Juan 12:34 - Kashibo-Kakataibo Biblia

³⁴ Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

Nukën 'Ibu Diosan ain unikama 'inan ain bana

³⁴ Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua 'aínbi 'iti 'icën. ¿Usa 'aínbi caramina min, axa Nucën Papa Diosnuax uni 'inux uá, ax ca i curúsocënu matáscë 'iti 'icë quixun nu cain? ¿Ui cara Nucën Papa Diosnuaxa uni 'inux uá ax 'ic?

Juan 12:34 Iomraidhean Croise

2 Samuel 7:13

ꞌImikëxun ka an anuxun ꞌë rabiti xubu achúshi ꞌë ꞌaxúnti ꞌikën. ꞌImainun kana ꞌën ꞌapu ꞌimikin nëtë́timoia xënibua ꞌaínbi ax ꞌapu ꞌinun ꞌimiti ꞌain.

Salmos 110:4

Nukën ꞌIbux ka sinanatëkëntima oi kiaxa, usa ꞌain ka kana ꞌaima kikínma asérabi kana ꞌati ꞌai kiaxa, Mix kamina sacerdote xënibua ꞌaínbi ꞌiti ꞌain, Melquisedec ꞌiásaribiti ꞌiti ꞌain.

Salmos 72:7

¡Usakin ꞌanan ka ax ꞌapu ꞌixun ñu upíokin ꞌakëbë, a nëtëkaman uni upitax bukuti ꞌikën, anúan ꞌuxë nëtë́ti nëtë ꞌitámainun!

Isaías 53:8

Usa ꞌain ka ñu ꞌatima ꞌakëmabi uankankëbë anun rabanan nëëti ax banati uibi ꞌaíma ꞌiti ꞌikën; usai ꞌikëbë ka axa ñukama ꞌinúkëbë uisa ñu kara inutia kiax ax ami sinánti uni ꞌaíma ꞌiti ꞌikën. ꞌImainun ka ënë menua chikinti ꞌikën, ꞌanan ꞌën aintsikama ꞌucha kupín bamatanun ꞌakánti ꞌikën.

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Daniel 7:14

ꞌAmitankëxun ka uni apan an aín kushi ꞌinánkin axa ꞌapu chaiira ꞌi kushiira ꞌinun ꞌimianan, kamabi menu ꞌikë ꞌimainun bëtsi banan banakë unikaman ñu mëëxunkin rabinun ꞌimiaxa. Usa ꞌaish ka aín kushi ax ꞌiásabi kushiira ꞌiti ꞌikën, ꞌimainun ka uínbi ax ꞌapu ꞌikë uínsaranbi masókë ꞌitima ꞌikën.

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Mateo 16:13

Usotancëx anu Cesárea de Filipo cacë ëma ꞌicë me anu cuanx riquianquin ca aín ꞌunánmicë unicama Jesusan ñucáquin cacëxa: —¿Uni ꞌinux Nucën Papa Diosnuax uá ꞌaish carana ꞌëx ui ꞌai quiax cara unicama quin?

Mateo 21:10

Usai ꞌiquiania bëbaia isi ca Jerusalénu ꞌicë unicamax —¿ui uni cara ënëx ꞌic? —quiax ratuti canancëxa.

Mateo 8:20

Cacëxun ca Jesusan cacëxa: —Ñu pëchiñunëxbi ca anua batsi oti nañu ꞌicën. Capa ꞌinúxbi ca aín anu ꞌuxti quiniñu ꞌicën. Usa ꞌaínbi cana uni ꞌinux Nucën Papa Diosnuax uá, ꞌëx anu ꞌuxtiñumabi ꞌain. Usa ꞌain sapi camina ꞌëbë cuantima ꞌain.

Juan 10:34

Cacëxun ca Jesusan cacëxa: —Nucën Papa Diosan bana cuënëo ca ësai quia: “Mitsúxbi camina dioscama ꞌain”.

Juan 12:32

ꞌËx unin i curúsocënu matáscë ꞌitancëxun cana camabi menu ꞌicë uni ꞌëmia sinánun ꞌimiti ꞌain.

Juan 15:25

Nucën Papa Diosan bana cuënëo ax ca ꞌë ñui ësai quia: “ꞌËn ꞌatima ñu ꞌacë ꞌaímabi ca ꞌëmi nishcanxa”. A bana quicësabi oi ca ꞌia.

Juan 8:28

Cuatiama ca Jesusan cacëxa: —Uni ꞌinux Nucën Papa Diosnuax uá ꞌicë ꞌë inu matástancëxun camina ui carana ꞌëx ꞌai quixun ꞌunánti ꞌain. ꞌUnánan camina, ꞌënbi sinánquin ꞌaquinma cana ꞌën Papan cacësabi oquin ñu ꞌai quixun ꞌunánti ꞌain. ꞌËn Papan ꞌë cacësabi oquin cana unicama cain.

Romanos 3:19

Usa banacama ca judíos unibunën cuanun Nucën Papa Diosan aín unicama cuënëomiacëxa quixun cananuna ꞌunanin. Aín bana ꞌináncëma pain ꞌixun ca Nucën Papa Diosan judíos unicama ainan ꞌinun ꞌimiacëxa. Ainan ꞌimitancëxun ca uisaira cara ainan ꞌaish uni upí ꞌiti ꞌicë quixuan ꞌunánun aín bana judíos unicama ꞌináncëxa. A bana isquin ca judíos unicamainshima camabi unin ꞌunánti ꞌicën, uisairai ꞌi cara Nucën Papa Diosan iscëx atun nuitu upíma ꞌicë quixun.

Romanos 5:18

Ënëx ca ësa ꞌicën. Adán cupía camabi uni ꞌuchocë ꞌaínbi ca Nucën ꞌIbu Jesucristonën bamaquin camabi uníxa ꞌuchocëma ꞌianan Nucën Papa Diosnan ꞌinun mëníocëxa.

Hebreos 7:24

Usa ꞌaínbi ca ax bamatimoi tsócë ꞌaish usabi sacerdote ꞌixun Jesusan cuni aín unicama Nucën Papa Dios ñucáxunia.