Juan 1:48 - Kashibo-Kakataibo Biblia

⁴⁸ Quia ca Natanaelnën cacëxa: —¿Uisaxun caramina ꞌë ꞌunan? Cacëxun ca Jesusan cacëxa: —Mi caia Felipe cuancëma pan ꞌaínbi cana mi higuera tanáinua isan.

Nukën 'Ibu Diosan ain unikama 'inan ain bana

⁴⁸ Quia ca Natanaelnën cacëxa: —¿Uisaxun caramina 'ë 'unan? Cacëxun ca Jesusan cacëxa: —Mi caia Felipe cuancëma pan 'aínbi cana mi higuera tanáinua isan.

Juan 1:48 Iomraidhean Croise

Isaías 65:24

ꞌImainun kana atun ꞌë ñukákin sënë́onkë, ꞌaímabi ꞌakinti ꞌain; atúxa ꞌëbë banai sënë́nkë ꞌaímabi kana ꞌën ꞌunánkë ꞌiti ꞌain, ꞌën kana atun bana kuakë ꞌinuxun ꞌain.

Mateo 10:3

Raírinëx ca Felipe cacë ꞌimainun Bartolomé cacë ꞌimainun Tomás ꞌimainun Mateo, an ꞌapu buánmiti curíqui bicë, acama ꞌiacëxa. ꞌImainun ca Jacobo, Alfeonën bëchicë, a ꞌimainun Lebeo ꞌicëbi Tadeoribi cacë a ꞌiacëxa.

Mateo 6:6

A unicamaxa usai ꞌicëbëbi camina mitsux usai ꞌitima ꞌain. Mitsux min Papa Diosbë bananux min ꞌitinu atsínquin camina min xëcuë xëputi ꞌain. Xëputancëx camina, min Papa Diosribi ca anu ꞌicë quixun ꞌunani, abë banati ꞌain. Mitsua unin isiamabi ca min Papa Dios, an camabi ñu isanan camabi sinan ꞌunáncë, ax mixmi abë banaia cuati cuëënti ꞌicën. Cuëënquin ca mitsu upí oquin sinánxunti ꞌicën.

Juan 1:44

Felipe Betsaida ëmanu ꞌicë uni ꞌain, ca Andrés ꞌimainun Pedroribi, anu ꞌicë uni ꞌiacëxa.

Juan 12:21

Cuanxun ca Galilea menu ꞌicë ëma itsi, Betsaida, anu ꞌicë uni, Felipe, a mëraquin cacëxa: —Jesús cananuna istisa tanin.

Juan 14:8

Quia ca Felipenën cacëxa: —Nucën Papa Dios ca nu ismit. Bëtsi ñuuma, ashi cananuna mi ñucatin.

Juan 2:25

An ca unían cacëxunmabi camabi unin sinan ꞌunáncëxa.

Juan 6:5

Anuxun ꞌaisamaira uníxa a nuibëtsini aia isquin ca Jesusan Felipe cacëxa: —¿Uinua caranuna a ënë unicama pimiti pán biti ꞌain?

Juan 6:7

Cacëxun ca Felipenën cacëxa: —Doscientos curíqui cupí bicëxbi ca pán achúshi achúshi camabi uni ꞌináncëx sënë́ntima ꞌicën.

1 Corintios 14:25

—ꞌËn unë́xun ꞌacë ñuribi ca Nucën Papa Diosan isaxa —quixun sinánquin ca a ñucama chiquinaquin Nucën Papa Dios rabiti ꞌicën. Rabianan ca —asérabi ca Nucën Papa Dios mitsubë ꞌicë —quiti ꞌicën.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.