Juan 12:23 - Kashibo-Kakataibo Biblia

²³ Cacëxun ca Jesusan Felipecëñun Andrés cacëxa: —Uni ꞌinux Nucën Papa Diosnuax uá ꞌaish cana ꞌëx bamatancëx baísquiti ꞌain. A nëtë ca bërí ꞌurama ꞌicën.

Nukën 'Ibu Diosan ain unikama 'inan ain bana

²³ Cacëxun ca Jesusan Felipecëñun Andrés cacëxa: —Uni 'inux Nucën Papa Diosnuax uá 'aish cana 'ëx bamatancëx baísquiti 'ain. A nëtë ca bërí 'urama 'icën.

Juan 12:23 Iomraidhean Croise

Isaías 55:5

Min kamina ëma ꞌunánkëma kamanua; ꞌikë an mi ꞌunánma ëmakamanua bënëkuatsinia ukanun kuëënti ꞌain, usokëx ka atux abákuatsini minu ꞌuti ꞌikën, ꞌëx min ꞌIbu ꞌianan Israel unikaman Dios upíira ꞌixun kana ꞌën mi uisakinbi katima ꞌimian.

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Mateo 26:45

Catëcëanx amiribishi utëcënxun ca Pedro, Juan, Santiago, acama cacëxa: —Asá ca. Bërí camina tantianan ꞌuxti ꞌain. Anúan uni ꞌuchañucaman binun uni itsin ꞌë ꞌinánti nëtë ca uaxa.

Marcos 14:35

Cabiani ꞌurira cuani menu rantin puruni tsóbuquin ca, ax cuëëncëbë ca uisaíbi ꞌitima ꞌicë quixun ꞌunani, abë banaquin aín Papa cacëxa:

Marcos 14:41

Usa ꞌain amiribishi cuantëcëntancëx utëcënquin ca cacëxa: —Bërí camina tantianan ꞌuxti ꞌain. Asá ca. Anúan uni ꞌuchañucaman binun uni itsin ꞌë ꞌinánti nëtë ca uaxa.

Juan 12:16

Usai ꞌia isquinbi ca aín ꞌunánmicë unicaman, a ñuiquin cuënëo bana quiásabi oi ca ꞌia quixun ꞌunánma ꞌicën. Baísquitancëxa Jesús naínu cuantëcëan cuni ca a ñuiquian, usai ca ꞌiti ꞌicë quixun cuënëosabi oi ca ꞌiaxa quixun ꞌunáncancëxa.

Juan 12:27

Cana ꞌitsaira masá nuitutin. ¿Uisaquin carana ꞌën Papa cati ꞌain? ¿Carana, Papan, bërí uisa cara ocaniabi ca ꞌë ië́mit quixun cati ꞌain? Usama ca. Uisa cara oti ꞌicë usa oquin ꞌacánun cana uacën.

Juan 13:1

Pascua anun carnero ꞌati nëtëa ꞌicëma pan ꞌain ca Jesusan ꞌunáncëxa, anúan ënë menuax aín Papanu cuanti nëtë ca ꞌuramatia quixun. Jesusan ca ënë menuxuan aín bana cuacë unicama camabi nëtën upí oquin nuibacëxa. Usa ꞌain ca Jesús ax an atu nuibacë cupí bamaia aín unicaman —asérabi nu an nuibati ca usai bamaia —quixun ꞌunánti nëtë ꞌuramacëxa.

Juan 7:39

Nucën Papa Diosan Bëru Ñunshin Upí ca axa ami catamëcë unicamanu uti ꞌicë quixuan ꞌunánun ca Jesusan usaquin unicama cacëxa. Ax bamatancëx baísquitancëx naínu cuancëma pain ꞌaían Nucën Papa Diosan aín Bëru Ñunshin Upí aín unicamabë ꞌinun xucëma pain ꞌain ca Jesusan usaquin unicama cacëxa.