Juan 12:27 - Kashibo-Kakataibo Biblia

²⁷ Cana ꞌitsaira masá nuitutin. ¿Uisaquin carana ꞌën Papa cati ꞌain? ¿Carana, Papan, bërí uisa cara ocaniabi ca ꞌë ië́mit quixun cati ꞌain? Usama ca. Uisa cara oti ꞌicë usa oquin ꞌacánun cana uacën.

Nukën 'Ibu Diosan ain unikama 'inan ain bana

²⁷ Cana 'itsaira masá nuitutin. ¿Uisaquin carana 'ën Papa cati 'ain? ¿Carana, Papan, bërí uisa cara ocaniabi ca 'ë ië́mit quixun cati 'ain? Usama ca. Uisa cara oti 'icë usa oquin 'acánun cana uacën.

Juan 12:27 Iomraidhean Croise

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 11:26

—Ñu ꞌunánma ca —quixuan unin sináncë unicaman min ꞌimicëxun ꞌën bana cuati camina cuëëan.

Mateo 26:42

Usaquin cabiani cuantëcënxun ca Jesusan Nucën Papa Diosbë banatëcënquin ësaquin catëcëancëxa: —ꞌËn Papa Dios, mixmi ꞌën bërí paë tantima cuëëncëbëma cana mix cuëëncësabi oi ꞌiti ꞌain.

Mateo 26:45

Catëcëanx amiribishi utëcënxun ca Pedro, Juan, Santiago, acama cacëxa: —Asá ca. Bërí camina tantianan ꞌuxti ꞌain. Anúan uni ꞌuchañucaman binun uni itsin ꞌë ꞌinánti nëtë ca uaxa.

Lucas 22:44

ꞌAisamaira masá nuituti bënë́quin ca Jesusan amiribishi Nucën Papa Dios ñucátëcëancëxa. Ñucati ꞌaisamairai bënëti ca nichati aín nichá ax aín imi menu tusquicësa ꞌiacëxa.

Lucas 22:53

Camabi nëtën anuxun Nucën Papa Dios rabiti xubunu mitsubë ꞌiabi camina uisa ꞌixunbi ësoquin ꞌë bicáncëma ꞌain. Bërími mitsun ësoquin ꞌanun ca Nucën Papa Diosan mitsu ëanxa, ñunshin ꞌatimanën ꞌapun cushínbi camina ësoquin ꞌë ꞌain.

Juan 11:41

Cacëbëtan ca anu ꞌicë unicaman maxax racanacëxa. Racanamainun ca Jesusan manámi bësuquin Nucën Papa Dios cacëxa: —Papan, camina ꞌën bana cuan. Usa ꞌain cana mi asábi ca quixun cain.

Juan 12:23

Cacëxun ca Jesusan Felipecëñun Andrés cacëxa: —Uni ꞌinux Nucën Papa Diosnuax uá ꞌaish cana ꞌëx bamatancëx baísquiti ꞌain. A nëtë ca bërí ꞌurama ꞌicën.

Juan 13:21

Usoquin catancëx masá nuituquin ca Jesusan upí oquin atun cuaisabi oquin atu cacëxa: —Asérabi cana ꞌën mitsu cain, mitsu achúshinën ca an ꞌatimonun uni ꞌë ꞌinánti ꞌicën.

Juan 18:37

Cacëxun ca Pilátonën catëcëancëxa: —¿Usa ꞌain caramina asërabi ꞌapu ꞌain? Quixuan cacëxun ca Jesusan cacëxa: —ꞌËx cana ꞌapu ꞌain, min ꞌë cacësabi oi. Usai ꞌinux cana ënë nëtënu uacën, Nucën Papa Diosan sináncë ñucama ñuiquin camabi uni canux. Uicaman cara uisaira cara a bana ꞌicë quixun ꞌunántisa tania, an ca ꞌën bana cuatia.

1 Timoteo 1:15

Ënë banax ca asérabi ꞌicën. Usa ꞌain ca camabi unin —asérabi ca —quixun ꞌunánti ꞌicën: Camabi uni aín ñu ꞌaisama ꞌacë cupía tëmërati ꞌicëbi Nucën Papa Diosnan ꞌinun ië́minux ca Cristo Jesús ënë menu uacëxa. Uni itsi ꞌicësamairai ꞌuchacë ꞌicëbi ca ainan ꞌinun ꞌë ië́miacëxa.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.