Juan 10:1 - Kashibo-Kakataibo Biblia

¹ Ësaquinribi ca Jesusan fariseo unicama cacëxa: —Asérabi cana ꞌën mitsu cain, axa anu carnero ꞌicë cënë aín xëcuën atsinima amo ꞌicë manámitan atsíncë uni ax ca an ñu mëcamacë uni ꞌicën, mëcamaxuan an ñu buáncë uni ca ax ꞌicën.

Nukën 'Ibu Diosan ain unikama 'inan ain bana

¹ Ësaquinribi ca Jesusan fariseo unicama cacëxa: —Asérabi cana 'ën mitsu cain, axa anu carnero 'icë cënë aín xëcuën atsinima amo 'icë manámitan atsíncë uni ax ca an ñu mëcamacë uni 'icën, mëcamaxuan an ñu buáncë uni ca ax 'icën.

Juan 10:1 Iomraidhean Croise

Jeremías 14:15

Usa ꞌain kana ꞌëx Dios ꞌaish, an bana ñuikë unikama ꞌën anë ñuiti xukëmaxia atúnbi sinánbiani kuanx ꞌakanantisa ꞌaíma ꞌinuxun ꞌaia kianan, numiribisa ënë menu ꞌaíma ꞌinuxun ꞌaia kiax kikë, an bana ñuikë unikama ax ka ami nishkë unikaman ꞌakëx ꞌianan numin këñuti ꞌikë kin.

Jeremías 23:21

“Ësai ka Nukën ꞌIbu kiakëxa. ꞌËn kana an këmëkinshi an ꞌën bana ñuikë unikama a xukëma ꞌain, ꞌianan kana uisa banabi ꞌën atu kakëma ꞌain, ꞌaínbi ka atúxbi usai ꞌiti kuëëanx ꞌën anë ñui banati sinanx bënëruxun ꞌaisatanxa.

Jeremías 23:32

ꞌËx kana an bana ñuikë unikama an këmëkinshi namákë ñuixunkin ꞌën unikama; bëtsiokin sinánmia. ꞌËn kana xukin uisa bananbi kakëma ꞌain, usa ꞌaish ka ꞌën unikama ꞌakinsama ꞌikën. ꞌËx min ꞌIbu ꞌaish kana asérabi ësai kin.”

Joel 2:9

Usai ꞌika ëmami kikiani abákianx anun ëma kënëara anun rorukiani kuani, xubukamanu atsínti ꞌikën, usai ꞌika an ñu mëkamakë unikamax xubu ꞌain xëkuë chukúmakama anun atsínkësaribi ꞌiti ꞌikën.

Mateo 7:15

Bëtsi bëtsi unin ca mitsu parántisa tanquin —Nucën Papa Diosan sinánmicëxun cana mitsu bana ñuixunin —quiquinbi anbi sináncë bana ñuixunia. Usa unin ñuicë bana camina cuatima ꞌain. A unicamax ca ꞌunánmaratsu ñuinasa ꞌaíshbi aín nuitu mëu ꞌatima sinánñu ꞌaish pianancë ñuinasa ꞌicën.

Juan 10:7

Usa ꞌain ca Jesusan amiribishi cacëxa: —Asérabi cana ꞌën mitsu cain, ꞌëx cana carneronën cënën xëcuësaribi ꞌain.

Juan 3:3

Cacëxun ca Jesusan cacëxa: —Asérabi cana ꞌën mi cain, axa aín cushin bacë́ntëcëncëma uni ax ca Nucën Papa Diosnan ꞌitima ꞌicën.

Romanos 10:15

¿Uisaxun cara unin uni itsin xucëma ꞌixun uni raíri bana ñuixunti ꞌic? Ca ꞌatima ꞌicën. An aín bana ñuixuncë unicama ñui ca Nucën Papa Diosan bana cuënëo ësai quia: “ꞌËn unibunëxa upí bana, —Nucën Papa Diosan ca aín ꞌucha tërë́nquin abëa upí ꞌinun uni ꞌimia —quicë, a ñui aia unin iscëx ca upíira upí ꞌicën”.

Romanos 16:18

Usa unin ca Nucën ꞌIbu Jesucristo cuëëncësabi oquin ꞌaquinma aín cuëëncësa oquinshi ꞌaia. Atux ca an Nucën Papa Diosan bana upí oquin ꞌunáncëma unicamabë upiti banaibi cëmëia. Usaquin paránquin ca aín bana cuanun uni sinánmia.

Tito 1:11

A unicaman ca curíqui biti cupíshi unicama parántisa tanquin bëtsi bana ñuixunquin, bëtsi bëtsi uni ꞌimainun aín xubunu ꞌicëcamaribi, atun sináncësa oquian sinánun quixun sinánmia. A unicama camina amiribishi uni parántëcëanxma ꞌinun cati ꞌain.

Hebreos 5:4

Ui uníxbi ca axbi ꞌiisa tani judíos sacerdotenën cushicaman ꞌapu ꞌitima ꞌicën. Nucën Papa Diosan ꞌimicëx cuni ca usai ꞌiti ꞌicën, Nucën Papa Diosan —Aaronën ca ꞌën unicama ꞌë ñucáxunti ꞌicë —quixun Moisés cásaribi oi.

1 Pedro 1:10

An Nucën Papa Dios quicë bana uni ñuixuncë unicaman ca —Nucën Papa Diosan ca aín ꞌuchacama tërë́anan uni ainan ꞌinun ië́miti ꞌicë —quixun cuënëoquinbi uisai quicë cara a bana ꞌicë quixun ꞌunánma ꞌicën. ꞌUnáncatsi quiax ñucacanánquin Nucën Papa Diosan bana amiribi amiribi isquinbi ca ꞌunánma ꞌicën.

2 Pedro 2:1

Usa ꞌaínbi ca ꞌiacëxa, uni raíri, an —Nucën Papa Dios ca usai quia —quixun cëmëquin anbi sináncë bana nucën raracama ñuixuncë. Usaribiti ca an mitsu bana ñuixunti uni cëmëquin parani mitsubë ꞌiti ꞌicën. Atúnbi sinánxun ca Nucën Papa Diosan banamabi ꞌatima bana ñuixunquin, Nucën ꞌIbu Jesucristo ami catamëtia uni Nucën Papa Diosnan ꞌiti, ami catamëaxma ꞌinun quixun ñuixunquin uni sinanamiti ꞌicën. Usaquin ꞌacë ꞌaish ca a unicamax bënëtishi cëñúti ꞌicën.

2 Pedro 2:3

A unicaman ca mitsun curíqui biti cupíshi cëmëquin paránquin Nucën Papa Diosan banamabi, anbi sináncë bana mitsu ñuixunti ꞌicën. Usaquian ꞌacë cupí ca ië́tima cëñúti ꞌicën, usai atux ꞌitia Nucën Papa Diosan mëníosabi oi.

1 Juan 4:1

ꞌËn nuibacë xucë́antu, ënë nëtënuxun ca ꞌitsa unin —Nucën Papa Diosan sinánmicëxun cana uni bana ñuixuni —quiquinbi an sinánmicëxunmabi anbia sináncë bana uni ñuixunia. Usa ꞌain camina —Nucën Papa Diosan ca ꞌë sinánmia —quiquian unin ñuicë bana acamaira cuatima ꞌain. Upí oquin pain camina asérabi cara Nucën Papa Diosan sinánmicëxun uni ñuixunia quixun cuati ꞌain.