Juan 10:4 - Kashibo-Kakataibo Biblia

⁴ Usoxuan rëcuë́nquianquin buáncëxun ca carnerocaman aín bana cuaquin a caxu cuanquin nuibiania.

Nukën 'Ibu Diosan ain unikama 'inan ain bana

⁴ Usoxuan rëcuë́nquianquin buáncëxun ca carnerocaman aín bana cuaquin a caxu cuanquin nuibiania.

Juan 10:4 Iomraidhean Croise

Mateo 16:24

Catancëxun ca aín ꞌunánmicë unicama ësaquin Jesusan cacëxa: —Uix cara ꞌën uni ꞌiisa tania an ca a ꞌai bamanuxunbi ꞌëmi catamëti quicë bana ënquinma ꞌati ꞌicën.

Juan 10:16

Bëtsi carneroñuribi cana ꞌain. A ꞌaíshbi ca ënë cënënu ꞌicëma ꞌicën. Aribi cana ënë cënënua ꞌinun bëti ꞌain. Acamanribi ca ꞌën bana cuati ꞌicën. Usaquin ꞌën ꞌacëx ca ꞌën carnerocamax achúshi cënënushi ꞌiti ꞌicën, achúshishi ca an a bërúancë ꞌiti ꞌicën.

Juan 10:27

Carneronëan an bërúancë unin bana cuacësaribi oquin ca axa ꞌëmi catamëcë unin ꞌën bana cuatia. Cuatia cana acama ꞌën ꞌunanin. Usa ꞌixun ca ꞌën bana cuaquin a bana quicësabi oquin ꞌaia.

Juan 10:3

Axa ucëbëtan an xëcuë xëócacë unin xëócacëbë atsínxuan an bërúancë unin aín anën cuëncëxun ca carnerocaman aín bana cuatia. Cuabëtsinia aia ca cënënua ëman buania.

Juan 10:5

A ꞌunáncëma uni, a ca carnerocaman nuima, usa ꞌaish ca an cuëncë́xbi aín bana ꞌunáncëma ꞌaish abatia.

Juan 10:8

ꞌËx ucëma pan ꞌaían anpáinra uá unicama ax ca an mëcamacë unisa ꞌiacëxa. Usa ꞌixun ca Nucën Papa Diosan bana isa ñuixunia quixun aín bana cuanun quixun uni paráncëxa. Usa ꞌicë ca atun bana unicaman cuaisama tancëxa.

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.

Juan 13:15

Ënëx ca a tanquinmi usaribi oquin ꞌacanun ꞌën mitsu ꞌacë ꞌicën.

Juan 18:37

Cacëxun ca Pilátonën catëcëancëxa: —¿Usa ꞌain caramina asërabi ꞌapu ꞌain? Quixuan cacëxun ca Jesusan cacëxa: —ꞌËx cana ꞌapu ꞌain, min ꞌë cacësabi oi. Usai ꞌinux cana ënë nëtënu uacën, Nucën Papa Diosan sináncë ñucama ñuiquin camabi uni canux. Uicaman cara uisaira cara a bana ꞌicë quixun ꞌunántisa tania, an ca ꞌën bana cuatia.

Juan 3:29

Ësa ca. Ainan ꞌinúan unin bicëx ca xanu ainan ꞌia. Ainan ꞌiti xanu bitsia uni cuëëni banaia cuati ca axa abë nicë uníxribi cuëënia. Usaribiti cana ꞌëx —unicaman ca Jesusan bana cuatia —quixunmi mitsun ꞌë cacëxun cuati chuámarua tani cuëënin.

1 Corintios 11:1

ꞌËx Cristo ꞌiásaribiti ꞌicësaribiti camina mitsúxribi ꞌiti ꞌain.

Efesios 5:1

Mitsux aín bëchicë ꞌicë an nuibacë ꞌaish camina usai ꞌiti sinani Nucën Papa Dios ꞌicësaribiti ꞌiti ꞌain.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Hebreos 6:20

Cristo axa anua Nucën Papa Dios ꞌicë anu ꞌain cananuna nuxribi anu abë ꞌiti ꞌain. Ax ca nëtë́timoi xënibua ꞌaínbi usabi sacerdotenën cushicaman ꞌapu ꞌaish, an aín unicama Nucën Papa Dios ñucáxunti a ꞌicën, Melquisedec ꞌiásaribiti.

1 Pedro 2:21

Usaími ꞌinun ca Nucën Papa Diosan mitsu aín uni ꞌimiaxa. Cristonën ca ñu ꞌatima ꞌacëma ꞌixunbi mitsu cupí tëmëracëxa. Usaribi oquin camina ñu atima ꞌacëma ꞌaish tëmëraquinbi tanshiti ꞌain.

1 Pedro 4:1

Uni ꞌixun ca Cristonën tëmëraquin paë tancëxa. Usa ꞌain camina ꞌunánti ꞌain, mitsúnribi camina —sapi cana tëmëraquin paë tanti ꞌai —quixun sinánti ꞌain. Uin cara Jesucristonan cupí tëmëraquin paë tanxa an ca ñu ꞌatima ꞌai ꞌuchati ëanxa.

1 Pedro 5:3

ꞌApúxa unían ax quicësa oquinshi ꞌanun quiax quicësaribiti camina banatima ꞌain. Usari ꞌíma camina mitsúnmi bana ñuixuncë unicamaxa usaribiti ꞌinun, upíshi ꞌiti ꞌain.