Juan 10:6 - Kashibo-Kakataibo Biblia

⁶ Usaquin caquian —an carnero bërúancë unisaribi cana ꞌëx ꞌai —quixun caquin Jesusan ꞌunánmisa tancëxunbi ca anu ꞌicë unicaman uisai quicë cara a bana ꞌicë quixun cuama ꞌicën.

Nukën 'Ibu Diosan ain unikama 'inan ain bana

⁶ Usaquin caquian —an carnero bërúancë unisaribi cana 'ëx 'ai —quixun caquin Jesusan 'unánmisa tancëxunbi ca anu 'icë unicaman uisai quicë cara a bana 'icë quixun cuama 'icën.

Juan 10:6 Iomraidhean Croise

Mateo 13:34

Usoquin ca Jesusan bana itsi ñuicësoquin bëtsi bëtsi ñu ñuiquin anu ꞌicë unicama bana ñuixuancëxa. Bëtsi banánma usoquinshi ca bana ñuixuancëxa.

Mateo 13:51

Catancëxun ca ësaquinribi aín ꞌunánmicë unicama cacëxa: —¿ꞌËn mitsu cacë bana caina cuatin? Cacëxun ca aín ꞌunánmicë unicaman —cananuna cuatin —quixun cacëxa.

Marcos 4:34

Bëtsi banánma ca usoquinshi Jesusan unicama ñuixuancëxa, ꞌixunbi ca aín ꞌunánmicë unicama abëa ꞌicë uisai quicë cara a banacama ꞌicë quixun ꞌunánmiacëxa.

Juan 16:25

Canan ca ësaquinribi Jesusan cacëxa: —Bëtsi ñu ñuicësoquin cana ꞌën ꞌunánmisa tancë banacama mitsu ñuixuan. Usa ꞌaínbi cana ꞌitsama nëtë ꞌicëbëtan bëtsi ñu ꞌacësoquin ñuiquinma upí oquin cuaquinmi ꞌunánun Nucën Papa Dios ñuiquin mitsu ñuixunti ꞌain.

Juan 16:29

Cacëxun ca aín ꞌunánmicë unicaman cacëxa: —Asábi ca, bërí camina bëtsi ñu ñuicësoquin ñuiquinma —usa ca —quixúnu upí oquin ꞌunánun nu bana ñuixunin.

Juan 6:52

Quixuan cacëx ca judíos unicama ñucacanani quiacëxa: —¿Uisa ꞌixun cara ënë unin anu nun pinun nu pimiti ꞌic?

Juan 6:60

Usa ꞌain ca an Jesusan bana ñuia cuacë unicama ꞌaisamaira ꞌain raírinëx quiacëxa: —Axa usai quicë bana ax ca cuaisama ꞌicën. ¿Uin cara a cuati ꞌic?

Juan 7:36

¿Uisai quicë cara an ësaquin nu cacë bana ënëx ꞌic: “Uinu carana ꞌëx cuani, anu camina mitsux cuantima ꞌain. Usa ꞌixun camina bariquinbi cuania ꞌë mëratima ꞌain”?

Juan 8:27

Usaía Jesús quiabi ca, Nucën Papa Dios ñui ca quia quixun a unicaman cuama ꞌicën.

Juan 8:43

¿Uisa cupí caina mitsun ꞌën cacëxun cuatiman? Mitsúnbi cuaisama tanquin camina ꞌën, bana ñuixuncëxunbi cuatiman.

1 Corintios 2:14

An sinánmicëma uni an ca Nucën Papa Diosan Bëru Ñunshin Upitan sinánmicë ñu ꞌunanima. A ñucamax ca an iscëx ꞌusani ami cuaitisa ꞌicën. Unin ca a ñu ꞌunánti ꞌicën, Nucën Papa Diosan Bëru Ñunshin Upitan ꞌunánmicëxuinshi.

2 Pedro 2:22

Usaquian upí ꞌiti ëncë unicamax ca unia ësai quicësa ꞌicën: “Camunan ca quinántancëxunbi amiribishi aín quinan pitëcënia. Usaribiti ca cuchi nashitancëxbi me chabánu racátëcëni chuatëcënia”.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.