cuënëo bana a caramina mitsun iscëma ꞌain?

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Marcos 12:10

¿Nucën Papa Diosan bana cuënëo ësai quicë, a caramina mitsun iscëma ꞌain?, An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Marcos 16:16

Ñuixuncëxun cuatia ꞌëmi catamëtia nashimicë ax ca Nucën Papa Diosan ainan ꞌinun ië́micë ꞌiti ꞌicën. Usa ꞌaínbi ca axa ꞌëmi catamëisama tancë uni ax aín ꞌucha cupí xënibua ꞌaínbi Nucën Papa Diosbëma ꞌiti ꞌicën.

Marcos 8:31

Ësaquin catancëxun ca aín bamati ñuiquin Jesusan aín ꞌunánmicë unicama ësaquin cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ ꞌimainun achúshi nëtë ꞌicëbë baísquiti ꞌain.

Lucas 10:16

Caxun ca a xuti unicama ësaquinribi cacëxa: —An mitsun bana cuacë uni, an ca ꞌën banaribi cuatia. ꞌImainun ca an mitsun bana cuaisama tancë uni, an ꞌën banaribi cuaisama tania. An ꞌën bana cuaisama tancë uni, an ca Nucën Papa Dios, an ënë menu ꞌë xua, aín banaribi cuaisama tania.

Lucas 17:25

ꞌËn Papanu cuancëma pan ꞌixun cana unían bëtsi bëtsi ocëxun paë tanti ꞌain. ꞌImainun ca ënë nëtënua bucucë unicaman ꞌë timaquin ꞌën bana cuaisama tanti ꞌicën.

Lucas 20:17

Quia ca Jesusan atumi bësuquin isquin cacëxa: —¿Usai ꞌitima ꞌain cara uisai quicë ënë cuënëo bana ꞌic?, ësai quicë: An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Lucas 7:30

Acamaxa usai quicëbëbi ca fariseo unicama ꞌimainun an Moisésnën cuënëo bana ꞌunáncë unicaman, Juanën bana cuaisama tani an nashimicë ꞌiti cuëëncëma ꞌixun, Nucën Papa Dios cuëëncësa oi ꞌiisama tanquin Jesusan banaribi cuaisama tancëxa.

Lucas 9:22

Canan ca cacëxa: —Uni ꞌinux Nucën Papa Diosnuax uá, ꞌëx cana ꞌatimocë ꞌiti ꞌain. ꞌImainun ca caniacëcëcamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax, ꞌën bana cuaisama tani, ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Lucas 9:26

Ui unix cara ꞌënan ꞌitimi rabianan ꞌën bana quicësai ꞌitimi rabinia, a uníxa ꞌënan ꞌitimi cana uni ꞌinux anuax uá ꞌaish cuantancëx ꞌëxribi rabínti ꞌain, ꞌën Papa Diosbë ꞌApu ꞌitancëx aín ángelcamabë utëcëni.

Juan 11:24

Usaquian cacëxun ca Martanën cacëxa: —Ënë nëtë cëñúcëbë anun bama unicama baísquiti nëtën ca baísquiti ꞌicë quixun cana ꞌunanin.

Juan 5:45

ꞌËn isana mitsumi Nucën Papa Dios manóin quixun sinánxunma ca ꞌat. Moisésnëan cuënëo bana, ax isa upí ꞌicë quiáxmi quicë, ax ꞌë ñui quicë ꞌaínbimi ꞌëmi sináncëma cupí camina ꞌuchocë ꞌiti ꞌain.

Juan 6:39

An ꞌë xuá ꞌën Papa, ax ca an ꞌënan ꞌinun sinánmicë unicamaxa abë ꞌiti cuëëni, achúshira uníxbia abë ꞌima ꞌiti cuëënima. Usa ꞌaish ca an ꞌëmi sinánmicë unicama bërúantancëxun, ënë nëtë cëñúcëbëtan ꞌën baísquimiti cuëënia.

Juan 8:47

Uicamax cara ainan ꞌicë an ca Nucën Papa Diosan bana cuatia. Usa ꞌaínbi camina mitsun, ainanma ꞌixun, Nucën Papa Diosan bana cuatiman.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

Hechos 3:23

Uinu ꞌicë unin cara an ñuia, aín bana cuatima, ax ca Nucën Papa Diosnanma ꞌaish Israel unima ꞌiti ꞌicën”.

2 Corintios 4:3

Nun nu Jesucristomi catamëti ca uni Nucën Papa Diosnan ꞌiti ꞌicë quixun uni ñuixuncë ꞌaínbi sapi ca axa Jesucristomi catamëti ië́tisama tancë unicaman a banax ca upí oquin cuaisama ꞌicë quixun sinánti ꞌicën.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Hebreos 10:25

Usabi ꞌicë aísha bëtsi bëtsi uni axa Jesucristomi catamëcë unicamabë timë́tisama tancëbëbi cananuna nux usai ꞌima, aín unicamabë timë́anan bëtsibë bëtsibë Jesucristomia catamënun ꞌaquiananti ꞌain, Jesucristo utëcënti nëtë ca ꞌurama ꞌicë quixun sinani.

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

Hebreos 2:3

¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.

Hebreos 4:12

Cananuna ꞌunanin, Nucën Papa Dios ax ca bamatimoi tsotia. Ax ca cushiira ꞌicën. Usa ꞌixun ca aín bananu ꞌaia nu ꞌunánmia, nun caranuna asérabi upí oquin sinani, caranuna upí oquin sinanima quixun. ꞌUnánmianan ca uisa cupí caranuna usoquin ꞌai quixun nu ꞌunánmia.

1 Pedro 1:5

A nëtënu ꞌiisama pain ꞌaíshmi ënë nëtënuaxbi ami catamëtia isquin ca Nucën Papa Diosan aín cushínmi ñu ꞌatima ꞌaíma upíshi ꞌinun mitsu bërúanquin ꞌaquinia, an mëníosabi oími Jesucristoa utëcëncëbë aín nëtënu abë tsónun.

2 Pedro 3:3

Ësoquin camina ꞌunánti ꞌain, anúan Jesucristo utëcënti nëtëa ꞌurama ꞌain ca ꞌitsa uni aín cuëëncë ñuishi ꞌai, anun Jesucristonan ꞌiti bana ꞌatimaquin ñui, ami cuaiti ꞌicën.

2 Pedro 3:7

Usa ꞌaínbi ca naí ꞌimainun mecama anúan Nucën Papa Dios quicëbëtainshi tsin cëñuti nëtë utámainun usabi ꞌiti ꞌicën. A nëtën ca an ñu ꞌatima ꞌacë unicama Nucën Papa Diosan uisa cara oti ꞌicë usoquin ꞌati ꞌicën.

1 Samuel 10:19

ꞌAínbi kamina mikaman bërí Diosma ꞌikë ꞌakësa okinra kuëënkima rakan, an kamabi ñu ꞌaisama ꞌanan tëmërakin ñu mëi atsánkë ꞌikë chikían ꞌixunbi. ꞌImainun kamina ami manúkin a rakani axa mitsun ꞌapu ꞌiti achúshi uni anëxunun kikan. Usa ꞌain kamina bërí Nukën ꞌIbu rabi anu ukanti ꞌain, ꞌaínbi kamina, atun bananbi banakë akama abiribi ñaká, umainun ka ñakátibi aín aintsibë aintsibë uti ꞌikën.

1 Samuel 8:7

kakëxunbi ka Nukën ꞌIbun ësakin kakëxa: “Añu ꞌaxúnun kara Israel kaman mi kaia usakinbi kamina ꞌaxúnti ꞌain, atúan min kakëxun kuaisama tankë ax ka min banama ꞌën bana kuaisama tankë ꞌikën, usai ꞌikin ka atun ꞌëx aín ꞌapu ꞌixun ꞌakinti kuëënkanima.