Juan 11:19 - Kashibo-Kakataibo Biblia

¹⁹ Usa ꞌain ca judíos unicama Martacëñun María aín rarëbacë ñucë sinania, masá nuitutia isi riquianx raruai aín xubunu a rapasu bucüacëxa.

Nukën 'Ibu Diosan ain unikama 'inan ain bana

¹⁹ Usa 'ain ca judíos unicama Martacëñun María aín rarëbacë ñucë sinania, masá nuitutia isi riquianx raruai aín xubunu a rapasu bucüacëxa.

Juan 11:19 Iomraidhean Croise

Génesis 37:35

Usaia aín papa uínbi manumisamai nitë́xëkëbëtan ka aín bëchikë xanu ꞌimainun nukëbënë kaman uisoxun karana aín masá nuitukë a manumiti ꞌain kixun sinánkëxa, ꞌaínbi ka an usokin kuëënmiti kuëëanma ꞌikën; kuëënima ka aín bëchikënën rabanan ꞌitsaira ini kiakëxa: ꞌËn sinánkë ënë nëtënux karana ꞌëxribi ꞌën bëchikë ꞌikësaribiti ñutima ꞌain, ñutankëx kana anua uni ñukë ꞌikë anuax ꞌëx abë mërananti ꞌain.

Job 2:11

Job ax ka rabë́ ꞌimainun achúshi uni an ꞌunánkëñu ꞌiakëxa: Ax ka Elifaz kakë, ꞌaish Temán, menu tsókë uni ꞌiakëxa ꞌimainun ka Bildad axribi Súah kakë menu tsókë ꞌiakëxa ꞌimainun ka Sofar axribi Naamat kakë menu tsókë uni ꞌiakëxa. A unikaman ka atun ꞌunánkë uni Job axa usai ñu ꞌatima inuti nuibakatia kuakëxa, kuabiani ka kanankiani nun ꞌunánkë uni Job ka ꞌaisamaira tëmëraia usa ꞌain kananuna aín masá nuitukë a sinanatánun kanan isi kuanti ꞌai kiax kanankëxa.

Job 42:11

Usa ꞌain ka kamabi aín xukë́nkama, ꞌimainun aín chirabakëkama ꞌianan aín ꞌunánkë unikama, ꞌimainun bërámabia ꞌunan unikama atúxribi a isi, ain xubunu rikiankëxa anuxun ka abë timë́xun fiesta ꞌakin atubëtan piakëxa. Usakin ꞌakin ka Diosan ꞌimikëxa ꞌitsaira paë tani tëmërakë anun kananuna nuxribi masánuitua kixun kakankëxa, kanan ka atu achúshi achúshinën manë uxua kuríki ꞌakë a ꞌinánan, mëñusuti kuri ꞌakë aribi ꞌinankankëxa.

Lucas 10:39

ꞌAtsíntancëxuan bana ñuixunia ca Martanën xucën, María, axribi anu ꞌixun, a tanáin tsóxun Jesusan bana upí oquin cuacëxa.

Lucas 10:42

Usa ñucama ꞌati asábi ꞌaínbi ca ꞌën bana cuati, ax bëtsi ñu ꞌati sináncësamaira oquin sinánti asábiira ꞌicën. Maríanën ca usaquin ꞌati sinánxa. Usa ꞌain cana ꞌën a ꞌaxunma ꞌanun catima ꞌain.

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 11:1

Betania ëmanu ꞌicë uni Lázaro cacë, ax ca ꞌinsínñu ꞌiacëxa. Aín chirabacë rabëtax ca Marta ꞌimainun María ꞌiacëxa.

Juan 11:31

Bënëtishi niruquiania xubunuax cuania isquin ca axa abë xubunu bucucë judíos unicaman, —sapi ca anua aín rarëbacë maíncënuax rarumati cuania —quixun sinánquin María nuibiancëxa.

Juan 11:33

María ini rarumamainuan abë ucë judíos unicamaxribi ini rarumatia isi ca Jesús masá nuituti nitë́xëacëxa.

Juan 11:36

Usai ꞌia isi ca judíos unicamax canancëxa: —An ca Lázaro nuibairaxa, ca is. Usa ꞌaish ca anun rabanan bëunan mëscutia.

Juan 11:45

Usoquian ꞌaia isquin ca axa Maríabë cuancë judíos unicaman, Jesús ca asérabi Nucën Papa Diosnuaxa uá ꞌicë quixun sináncëxa.

Juan 11:8

Cacëxun ca aín ꞌunánmicë unicaman cacëxa: —¿Anu ꞌicë judíos unicamaxa maxaxan mi ꞌacatsi quiax ꞌësë́naënxanbi caina amiribishi Judea nëtënu cuantëcëncatsi quin?

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

2 Corintios 1:4

Uisa ñu cara ꞌia ꞌicëbënu a cupí tëmërai masá nuitutiabi ca Nucën Papa Diosan upí oquinu sinánun nu ꞌimia. An nu usaquin ꞌimicë cupí cananuna bëtsi uni nux ꞌicësaribitia tëmërai masá nuitutiabi, ꞌë ꞌaquincësaribi oquin ca Nucën Papa Diosan mi ꞌaquinti ꞌicë quixun caquin ꞌaquinti ꞌain. Usaquinu uni itsi ꞌaquinun ca Nucën Papa Diosan nuxnu masá nuitutiabi upí oquinu sinánun nu ꞌimia.

1 Tesalonicenses 4:18

Usa ꞌain camina ënë bana, abëmi ꞌicë unicamabë masá nuituaxma ꞌinun quixun ñuixuni, sinánmiananti ꞌain.

1 Tesalonicenses 5:11

Ënë ñucama sinani camina ami catamëti Jesucristomi cushicë ꞌinux upiti bëtsibë bëtsibë sinánmiananti ꞌain, mitsúxmi ꞌicësabi oi.

1 Samuel 31:13

Usokin ꞌaxun ka aín xokama ashi Jabés kakë ëma anua nikë i pëchiñu tëmú, anu maínkankëxa. Usokin ꞌatankëx ka mapai achúshi ꞌimainun rabë́ nëtë ꞌimikin ñu pima samákankëxa.