Juan 10:7 - Kashibo-Kakataibo Biblia

⁷ Usa ꞌain ca Jesusan amiribishi cacëxa: —Asérabi cana ꞌën mitsu cain, ꞌëx cana carneronën cënën xëcuësaribi ꞌain.

Nukën 'Ibu Diosan ain unikama 'inan ain bana

⁷ Usa 'ain ca Jesusan amiribishi cacëxa: —Asérabi cana 'ën mitsu cain, 'ëx cana carneronën cënën xëcuësaribi 'ain.

Juan 10:7 Iomraidhean Croise

Salmos 100:3

Usai ꞌikin kamina upíokin Nukën ꞌIbu ax ka Dios ꞌikë kixun ꞌunánkanti ꞌain; an ka nu uniokëxa usa ꞌaish kananuna ainan ꞌain; nux kananuna ain unikama ꞌain, ¡usa ꞌikë ka unían ain ñuina ꞌarakakësa usaribi ꞌikë nu bërúaia!

Salmos 95:7

Ax ka nun Dios ꞌikën, usa ꞌain kananuna nukamax an kaískë unikama ꞌain; usa ꞌaish kananuna an ꞌarakakë ovejakamasa ꞌain. Usa ꞌain kananuna bërí ax ësai kia kuati ꞌain:

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Ezequiel 34:31

Mitsux kamina ꞌën ꞌarakakë ñuinakamasa ꞌain, usa ꞌaish kamina ꞌën ꞌarakakë ñuinakama ꞌën menu ꞌikësa ꞌain. ꞌËx Dios ꞌaish kana ësai kin. ꞌËx kana atun ꞌIbu ꞌain.”

Ezequiel 36:38

ꞌImainun ka axa ami nishkë unikaman atun ëma masó anua tsókë unikama ax ꞌaisamaira ꞌinun kaiti, ovejakama fiesta ꞌakin anuxun rëxun xaroti Jerusalénnu buánkin timë́kë usaribi ꞌiti ꞌikën. Usakin ꞌakin ka ꞌëx kana Dios ꞌai kixun ꞌë ꞌunánkanti ꞌikën.”

Juan 10:1

Ësaquinribi ca Jesusan fariseo unicama cacëxa: —Asérabi cana ꞌën mitsu cain, axa anu carnero ꞌicë cënë aín xëcuën atsinima amo ꞌicë manámitan atsíncë uni ax ca an ñu mëcamacë uni ꞌicën, mëcamaxuan an ñu buáncë uni ca ax ꞌicën.

Juan 10:9

ꞌËx cana anua carnero ꞌicë cënënu anun atsínti xëcuësaribi ꞌain. Axa ꞌëmi catamëcë unicama ax ca Nucën Papa Diosnan ꞌinux iëtia. Usa ꞌaish ca chuámashirua ꞌaish, carnerocama cënënuax chiquíxun pasto pitancëx atsíntëcëncësaribi ꞌiti ꞌicën, ꞌen bërúancëx.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Efesios 2:18

Usai Cristomi catamëti Nucën Papa Diosan Bëru Ñunshin Upíñu ꞌaish cananuna camáxbi, judíos uni ucën Papa Diosnan ꞌiti mëníocëxa. Usoquin ca nux judíos unꞌimainun judíosma uníxribi, Nucën Papa Diosbë banati ꞌain.