Juan 11:4 - Kashibo-Kakataibo Biblia

⁴ Xucëx cuanxuan unin cacëx ca Jesús quiacëxa: —Ca ꞌinsíanxa ꞌaíshbi ca bamatima ꞌicën. Unían uisaira cara Nucën Papa Diosan cushi ꞌicë quixun ꞌunánan, uisaira cara aín Bëchicënën cushiribi ꞌicë quixun ꞌunánun ca a uni ꞌinsíanxa.

Nukën 'Ibu Diosan ain unikama 'inan ain bana

⁴ Xucëx cuanxuan unin cacëx ca Jesús quiacëxa: —Ca 'insíanxa 'aíshbi ca bamatima 'icën. Unían uisaira cara Nucën Papa Diosan cushi 'icë quixun 'unánan, uisaira cara aín Bëchicënën cushiribi 'icë quixun 'unánun ca a uni 'insíanxa.

Juan 11:4 Iomraidhean Croise

Éxodo 16:7

ꞌanan kamina imë́ishi pëkarakëbëtan ka Nukën ꞌIbun ain kushin usakin ñu ꞌaia kixun mitsun isti ꞌain; an ka mitsun ꞌatimai ami banakankëxun kuaxa. ¿Uisa kupín karamina mitsun nux karanuna ui ꞌai kixun ꞌunánima banain?

Juan 10:38

ꞌËmi sinánquinmabi camina ꞌën, uni itsían ꞌacëma ñu ꞌaia isquin ꞌën Papa Dios ax ca asérabi ꞌëbë ꞌicë quixun ꞌunánan ꞌëxribi cana abë ꞌai quixun ꞌunánti ꞌain.

Juan 11:40

Usaquian cacëxunbi ca Jesusan Marta cacëxa: —ꞌËn cana mi can, asë́rabi ꞌëmi catamëquin camina Nucën Papa Diosan aín cushin ñu ꞌaia isti ꞌain. ¿Usa cat?

Juan 12:28

Papan, unicaman mix cuëëncësa oquin mi rabinun ca uisashi cara, ꞌë ocancëxbi asábi ꞌiti ꞌicën. Cacëxun ca naínuax banaquin aín Papan cacëxa: —Atúan ꞌë rabinun cana mëníocën, mënío ꞌixun cana ꞌëa rabinun sinánmitëcënti ꞌain.

Juan 17:1

Usaquin aín ꞌunánmicë unicama caíshi manámi bësui abë banaquin ca Jesusan aín Papa cacëxa: —Papan, unían ꞌë ꞌati nëtë ca uaxa. Min camina ꞌëx, min Bëchicë ꞌicë, bamacëbi ꞌë baísquimiti ꞌain, ꞌë rabiquian camabi unin mix camina asérabi cushiira ꞌai quixun ꞌunánun.

Juan 17:10

Uicamax cara ꞌëmi sinania acamax ca mimiribi sinania. Usaribiti ca uicamax cara mimi sinania acamax ca ꞌëmiribi sinania. ꞌËn sinánsaribi ca atun sinan ꞌicën.

Juan 17:5

Usa ꞌain camina ënë nëtëa unicëma pain ꞌain ꞌëx ꞌiásabi oi misaribi ꞌitëcënun, minu cuania ꞌë ꞌimitëcënti ꞌain.

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Juan 5:23

a rabicësaribi oquían camabi unin ꞌëribi rabinun. An aín Bëchicë ꞌicë ꞌë rabicëma, an ca ꞌën Papa an ꞌë xuá, aribi rabima.

Juan 8:54

Quia ca Jesusan cacëxa: —ꞌËx rabiacacëbëtanbi ca, aín banax sapi ca asérabima ꞌicë quixun unin sinánti ꞌicën. Usa ꞌaínbi ca an ꞌë rabicë, ax ꞌën Papa ꞌicën, ami mitsun —ax ca Nucën Papa Dios ꞌicë —quixun ñuicë a.

Juan 9:24

Usaquian cacëxun ca a judíos unicaman amiribishi cuëntëcënxun bëpë́xcucë uni ñucátëcëancëxa: —Nucën Papa Diosan ismainun ca nu asérabi ñuixun, ¿uisaxira caramina bëpë́quian? A uni, Jesús, ax ca ꞌatima ꞌicë quixun cananuna ꞌunan.

Juan 9:3

Quixuan cacëxun ca Jesusan cacëxa: —Bëxuñu ca ax ꞌicën. ꞌAíshbi ca aín ꞌucha cupía ꞌicëma ꞌicën, ꞌimainun ca aín tita, aín papan ꞌucha cupíribia ꞌicëma ꞌicën. Nucën Papa Diosan ñu ꞌaia unin isnun ca ax bëxuñu ꞌicën.

Romanos 11:11

Usa ꞌain cana sinanin, ¿aín ꞌucha cupí cara Nucën Papa Diosan judíos unicamaira xënibua ꞌaínbia aín unima ꞌinun ëanxa? —quixun. Usama ca. Judíos unibu ami sináncëma ꞌain ca Nucën Papa Diosan judíosma unibu ami sinánun sinánmia. Judíosma unibunëxa ꞌëmi sinania isi ca judíos uniburibi usaribiti ꞌëmi sinánti ꞌicë quixun sinánquin ca Nucën Papa Diosan judíosma unibu ami sinánun sinánmia.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Filipenses 1:20

Usa ꞌain cana ꞌëx Jesucristomishi catamëtia uni ië́ti bana, a ñui rabínquinma, ꞌën ꞌacësabi oquin ñuitisa tanin. Usoquin ꞌai cana nëtë camabi ami catamëti asaribi ꞌiisa tanin, ax ca asérabi upíira ꞌicë quixun ꞌunania camabi uni ami catamënun. Bamacëma ꞌixun ꞌën bana ñuixuncë cupí ꞌiananbia, ꞌëx bamacëbëbi uni ꞌën aín bana ñuixuncë cupí Jesucristomi sinánti cana cuëënin.

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

1 Pedro 4:11

Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.

1 Pedro 4:14

Cristonan cupía unin mitsumi nishquin ꞌatimaquin ñuicëxbi camina Nucën Papa Diosan Bëru Ñunshin Upí cushiira, axa mitsubë ꞌain, cuëënti ꞌain. Unían ꞌatimaquin ñuiabi camina mitsun Cristo rabin.