Juan 10:31 - Kashibo-Kakataibo Biblia

³¹ Usaquian cacëxun ca judíos unicaman anun rëcatsi quixun maxax biacëxa.

Nukën 'Ibu Diosan ain unikama 'inan ain bana

³¹ Usaquian cacëxun ca judíos unicaman anun rëcatsi quixun maxax biacëxa.

Juan 10:31 Iomraidhean Croise

Éxodo 17:4

Usakian kakëxun ka Moisésnën ꞌakinun kixun Nukën ꞌIbu ñukákin kakëxa: —¿Añu karana ꞌën ënë unikamabëtan ꞌati ꞌain? Atun ꞌë maxaxan ꞌakin rëkanti ka ꞌuramara ꞌikën, kixun ka Moisésnën kakëxa.

Mateo 12:14

Usocëbë chiquíquiani cuanx ca fariseo unicama Jesús ñui uisoxun ꞌati cara quiax ꞌësë́nancëxa.

Mateo 21:35

Cacëx cuanxa bëbaiabi ca an naë bërúancë unicaman axa ucë unicama bitancëxun bëtsi ꞌanan bëtsiribi ami mëparamë́quin mëëanan bëtsiribishi maxaxan ꞌaxa.

Mateo 23:35

Usa ꞌixun camina mitsun raran ꞌásaribi oquin ꞌain. Abel pain ca ꞌuchañuma ꞌicëbi mitsun rara achúshinën ꞌacëxa. Usaribi oquin ca mitsun raran an Nucën Papa Dios quicësabi oquin ꞌacë unicama bari itsi bari itsi inúmiquin ꞌacëxa. ꞌA ꞌaían ca raírinënribi Zacarías, Baraquíasnën bëchicë, a anuxun Nucën Papa Dios rabiti xubu rapasunuxun ꞌacëxa. Usaribi oquin camina mitsun ꞌain.

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 10:24

Nitsia ca judíos unicaman nëbë́tsioraquin cacëxa: —¿Uisati caramina nu chiquiracëquin caiman? Mix Cristo, axa utinu nun caíncë, a ꞌixun ca nu upí oquin cat.

Juan 10:32

Bitsia ca Jesusan cacëxa: —ꞌËn Papan ꞌë ꞌamicëxun cana mitsúnmi isnun ꞌitsa ñu ꞌan. ¿ꞌËn usoquin ꞌacë uinu ꞌicë ñu cupí caramina ꞌë maxaxan ꞌacatsi quin?

Juan 11:8

Cacëxun ca aín ꞌunánmicë unicaman cacëxa: —¿Anu ꞌicë judíos unicamaxa maxaxan mi ꞌacatsi quiax ꞌësë́naënxanbi caina amiribishi Judea nëtënu cuantëcëncatsi quin?

Juan 5:18

Usaía Jesús quia cuati ami nishquin ca judíos unicaman ësaquin sináncëxa, —Usai qui ca Nucën Papa Dios ax isa aín papa ꞌicë quianan ax isa Nucën Papa Diossaribi ꞌicë quia. Usaquin sinani ca anun ñu mëëtima nëtën uni pëxcucë cupí ami nishanan, usaía quicë cupíribi ami nishquin, a ꞌacatsi quiax ꞌësë́nancëxa.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.