Juan 10:18 - Kashibo-Kakataibo Biblia

¹⁸ ꞌËx cuëëniama ca unin ꞌë bamamitima ꞌicën. Bamatsianxmabi cana ꞌëxbi cuëëncë cupí bamati ꞌain. ꞌËx cuëëncë cupí cana bamati ꞌain, bamatancëx cana baísquitëcënti ꞌain. Usai ꞌinun ca ꞌën Papan ꞌë caxa.

Nukën 'Ibu Diosan ain unikama 'inan ain bana

¹⁸ 'Ëx cuëëniama ca unin 'ë bamamitima 'icën. Bamatsianxmabi cana 'ëxbi cuëëncë cupí bamati 'ain. 'Ëx cuëëncë cupí cana bamati 'ain, bamatancëx cana baísquitëcënti 'ain. Usai 'inun ca 'ën Papan 'ë caxa.

Juan 10:18 Iomraidhean Croise

Juan 10:11

ꞌËx cana ainra carnero upí oquin bërúancë asaribi ꞌain. Ainra carnero upí oquin bërúancë, ax ca aín carnero bamati rabanan bamanuxunbi bëarati ꞌicën.

Juan 10:17

Baísquitëcëanx tsónux ꞌëx bamatsianxmabi bamati cupí ca ꞌën Papan ꞌë nuibatia.

Juan 14:31

Usa ꞌaínbi cana camabi unían ꞌëx cana ꞌën Papami sinani quixun ꞌunánun, an ꞌë cacësabi oquin ꞌain. Ënëishi cana mitsu cain. Cuanti ca nirut —quixun ca Jesusan aín ꞌunánmicë unicama cacëxa.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Juan 19:11

Cacëxun ca Jesusan cacëxa: —Naínu ꞌicë Nucën Papa Dios cuëëncëbëtanma camina min ꞌë uisabi otsíama. Usa ꞌain ca an mi ꞌë ꞌináncë unicama ax mix ꞌicësamairai ꞌuchaxa.

Juan 5:26

Usa ꞌinun ca Nucën Papa Diosan, ënë nëtënu tsónan ainan ꞌaish aín nëtënuribi abë ꞌinun uni ꞌimia. An ca aín Bëchicë ꞌënribi usaribi oquin uni ꞌiminun ꞌë ꞌimiaxa.

Juan 5:30

Ësaquinribi ca Jesusan cacëxa: —ꞌËn cana ꞌënbi sinánquin ñu ꞌaiman. ꞌËn Papan ꞌë cacësabi oquin cana ꞌën, cara castícancë ꞌiti ꞌicën, cara castícancë ꞌitima ꞌicë quixun uni cain. ꞌËx cuëëncësoquin ꞌaquinma cana an ꞌë xuá, axa cuëëncësabi oquin ñu ꞌain. Usa ꞌain ca ꞌën uni cacë banax asábi ꞌicën.

Hechos 2:24

Usoquian unin ꞌacëbi ca Jesús a Nucën Papa Diosan baísquimiaxa, uisatimoia tsónun. Ax asaribi cushiira ꞌicëa uinu ꞌicë unínbi ashiquin bamamisama ꞌicë ca Nucën Papa Diosan aín Bëchicë baísquimiaxa.

Hechos 2:32

Davidnën cuënëo bana quicësabi oquin ca Nucën Papa Diosan Jesús bamacëbi baísquimiaxa quixun cananuna nucamanbi ꞌunan.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Hebreos 2:9

Usa ꞌaínbi cananuna Jesús ꞌunanin. A ca Nucën Papa Diosan, usabi ꞌinuxmabi ënë menu uni ꞌaish ángelcama meura ꞌinun xuacëxa. Unicama nuibaquian Nucën Papa Diosan sinánsabi oi ca ax camabi unin ꞌucha cupí bamacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa.