Juan 11:32 - Kashibo-Kakataibo Biblia

³² Cuancëbë anua ꞌicë anu bëbai a tanáin tsóbuquin ca Maríanën Jesús cacëxa: —Mixmi ënu ꞌain ca ꞌën rarëbacë ñucëma ꞌitsíanxa.

Nukën 'Ibu Diosan ain unikama 'inan ain bana

³² Cuancëbë anua 'icë anu bëbai a tanáin tsóbuquin ca Maríanën Jesús cacëxa: —Mixmi ënu 'ain ca 'ën rarëbacë ñucëma 'itsíanxa.

Juan 11:32 Iomraidhean Croise

Lucas 17:16

Rabiquin ca a tanáin rantin puruni tsóbuti bëúnpucuquin —ca asábi ꞌicë —quixun Jesús cacëxa. An usoquin cacë uni ax ca Samarianu ꞌicë uni ꞌiacëxa.

Lucas 5:8

Usoquian ꞌaia isi ratúquin ca Simón Pedronën aín bëmánon rantin purúnquin —ꞌëx cana ꞌuchañu uni ꞌain. Usa ꞌain camina ꞌë ëbiani cuanti ꞌai —quixun Jesús cacëxa.

Lucas 8:41

Caíncëxa bëbaia ca anu judíos unicama timë́cë xubunu ꞌicë ꞌapu achúshi, Jairo cacë, an anu cuani a tanáin rantin puruni tsóbuquin Jesús cacëxa: —ꞌËn ini bëchicë ca aratsushi ꞌicën, mëcën rabë́ ꞌimainun rabë́ baritiañu ca ax ꞌicën. Ca ꞌinsinan ꞌi bamaia. A pëxcui camina ꞌën xubunu cuanti ꞌain. Cacëx abë cuania ca ꞌaisamaira unin Jesús chacatisaira ocëxa.

Juan 11:2

María ax ca an Nucën ꞌIbu Jesús aín taë ꞌiníntisa ron chabóxun aín bun tatërë́ncë, a ꞌiacëxa.

Juan 11:21

Biquin ca cacëxa: —Mixmi ënu ꞌain ca ꞌën rarëbacë ñucëma ꞌitsíanxa.

Juan 11:37

Usaía quicëbë ca uni raírinëx quiacëxa: —¿An uni bëxuñu bëpë́xcucë uni ënën cara ñucëma ꞌaínshi uxun Lázaro ië́micë ꞌitsíanx?

Juan 4:49

Cacëxun ca ꞌapun unin cacëxa: —ꞌËn bëchicë ca nëtë́tisaira ꞌicën. Nëtë́cëmaishi camina a isi cuanti ꞌain.

Apocalipsis 22:8

ꞌËx Juan ꞌixun cana ꞌën ënë ñucama cuanan isan. Usoquin ënë ñucama cuanan isi cana ángel, an ꞌë ismicë, a rabinux a tanáin rantin purúan.

Apocalipsis 5:14

Usaía cantaia ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acaman —usai ca ꞌiti ꞌicë —quixun caxa. Cacëbë rantin purúnquin ca a caniacëcë unicamanribi axa bamatimoi tsócë a rabiaxa.

Apocalipsis 5:8

Bicëbë ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acama ꞌimainun mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicamaribi, Carnero ꞌicësaribitia unin ꞌucha cupí bama ami bësucë ꞌaish a rabi rantin purúanxa. A caniacëcë unicaman ca arpa cacë ñu a ꞌai cuëëni cantati, a ꞌimainun curi ꞌacë manë xanpa anua sanutanun nëënti tsëpasa ñu ꞌicë, acama tuíanxa. A xanpanuax cuin tëxë́quianxa ꞌirucë, ax ca aín unicaman Nucën Papa Dios rabianan ñucácë banacama a ꞌiaxa.