Juan 12:36 - Kashibo-Kakataibo Biblia

³⁶ Usa ꞌain camina an mitsu upí oquin ꞌunánmiti, axa mitsubë ꞌaínshi, an ꞌacësaribi oquinmi mitsúnribi sinánun, aín bana ca asérabi ꞌicë quixun sinani ami catamëti ꞌain. Usaquin catancëx ca Jesús atun isnunma cuani nëtë́acëxa.

Nukën 'Ibu Diosan ain unikama 'inan ain bana

³⁶ Usa 'ain camina an mitsu upí oquin 'unánmiti, axa mitsubë 'aínshi, an 'acësaribi oquinmi mitsúnribi sinánun, aín bana ca asérabi 'icë quixun sinani ami catamëti 'ain. Usaquin catancëx ca Jesús atun isnunma cuani nëtë́acëxa.

Juan 12:36 Iomraidhean Croise

Isaías 60:1

Ësai ka Isaías kiakëxa: Jerusalén ꞌimainun Judánu tsókë unikama mitsun kamina kuati ꞌain, Nukën ꞌIbu kamabi kushiñuira ax ka achúshi ñu pëkikësa mitsubë ꞌikën, usa ꞌain kamina mitsux ichu ichukikë anun rabumëkësa ꞌikanin.

Mateo 21:17

Usaquin cabiani ca Jesús Betania ëmanu ꞌi cuancëxa.

Mateo 5:14

Tashisa ꞌianan camina mitsux lamparínsaribi ꞌain. Usa ꞌixun camina mibë ꞌicë unicama upiti bucuti ꞌunánun ꞌaquinin. Ca ësa ꞌicën. Ëma cha matánu ꞌicë ax ca unëtima, a ca camabi unin isia.

Lucas 16:8

Usaquin ca an a ñu mëëxuncë unin ꞌaxa quixun ꞌunánquin ca an a uni ñu mëëmicë unin sinánxa: An ꞌë ñu mëëxuncë unin ca uisai cara curíquiñuma ꞌaíshbi ꞌiti ꞌicë quixun sinánxun ñu ꞌaquin ꞌë paránti sinánxa quixun. Ësaquin catancëxun ca Jesusan cacëxa: —An ënë menushi upitax bucuti sináncë unin ca aín cuëëncësari ꞌiti upí oquin ꞌunania, Nucën Papa Diosmi sináncë unían ꞌacësamaira oquin.

Juan 1:7

Ax ca Nucën Papa Diosan Bana, an ꞌuchañuira ꞌicëbi uni aín nuitu upí ꞌimiti, ax ucëbëa ami catamënun camabi uni a ñuixuni uacëxa.

Juan 11:54

Usa ꞌain ca Jesús judíos unicaman istin rabanan Judeanuax anua uni ꞌicëma menu ꞌurama ꞌicë ëma Efraín cacë, anu cuancëxa. Anua ꞌain ca abë aín ꞌunánmicë unicama ꞌiacëxa.

Juan 12:37

ꞌItsa oquin Jesusan uni itsin ꞌacëma ñu ꞌaia isquinbi ca judíos unicaman ax ca asérabi Cristo ꞌicë quixun sinánma ꞌicën.

Juan 12:46

An aín sinan upíira ꞌixun uni upí ꞌimiti ꞌëx cana unicama ñu ꞌatima ꞌacë ꞌaíshbi sinanati ꞌëmi catamëti upí ꞌinun ꞌiminux uacën.

Juan 3:21

Usa ꞌaínbi ca an Nucën Papa Dios cuëëncësabi oquin ꞌacë uni, an ꞌaia isquian —an ca Nucën Papa Diosan ꞌaquincëxun ñu ꞌaia —quixun unin ꞌunánun xabánuxun ñu ꞌaia.

Juan 8:12

Usa ꞌain ca amiribishi Jesusan unicama cacëxa: —An aín sinan upíira ꞌixun uni upí ꞌimiti a cana ꞌëx ꞌain. Axa ꞌëmi catamëti ꞌëx cuëëncësabi oi ꞌicë uni ax ca ñu ꞌatima ꞌacëma ꞌianan aín sinan upí ꞌaish upiti tsotia.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.

Efesios 5:8

Bëráma Nucën Papa Diosan bana ꞌunáncëma ꞌaish unían bëánquibucënuxun ñu ꞌatima ꞌacësa ꞌiá ꞌixúnbi camina bërí Nucën ꞌIbu Jesucristonan ꞌixun ax cuëëncësabi oquin ñu upíshi ꞌain. Usa ꞌaish camina bërí xabánu nicësa ꞌiti ꞌain.

1 Tesalonicenses 5:5

Nucën Papa Diosnan ꞌaish camina mitsux an nëtën upí ñu ꞌacë unisa ꞌain. Cananuna an imë́ ñu ꞌatima ꞌacë unicamasama ꞌain.

1 Tesalonicenses 5:8

Usa ꞌaínbi cananuna nux Nucën Papa Diosan uni ꞌaish camabi nëtën upí oquin sináncë ꞌiti ꞌain. Cristonën ca ax quicësabi oquin ꞌë ꞌaquinia quixun sinánquin cananuna ami catamëquin uni raíriribi nuibati ꞌain, ñunshin ꞌatimanëan nu ñu ꞌatima ꞌanun sinánmitima cupí. Cristomi catamëquin raíri uniribi nuibacë ꞌaish cananuna suntárunëan ꞌacánani ami catamëti cupí anun aín shican bëpánti manë chupa pañucësa ꞌain. Usai ꞌiquin, Jesucristo utëcëncëbë cana asaribi upí ꞌiti ꞌai quixun sináncë ꞌaish, cananuna axa ami nishcë unían ꞌati rabanan suntárunën aín maxcá manë mañutinën mapucësaribi ꞌain.