Juan 11:52 - Kashibo-Kakataibo Biblia

⁵² Judíos unicamaxëshima bëtsi bëtsi nëtënuaxa ax Nucën Papa Diosmi sináncë unicamaxribia ainan ꞌaish achúshisa ꞌinúan Jesús bamati ñuiquin ca usaquin cacëxa.

Nukën 'Ibu Diosan ain unikama 'inan ain bana

⁵² Judíos unicamaxëshima bëtsi bëtsi nëtënuaxa ax Nucën Papa Diosmi sináncë unicamaxribia ainan 'aish achúshisa 'inúan Jesús bamati ñuiquin ca usaquin cacëxa.

Juan 11:52 Iomraidhean Croise

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Salmos 22:15

ꞌËn kuëbitax ka mapú xuikëx ëski ꞌirukë usaribi ꞌikën; ꞌimainun ka ꞌën ana manxantanu takáshkikë usaribi ꞌikën. ¡Usa ꞌikë kamina bamax menu rakakësa ꞌitánun ꞌë ëan!

Salmos 22:27

Kamabi ñakánu ꞌikë Israel unibu ꞌimainun, bëtsi nëtënu tsókë unikamanribi ka ami sinánkin Dios rabiti ꞌikën; ¡usakin ꞌai ka an ismainunbi rantinpuruni tsóbukanti ꞌikën!

Salmos 72:19

aín anë upíira ax ka xënibua ꞌaínbi sinánkë ꞌiti ꞌikën. ¡Usa ꞌain ka aín kushi ax xënibua ꞌaínbi kamabi menu ꞌikë unikaman ꞌunánkë ꞌiti ꞌikën! ¡Usa ka ꞌiti ꞌikën ashi!

Isaías 49:18

Axa Jerusalénnu ꞌikë unikama mitsun kamina buinarakin amami amamia iskin, uisai kara ꞌura buánkan unikama minu uax timëaxa kixun isti ꞌain. ꞌËx Nukën ꞌIbu ꞌaish kana ꞌëxbi ësai kin, usa ꞌain ka a unikamax, Jerusalénnu tëñutimi tëñukësa ꞌianan, mëratiñu xanua anun mëníokakin ñukama aín naminu nankësa usaribi ꞌiti ꞌikën.

Isaías 49:6

ax ka ësai kia: ꞌËn uni ꞌixunmi min Jacobnën rëbúnki, Israel unikama axa ñuima ꞌiakama a aín ñakánubi utëkënun ꞌakinkë ax ka ꞌën iskëx sënë́nmara ꞌikën, ꞌën kana ꞌën tirísa ꞌixunmi bëtsi menu ꞌikë unikama bana ñuixuanan, uinu kara me kuainakëakëxa anubi kuankin bana ñuinun mi ꞌimiti ꞌain.

Isaías 55:5

Min kamina ëma ꞌunánkëma kamanua; ꞌikë an mi ꞌunánma ëmakamanua bënëkuatsinia ukanun kuëënti ꞌain, usokëx ka atux abákuatsini minu ꞌuti ꞌikën, ꞌëx min ꞌIbu ꞌianan Israel unikaman Dios upíira ꞌixun kana ꞌën mi uisakinbi katima ꞌimian.

Isaías 60:4

Jerusalénnu tsókë unikama mitsun kamina, chairui kuainakëkin usai ka bëtsi menu tsókë unikama mitsubë timë́ti ꞌaia isti ꞌain. Mitsun bakë bëchikëkamax ka ꞌurakëoxbi uti ꞌikën; ukin ka unikaman mitsun ꞌini bëchikë xanukama, bërúanxun aín pëñanu ꞌaruxun bëkësa obëtsinkin bëti ꞌikën.

Ezequiel 34:12

An ñuina bërúankë uníxa aín ovejakama abisi nëtë́an ami sinánkësaribi oi kana ꞌëx ꞌën unikamaxa ovejasa ꞌain ami sinánti ꞌain; usai atumi ꞌikin kana achúshi nëtë́an atumi nishkë unikaman nëtë tunankuatsinkësa usairibi ꞌikin axa atumi nishkë unikaman bibiankin anu buan me anuabi atux timë́nun ꞌimitëkënti ꞌain.

Oseas 1:10

“Usa ꞌain ka Israel unikama achúshi nëtën parúmpapa masi iskësaira ꞌaish, uínbi uiti ꞌitsaira kara kixun tupuntisama ꞌiti ꞌikën. Usa ꞌikë ka mitsux kamina ꞌën unima ꞌain kakima Diosan mitsu kati ꞌikën, mitsux kamina axa bamatima oi tsókë Dios ain bëchikë ꞌai kixun kati ꞌikën.”

Lucas 15:8

Ësaribi ca. ¿Xanu achúshinën cara mëcën rabë́ curíquiñu ꞌixunbi, achúshi, nëtë́mixun lamparín bimixun, mëranuxun munu upí oquin baritima ꞌic?

Lucas 2:32

An ca Israel unibushima judíosma unicamaribi aín sinan upí ꞌinun ꞌimiti ꞌicën. Minan ꞌinúnmi caísa, Israel unibu, acama achúshi ꞌaish, a cupí ca camabi unin Israel unibu rabiti ꞌicën.

Juan 1:12

Usa ꞌixunbi ca uicamax cara ami sinánan ami catamëtia, acama Nucën Papa Diosan bëchicëa ꞌinun ꞌimiacëxa.

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.

Juan 10:16

Bëtsi carneroñuribi cana ꞌain. A ꞌaíshbi ca ënë cënënu ꞌicëma ꞌicën. Aribi cana ënë cënënua ꞌinun bëti ꞌain. Acamanribi ca ꞌën bana cuati ꞌicën. Usaquin ꞌën ꞌacëx ca ꞌën carnerocamax achúshi cënënushi ꞌiti ꞌicën, achúshishi ca an a bërúancë ꞌiti ꞌicën.

Juan 12:32

ꞌËx unin i curúsocënu matáscë ꞌitancëxun cana camabi menu ꞌicë uni ꞌëmia sinánun ꞌimiti ꞌain.

Romanos 3:29

¿Nucën Papa Diosan cara judíos unicamaishi aín uni ꞌimianan judíosma unicamaribi aín uni ꞌimitima ꞌic? Ca aturibi ainan ꞌimiti ꞌicën.

Romanos 4:17

Nucën Papa Diosan bana a ñuiquian cuënëo ax ca ësai quia: “Mi cupía min rëbúnqui ꞌitsaira ꞌinun cana mi aín rarami ꞌinun ꞌimin”. Usaquin ca Nucën Papa Diosan amia catamëcë ꞌixun Abraham cacëxa. Nucën Papa Dios ax ca an uni bamacëbi tsótëcënun baísquimiti ꞌianan an aín sinanëinshi, ꞌaíma ꞌicëbi, ñu uniocë a ꞌicën.

Efesios 1:5

Axa cuëëncësabi oquin ca nu nuibaquin Jesucristo cupí aín bëchicë ꞌinun nu caísacëxa.

Efesios 3:11

Usaquin aín unicama ꞌiminuxuan usabi ꞌiti oquin an mëníosabi oquin ca Nucën Papa Diosan aín Bëchicë, Nucën ꞌIbu Jesucristo, a ënë nëtënu xuacëxa.

Santiago 1:1

ꞌËx cana Santiago, an Nucën Papa Dios ꞌimainun Nucën ꞌIbu Jesucristonën cacësabi oquin ñu ꞌacë ꞌain. Israelnën bëchicë mëcën rabë́ ꞌimainun rabë́ aín rëbúnqui ꞌaíshmi bëtsi bëtsi menu tsóti cuan ꞌicë cana mitsu ënë quirica buánmin.

1 Pedro 1:1

ꞌËx cana Pedro, aín bana unicama ñuixunuan Jesucristonën caísa ꞌain. Mitsun nëtënuax bëtsi bëtsi menu tsóti cuan ꞌaíshmi Ponto, Galacia, Capadocia, Asia, Bitinia, a nëtëcamanu ꞌicë cana ënë quirica mitsu buánmin.

1 Juan 2:2

Jesucristo axa bama cupí ca nun ꞌuchacama tërë́ncë ꞌicën. Nunanshima camabi unin ꞌuchacamaribia tërë́ncë ꞌinun ca Jesucristo bamacëxa.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

1 Juan 3:2

ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.