Juan 10:28 - Kashibo-Kakataibo Biblia

²⁸ Acama cana nëtë́timoi Nucën Papa Diosnan ꞌinun ꞌimiti ꞌain. ꞌImia ca uínbi atu ꞌë bicuantima ꞌicën.

Nukën 'Ibu Diosan ain unikama 'inan ain bana

²⁸ Acama cana nëtë́timoi Nucën Papa Diosnan 'inun 'imiti 'ain. 'Imia ca uínbi atu 'ë bicuantima 'icën.

Juan 10:28 Iomraidhean Croise

Salmos 37:28

Nukën ꞌIbu Diosan ka upí ñuishi ꞌati kuëënia. Usa ꞌixun ka an ënkinma a rabikë aín unikama ënima; ꞌaínbi ka an ñu ꞌatimaira ꞌakë unikama këñuia këñukin ka atun bakë bëchikë rëbúnkiñuma ꞌinun ꞌimiti ꞌikën.

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Isaías 55:3

Ënu kamina mitsux ukanti ꞌain, ꞌën kakësabiokin ꞌën bana upiokin bëmë́kin ꞌai kamina chuámarua tsókanti ꞌain. ꞌËn kana mitsubëtan uínsaranbi këñutima ñu ꞌati ꞌain, usokin ꞌakin kana ꞌën uni David nuibakin kásabiokin mitsu ꞌaxunti ꞌain.

Jeremías 23:4

ꞌËn kana an ñuina bërúankë uni ꞌakësa ꞌinua an bërúanti ꞌapu nanti ꞌain, usakin nankëxun bërúai ka uimibi rakuë́tima ꞌianan achúshibi nëtë́nun ꞌimitima ꞌikën. ꞌËx min ꞌIbu ꞌaish kana ësai kin,”

Jeremías 31:3

ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Marcos 13:22

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Canan ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan unicamaribi paránti sinánuxun ꞌaia.

Lucas 23:46

Usaía ꞌicëbë ca munuma cuëncënishi Jesús quiacëxa: —Papan, ꞌën cana ꞌën bëru ñunshin minmi binun mi ꞌinanin. Usaquin catancëx ca ashiti bamacëxa.

Juan 10:29

Atux ca ꞌën Papa, axa uinu ꞌicë unibëtanbi sënë́nmaira, an ꞌënan ꞌinun ꞌëmi sinánmiquin ꞌë ꞌináncë ꞌicën. Usa ꞌicë ca uínbi atu a bicuantima ꞌicën.

Juan 11:25

Cacëxun ca Jesusan cacëxa: —ꞌËx cana an uni baísquimiti a ꞌain, ꞌianan cana anúan uni ainan ꞌaish Nucën Papa Diosbë ꞌiti a ꞌain. Axa ꞌëmi catamëcë uni, ax ca bama ꞌaíshbi tsónux baísquiti ꞌicën.

Juan 14:19

ꞌItsama nëtë ꞌicëbëtan ca an Nucën Papa Diosan bana cuacëma unin ꞌë istëcëntima ꞌicën. Usa ꞌaínbi camina mitsun ꞌë istëcënuxun ꞌain. ꞌËx pain Nucën Papa Diosbë ꞌicë cupí camina usaribiti mitsúxribi abë ꞌinuxun ꞌain.

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Juan 18:9

Atúan bixun ꞌatimocëxun aín unicaman ami sinánti ënti rabanan ca Jesusan usoquin an biti unicama cacëxa, aín bana, “minmi ꞌë ꞌináncë unicama achúshinëxbi ca ꞌëmi sinánti ëncëma ꞌicën” quicësabi oía ꞌinun.

Juan 3:36

Axa aín Bëchicëmi catamëcë uni, ax ca ainan ꞌaish Nucën Papa Diosbë nëtë́timoi ꞌia. Usa ꞌaínbi ca axa Nucën Papa Diosan Bëchicëmi sinántisama tancë uni, ax ainanma ꞌaish Nucën Papa Diosbë nëtë́timoi ꞌima. A uni ca Nucën Papa Diosan aín ꞌucha cupí ꞌaisamaira oquin castícancë ꞌiti ꞌicën.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 5:24

Asérabi cana ꞌën mitsu cain, axa ꞌën bana cuati an ꞌë xuá ami sináncë uni, ax ca ainan ꞌaish nëtë́timoi Nucën Papa Diosnan ꞌia. A cupía Nucën Papa Diosnan ꞌitima ꞌicëbi aín ꞌuchacama tërë́ncë cupí ꞌuchañuma ꞌaish ca bamatancëxbi nëtë́timoi Nucën Papa Diosbë ꞌiti ꞌicën.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Juan 6:37

ꞌËx cuëëncësabi oquin ꞌai cana uáma ꞌain. An ꞌë xucë, axa cuëëncësabi oquinshi ꞌai cana uacën. Usa ꞌain ca ui unicama cara Nucën Papa Diosan ꞌënan ꞌinun sinánmia acamax ca ꞌëmi catamëti ꞌicën. Axa ꞌëmi catamëcë uni, a cana —camina ꞌënan ꞌitima ꞌai —quixun catima ꞌain.

Juan 6:47

Asérabi cana ꞌën mitsu cain, axa ꞌëmi sinani ꞌëmi catamëcë unicamax ca ainan ꞌaish xënibua ꞌaínbi Nucën Papa Diosbë ꞌia.

Juan 6:68

Quixuan cacëxun ca Pedronën cacëxa: —¿Ui uninu caranuna aín bana cuanux cuanti ꞌain? Minshi camina anun nu Nucën Papa Diosbë nëtë́timoi ꞌiti bana nu ñuixunin.

Hechos 7:59

Maxaxan ꞌacëxun ca Estebanën Nucën ꞌIbu Jesús cacëxa: —ꞌËn ꞌIbu Jesús, mibë ꞌinun ca ꞌë bit.

Romanos 5:17

Achúshi unia ꞌuchá cupí ca camabi uni ꞌuchañu ꞌaish Nucën Papa Diosbë ꞌitimoi bamaia. Usa ꞌaínbi ca uicama cara Nucën Papa Diosan nuibaquin atun ꞌucha tërë́nquin upí isia, acamax Jesucristo cupí bëtsi sinánñu ꞌixun, upí ñu ꞌatancëx Nucën Papa Diosbë nëtë́timoi aín nëtënu ꞌiti ꞌicën.

Romanos 5:2

Jesucristomi catamëcë cupíshi cananuna uisaira oquin cara Nucën Papa Diosan nu nuibaquin nu ainan ꞌinun ꞌimia quixun ꞌunanin. Usoquin ꞌunani cuëënquin cananuna, nux cananuna Nucën Papa Diosnan ꞌaish aín nëtënu abë ꞌiti ꞌai quixun ꞌunanin.

Romanos 5:21

Usoquin mëníocëx ca camabi uni aín ꞌucha cupí Nucën Papa Diosbë ꞌitimoi bamati ꞌaíshbi Nucën ꞌIbu Jesucristo cupí aín ꞌucha tërë́ncë ꞌianan bëtsi sinánñu ꞌixun upí ñu ꞌatancëx Nucën Papa Diosan nëtënu abë xënibua ꞌaínbi ꞌiti ꞌicën.

Romanos 5:9

Cristo bama cupí nun ꞌucha tërë́ncë ꞌaish cananuna Nucën Papa Diosan iscëx upí ꞌain. Usa ꞌaish cananuna anúan Nucën Papa Diosan camabi unin ñu ꞌacë isti nëtën an iscëx upí ꞌaish asérabi ꞌuchocëma ꞌiti ꞌain.

Romanos 6:23

Aín ꞌucha cupí ca uni ië́timoi bamati ꞌicën. Usa ꞌaínbi ca axa aín ꞌucha tërë́nun Nucën ꞌIbu Jesucristomi catamëcë unicama a abë xenibua ꞌaínbi ꞌinun Nucën Papa Diosan ië́mia.

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

Romanos 8:29

Ui unicama cara ainan ꞌiti ꞌicë quixun ꞌunánquin ca Nucën Papa Diosan aín Bëchicënëxa aín unicaman cushi ꞌinun atux aín Bëchicë ꞌicësaribiti ꞌinun mëníocëxa.

Deuteronomio 33:3

Nukën ꞌIbun ka aín unikama nuibatia, nuibanan ka uikaman kara aín bana kikësabiokin ꞌaia a bërúaia. Bërúanan ka uin kara a rabianan an kakë banakama kikësabiokin ꞌaia a ꞌakinia.

Filipenses 1:6

Cana ꞌunanin, an mitsu Jesucristomi catamënun sinánmicë ꞌixun ca axa utëcë́nti nëtë ꞌitámainun Nucën Papa Diosan Jesucristosaribi ꞌaish upí ꞌinun mitsu ꞌimia.

2 Tesalonicenses 2:13

Nucën xucë́antu, usa ꞌaínbia Nucën ꞌIbu Jesucristonën nuibaquin mitsu ainan ꞌimicë cupí cananuna Nucën Papa Dios —asábi ca —ënquinma cati ꞌain. Mecama unioisama pain ꞌixunbi ca Nucën Papa Diosan ainan ꞌinux ië́ti mitsu sinánxuancëxa. Usa ꞌaish camina aín Bëru Ñunshin Upí an ax cuëëncësa oíshi ꞌinun mitsu sinánmicë, a cupí ꞌianan asérabi Jesucristo ñuicë bana sináncë cupí, ainan ꞌain.

1 Timoteo 1:16

ꞌËx ꞌuchañuira ꞌicëbia Jesucristonën ꞌëmi nishquinma ainan ꞌë ꞌimicë cupí ca axa ami catamëti xënibua ꞌaínbi Nucën Papa Diosbë ꞌiti unicaman ꞌunánti ꞌicën, usaribi oquin ca Jesucristonën aribi Nucën Papa Diosnan ꞌinun ꞌimiti ꞌicë quixun. Atúan usaquin ꞌunánun ca Nucën Papa Diosan nuibaquin ꞌë ainan ꞌimiacëxa.

2 Timoteo 1:12

An ꞌimicëxun usoquin ꞌacë cupía bëtsi bëtsi ocancëxbi cana rabiniman. Ami catamëquin cana ꞌunanin, ax cushiira ꞌixun ca Nucën Papa Diosan, ꞌëx a ꞌinamëcë ꞌicë bërúanquin aín bana bëtsi oquin ñuiquinma upí oquinshi unicama ꞌunánminun ꞌë ꞌaquinti ꞌicën. ꞌAquianan ca anúan ax utëcënti nëtën uquin an ꞌën ꞌacë ñucama upí isti ꞌicën.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

1 Pedro 1:5

A nëtënu ꞌiisama pain ꞌaíshmi ënë nëtënuaxbi ami catamëtia isquin ca Nucën Papa Diosan aín cushínmi ñu ꞌatima ꞌaíma upíshi ꞌinun mitsu bërúanquin ꞌaquinia, an mëníosabi oími Jesucristoa utëcëncëbë aín nëtënu abë tsónun.

1 Juan 1:2

A cananuna nusaribi ꞌaish uni ꞌicë nun ꞌunáncën. Usa ꞌixun cananuna asérabi a isacën. Isá ꞌixun cananuna a mitsu ñuixunin. Ax aín Papabë ꞌitancëxbi ënë menu uá ꞌixun ca bamatimoi tsócë ꞌixun, usaribitinu abë ꞌinun nu ꞌimiti ꞌicë quixun cananuna mitsu ñuixunin.

1 Juan 2:19

An Cristo ꞌatimaquin ñuicë unicama nubë ꞌixunbi ca nu ëanxa, asérabi nun ꞌacësaribi oquin Jesucristo sináncëma ꞌixun. Nux ꞌicësaribiti asérabi Jesucristomi sináncë ꞌaish ca nubë bërúcë ꞌitsíanxa. Usa ꞌain ca atúan nu ëncë cupí camaxunbi ꞌunánti ꞌicën, nubëa ax timë́cë unicamax ca camáxira asérabi nux ꞌicësaribiti Jesucristomi sináncëma ꞌiaxa quixun.

1 Juan 2:25

Jesucristonëxbi ca quiacëxa, a cupíshi cananuna ainan ꞌaish Nucën Papa Diosbë xënibua ꞌaínbi ꞌiti ꞌai quiax.

1 Juan 5:11

Nucën Papa Dios ca quiacëxa, aín Bëchicëmi catamëcë cupí cananuna an ꞌimicëx ainan ꞌaish xënibua ꞌaínbi abë ꞌiti ꞌai quiax.

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.

Judas 1:21

Nucën Papa Diosan mitsu nuibacëx camina ami manutima camabi nëtën ax cuëëncësabi oi ꞌiti ꞌain. ꞌIanan camina a nëtë anuan nuibaquin Nucën ꞌIbu Jesucristonën utëcënquin aín nëtënunu xënibua ꞌaínbi abë ꞌinun nu ꞌimiti, a caínti ꞌain.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.

1 Samuel 2:9

An ka aín unikama uinu kara nitsia anuabi bërun oia, ꞌaínbi ka an ñu ꞌatima ꞌakë unikama Dios ꞌunánkëma ꞌaish bëánkibukënu bamaia, usa ꞌain ka uínbi ax kushi ꞌikë a uisabi oima.