Juan 12:32 - Kashibo-Kakataibo Biblia

³² ꞌËx unin i curúsocënu matáscë ꞌitancëxun cana camabi menu ꞌicë uni ꞌëmia sinánun ꞌimiti ꞌain.

Nukën 'Ibu Diosan ain unikama 'inan ain bana

³² 'Ëx unin i curúsocënu matáscë 'itancëxun cana camabi menu 'icë uni 'ëmia sinánun 'imiti 'ain.

Juan 12:32 Iomraidhean Croise

2 Samuel 18:9

Usai ꞌakanankëbë aín caballonu ꞌiruax anu tsótax kuankinbi ka Absalónnën Davidtan suntárukama raíribë mëranankëxa. Mëranani ka anuaxbi kuainakëkian amotan kuankëxa, kuaníbi ka aín caballonëx i pëñanakëkë au atsínkiankëxa, usai ꞌikëbë ka Absalón i pëñami, aín bu tëkërëkirukëbë anu bëntamëti bërúmainun ka aín caballo axëshi ꞌuri abati rëkuë́nkianx nirakëakëxa.

Isaías 49:6

ax ka ësai kia: ꞌËn uni ꞌixunmi min Jacobnën rëbúnki, Israel unikama axa ñuima ꞌiakama a aín ñakánubi utëkënun ꞌakinkë ax ka ꞌën iskëx sënë́nmara ꞌikën, ꞌën kana ꞌën tirísa ꞌixunmi bëtsi menu ꞌikë unikama bana ñuixuanan, uinu kara me kuainakëakëxa anubi kuankin bana ñuinun mi ꞌimiti ꞌain.

Oseas 11:4

ꞌËn kana atu ꞌitsaira nuibakin ënua ꞌutëkënun atu ꞌakiankën; usakin kana tuá xura ꞌakësokin ꞌanan, atun piti ꞌinánima ꞌikinma bërúankën,

Números 21:9

Usokin ꞌanun kakëxun achúshi runusabi ꞌitánun manë panshian ꞌatankëxun ka Moisésnën i achúshi nitsínkë anu bëntankëxa; bëntankë ꞌikë runu tankin manë ꞌakë ami bësukin isi ka ui uni kara runun pia ax pëxkúakëxa.

Juan 1:7

Ax ca Nucën Papa Diosan Bana, an ꞌuchañuira ꞌicëbi uni aín nuitu upí ꞌimiti, ax ucëbëa ami catamënun camabi uni a ñuixuni uacëxa.

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua ꞌaínbi ꞌiti ꞌicën. ¿Usa ꞌaínbi caramina min, axa Nucën Papa Diosnuax uni ꞌinux uá, ax ca i curúsocënu matáscë ꞌiti ꞌicë quixun nu cain? ¿Ui cara Nucën Papa Diosnuaxa uni ꞌinux uá ax ꞌic?

Juan 18:32

—Usai cana i curúsocënu unin matáscëx bamanuxun ꞌai —quiáxa Jesús quiásabi oi bamanun ca judíos unicaman usoquin Pilato cacëxa.

Juan 19:17

Buáncëxun ca Jesusan abi anua matáscanti i curúsocë ꞌiábianquin Calvario cacë matá, hebreo banan Gólgota cacë, anu buáncëxa.

Juan 3:14

Moisésnëan anu uni ꞌicëma menuxun manë ꞌacë runu, camabi unin isnun, i nitsínxun anu nansaribi oquin ca uni ꞌinux Nucën Papa Diosnuax uá ꞌicë, ꞌë unin ꞌati ꞌicën,

Juan 6:44

Uinu ꞌicë uníxbi ca axbi ꞌënan ꞌinux ꞌëmi catamëtima ꞌicën. ꞌËn Papa, an ꞌë xuá, an sinánmicëx cuni ca uni ꞌëmi sinani ꞌënan ꞌinux ꞌëmi catamëti ꞌicën. ꞌËmia catamëcë ꞌicë cana ënë nëtëa cëñúcëbëtan baísquimiti ꞌain.

Juan 8:28

Cuatiama ca Jesusan cacëxa: —Uni ꞌinux Nucën Papa Diosnuax uá ꞌicë ꞌë inu matástancëxun camina ui carana ꞌëx ꞌai quixun ꞌunánti ꞌain. ꞌUnánan camina, ꞌënbi sinánquin ꞌaquinma cana ꞌën Papan cacësabi oquin ñu ꞌai quixun ꞌunánti ꞌain. ꞌËn Papan ꞌë cacësabi oquin cana unicama cain.

Gálatas 3:13

A bana, usai ca judíos unicama ꞌiti ꞌicë quixun Moisésnën cuënëo, a banacamaxa quicësabi oquiinra ꞌacëma ꞌicë, nu uisa cara oti ꞌicë usoquin ꞌati ꞌixunbi ca Nucën Papa Diosan nu ꞌaquinma, Cristo, nun ꞌucha cupí tëmëramia cupí, nu ami catamëtia uisotima ꞌicën. Camabi unin ꞌucha cupí ca ꞌuchañuira uni ꞌicësari Cristo i curúsocënu bamacëxa, Nucën Papa Diosan bana cuënëo ësai quicësabi oi: “Ui unix cara i curúsocënu matáscë ꞌicë ax ca asérabi ꞌuchañuira ꞌaish Nucën Papa Diosan uisaira cara oti ꞌicë usoquin ꞌacë ꞌiti ꞌicën”.

1 Timoteo 2:6

Camabi uníxa aín ꞌucha tërë́ncë ꞌaish Nucën Papa Diosnan ꞌinun ca ꞌitsianxmabi bamacëxa. Usai ca ꞌiacëxa quixun ca aín unicaman Nucën Papa Diosan mëníosabi oquin unicama ñuixunia.

Hebreos 2:9

Usa ꞌaínbi cananuna Jesús ꞌunanin. A ca Nucën Papa Diosan, usabi ꞌinuxmabi ënë menu uni ꞌaish ángelcama meura ꞌinun xuacëxa. Unicama nuibaquian Nucën Papa Diosan sinánsabi oi ca ax camabi unin ꞌucha cupí bamacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Juan 2:2

Jesucristo axa bama cupí ca nun ꞌuchacama tërë́ncë ꞌicën. Nunanshima camabi unin ꞌuchacamaribia tërë́ncë ꞌinun ca Jesucristo bamacëxa.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.