Juan 11:16 - Kashibo-Kakataibo Biblia

¹⁶ Cacëxun ca rabë́ bacë́an ꞌicë Gemelo caquin anëcë, Tomás, an Jesusan ꞌunánmicë uni raíri cacëxa: —Nuxribi abë bamai cuanun ca cuan.

Nukën 'Ibu Diosan ain unikama 'inan ain bana

¹⁶ Cacëxun ca rabë́ bacë́an 'icë Gemelo caquin anëcë, Tomás, an Jesusan 'unánmicë uni raíri cacëxa: —Nuxribi abë bamai cuanun ca cuan.

Juan 11:16 Iomraidhean Croise

Mateo 10:3

Raírinëx ca Felipe cacë ꞌimainun Bartolomé cacë ꞌimainun Tomás ꞌimainun Mateo, an ꞌapu buánmiti curíqui bicë, acama ꞌiacëxa. ꞌImainun ca Jacobo, Alfeonën bëchicë, a ꞌimainun Lebeo ꞌicëbi Tadeoribi cacë a ꞌiacëxa.

Mateo 26:35

Cacëxun ca Pedronën Jesús cacëxa: —ꞌËx mibë bamanuxunbi cana, ꞌën cana mi ꞌunáncëma ꞌai quixun uni parántima ꞌain. Ësaquian caia ca raírinënribi cacëxa.

Marcos 3:18

Raírinëx ca Andrés, Felipe, Bartolomé, Mateo, Tomás acama ꞌiacëxa. Bëtsix ca Alfeonën bëchicë, Jacobo, ꞌiacëxa. Raírinëx ca Tadeo ꞌimainun Simón, axa judíos unibun rabanan nëëti banacë, aribi ꞌiacëxa.

Lucas 22:33

Cacëxun ca Simón Pedronën cacëxa: —Mi ꞌacësaribi oquin sipuanan unin ꞌanúnbi cana mi ëniman.

Lucas 6:15

Mateo, Tomás, acama ꞌimainun Jacobo, Afleonën bëchicë, ꞌimainun Simón axa judíos unibun rabanan nëëti banacë,

Juan 11:15

Mitsúnmi ꞌën cushi isti cupí cana ꞌëx anuma ꞌian. Usa ꞌain cana anu ꞌëx ꞌicëma cupí cuëënin. Bërí anu cuanun ca cuan.

Juan 11:8

Cacëxun ca aín ꞌunánmicë unicaman cacëxa: —¿Anu ꞌicë judíos unicamaxa maxaxan mi ꞌacatsi quiax ꞌësë́naënxanbi caina amiribishi Judea nëtënu cuantëcëncatsi quin?

Juan 13:37

Cacëxun ca Pedronën cacëxa: —¿Uisa cupí carana bëríbi mibë cuantima ꞌain? Unían ꞌë ꞌanúnbi cana mibë cuanti ꞌain.

Juan 14:5

Cacëxun ca Tomásnën cacëxa: —Uinu caramina cuanin, a cananuna ꞌunaniman. ¿Usa ꞌixun caranuna uisaxun mix anun cuanti bai ꞌunánti ꞌain?

Juan 21:2

Anu ca Simón Pedro, Tomás ꞌicëbi rabë́ bacë́an ꞌicë Gemelo caquinribi anëcë, a ꞌimainun Natanael, Galileanu ꞌicë Caná cacë ëmanu ꞌicë, a ꞌimainun Zebedeonën bëchicë rabë́ acamabë Jesusan ꞌunánmicë uni rabë́ribishi timë́cë ꞌiacëxa.

Hechos 1:13

Riquianx Jerusalénu bëbatancëx ca anua atux ꞌicë xubunu atsíanx manámia ꞌicë cata itsi anu cëñúruacëxa. Atux ca Pedro, Jacobo, Juan, Andrés, Felipe, Tomás, Bartolomé, Mateo, Alfeonën bëchicë Jacobo, Simón axa aín aintsin rabanan nëëcë, a ꞌimainun Jacobonën xucën Judas, acama ꞌiacëxa.