Juan 1:7 - Kashibo-Kakataibo Biblia

⁷ Ax ca Nucën Papa Diosan Bana, an ꞌuchañuira ꞌicëbi uni aín nuitu upí ꞌimiti, ax ucëbëa ami catamënun camabi uni a ñuixuni uacëxa.

Nukën 'Ibu Diosan ain unikama 'inan ain bana

⁷ Ax ca Nucën Papa Diosan Bana, an 'uchañuira 'icëbi uni aín nuitu upí 'imiti, ax ucëbëa ami catamënun camabi uni a ñuixuni uacëxa.

Juan 1:7 Iomraidhean Croise

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Juan 1:12

Usa ꞌixunbi ca uicamax cara ami sinánan ami catamëtia, acama Nucën Papa Diosan bëchicëa ꞌinun ꞌimiacëxa.

Juan 1:15

Usa ꞌain ca Juan, an uni nashimicë, an Nucën Papa Diosan Bana ñui munuma banaquin cacëxa: —Ënëx ca a ñuiquin ësaquin ꞌën mitsu caëxancë a ꞌicën: Axa ꞌë caxu uti uni ax ca ꞌësamaira ꞌicën. ꞌËx ꞌicëma pain ꞌain ax pain ꞌiá ꞌaish ca ꞌësamaira ꞌicën.

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 1:36

Abë ꞌicë ca Jesús cuainia isquin Juanën cacëxa: —Ca is, carnero ꞌicësaribiti unin ꞌucha cupí bamanuan Nucën Papa Diosan xua a ca ux ꞌicën.

Juan 1:9

An aín sinan upíira ꞌixun uni upí ꞌimiti axa uti ñuiquin ca Juanën unicama ñuixuancëxa.

Hechos 19:4

Cacëxun ca Pablonën cacëxa: —ꞌAtimaquin sináncë ꞌixunbia sinanatia ca Juanën uni nashimiacëxa. Nashimiquin ca cacëxa, axa a caxu uti uni achúshi, Jesús, axa utia judíos unicaman caíncë, Cristo, ami sinánun quixun.

Gálatas 3:26

Usa ꞌain camina mitsux Cristo Jesúsmi catamëti abë ꞌaish Nucën Papa Diosan bëchicë ꞌain.

Efesios 3:9

Nucën Papa Dios, an camabi ñu unio, an ca —Cristo ca uti ꞌicë —quixun bëráma mënío ꞌixunbi Cristo ucëmapan ꞌain, a ñui quicë bana uisai quicë cara quixuan unin cuanun ꞌunánmiama ꞌicën. ꞌUnánmiama ꞌixunbi ca bërí a bana unicama ꞌunánminun Nucën Papa Diosan ꞌë caxa.

1 Timoteo 2:4

Ax ca camabi unían ainan ꞌinux ië́quin ax cuëëncësabi oi ꞌiti ꞌunánti cuëënia.

Tito 2:11

Nucën Papa Diosan ca camabi uni nuibaquin ꞌaquinquin abëa upí ꞌinun ꞌiminuxun aín Bëchicë ënë menu xuacëxa, unían uisaira oquin cara an atu nuibatia quixun ꞌunánun. Usa ca Nucën Papa Dios ꞌicë quixun ꞌunáncë ꞌixun camina ꞌën mi cacësabi oquin unicama ꞌunánmiti ꞌain.

2 Pedro 3:9

Usa ꞌain ca —ca uti ꞌicë quiá ꞌaíshbi ca Jesucristo xënibutia —quiáxa uni quicë ꞌaínbi uti ꞌixúnbi Jesucristonën achúshira uníxbia ainanma ꞌaish castícancë ꞌiti cuëënima, camabi unia sinanati ami catamëti cuëënia.