Juan 10:5 - Kashibo-Kakataibo Biblia

⁵ A ꞌunáncëma uni, a ca carnerocaman nuima, usa ꞌaish ca an cuëncë́xbi aín bana ꞌunáncëma ꞌaish abatia.

Nukën 'Ibu Diosan ain unikama 'inan ain bana

⁵ A 'unáncëma uni, a ca carnerocaman nuima, usa 'aish ca an cuëncë́xbi aín bana 'unáncëma 'aish abatia.

Juan 10:5 Iomraidhean Croise

1 Reyes 22:7

Kixuan atun kaiabi ka Josafatnën ñukákëxa: —¿Ënu kara an Dios kikë bana ñuikë uni itsi aribi ñukáti abë banati ꞌaíma ꞌik?

Marcos 4:24

Usaquin catancëxun ca ësaquinribi Jesusan cacëxa: —Mitsun cuacë banacama upí oquin cuaquin camina a bana quicësabi oquin ꞌati ꞌain. An ꞌën a ñuixuncë bana uisai quicë cara quixun upí oquin sinánquin axa quicësabi oquin ꞌacë uni a ca ꞌën bana itsiribi Nucën Papa Diosan ꞌunánmiti ꞌicën.

Lucas 8:18

An ꞌën bana cuaquin a bana quicësabi oquin ꞌacë uni a ca ꞌën bana itsiribia cuanun Nucën Papa Diosan ꞌunánmiti ꞌicën. Usa ꞌaínbi ca an ꞌën bana cuaquinbi sináncëma uni, a, an isa ꞌunánxa quixuan sináncë bana a camabi Nucën Papa Diosan manumiti ꞌicën. Usa ꞌain camina mitsun cuacë banacama upí oquin cuaquin, a bana quicësabi oquin ꞌati ꞌain.

Juan 10:16

Bëtsi carneroñuribi cana ꞌain. A ꞌaíshbi ca ënë cënënu ꞌicëma ꞌicën. Aribi cana ënë cënënua ꞌinun bëti ꞌain. Acamanribi ca ꞌën bana cuati ꞌicën. Usaquin ꞌën ꞌacëx ca ꞌën carnerocamax achúshi cënënushi ꞌiti ꞌicën, achúshishi ca an a bërúancë ꞌiti ꞌicën.

Juan 10:4

Usoxuan rëcuë́nquianquin buáncëxun ca carnerocaman aín bana cuaquin a caxu cuanquin nuibiania.

2 Timoteo 4:3

Jesucristo utëcënti nëtë ꞌurama ꞌain ca unin Nucën Papa Diosan bana anúan atux upí ꞌiti a cuaisama tanti ꞌicën. A bana cuaisama tanquin ca unin, ainsa atúan cuaisa tancë bana ñuixunun quixun bëtsi unicama bariti ꞌicën.

1 Juan 2:19

An Cristo ꞌatimaquin ñuicë unicama nubë ꞌixunbi ca nu ëanxa, asérabi nun ꞌacësaribi oquin Jesucristo sináncëma ꞌixun. Nux ꞌicësaribiti asérabi Jesucristomi sináncë ꞌaish ca nubë bërúcë ꞌitsíanxa. Usa ꞌain ca atúan nu ëncë cupí camaxunbi ꞌunánti ꞌicën, nubëa ax timë́cë unicamax ca camáxira asérabi nux ꞌicësaribiti Jesucristomi sináncëma ꞌiaxa quixun.

1 Juan 2:21

Mitsúnmi Cristonan ꞌixun ax cuëëncësabi oi ꞌiti ꞌunáncëma cupí cana mitsu caiman. Mitsúnmi a ñucama ꞌunáncë cupí cana mitsu ënë quirica cuënëoxunin. Camina ꞌunanin, Cristonan ꞌixun ax cuëëncësabi oi ꞌiti ꞌunáncë uni ax ca cëmëtima ꞌicën.

Apocalipsis 2:2

Mitsúnmi ñu ꞌacëcama cana ꞌunanin, chiquíshquinma camina ñu upí ꞌain. Uisa ñu cara ꞌicëbëtanbi camina ꞌëmi sinánti ëncëma ꞌain. An ñu ꞌaisama ꞌacë unicama timaquin camina an ꞌacësaribi oquin ꞌaiman. Usai ꞌiquin camina uni raíri axa —ꞌë ca Nucën Papa Diosan aín bana unicama ñuixunun ꞌimia —quicë, ax cara asérabia Nucën Papa Diosan usoquin ꞌimicë ꞌicë quixun ꞌunánuxun isquinbi camina atúxbia cëmëi quia isan.